Filipibi 4:7 - BAIBLO ALOO NGMAMI KLƆUKLƆU Ɔ

⁷ Nɛ Mawu he jɔmi nɛ pã adesa juɛmi tsuo ɔ maa bu nyɛ tsui, kɛ nyɛ juɛmi he ngɛ Kristo Yesu mi.

Somi He Ɔ

⁷ nɛ Mawu he jɔmi nɛ pe juɛmi kulaa a maa bu nyɛ tsuihi kɛ nyɛ juɛmi ɔmɛ a he ngɛ Kristo Yesu mi!

Filipibi 4:7 ပူးပေါင်းရင်းမြစ်များ

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Hiob 22:21

Lɔ ɔ he ɔ, Hiob, yaa nɛ o kɛ Mawu ya pee kake nɛ o na tue mi jɔmi. Blɔ nɔ nɛ o maa gu nɛ e maa hi ha mo ji nɛ ɔ nɛ.

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

La 29:11

Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.

La 85:8

Nɔ́ nɛ Yawɛ Mawu ngɛ dee ɔ, i nu. E ngɛ wɔ, e ni klɔuklɔu ɔmɛ dee ke e ma ha wɔ tue mi jɔmi, se wa ko kpale ya je kuasia hu.

Abɛ Womi 2:11

O he nile, kɛ o nɔ́ sisi numi maa bu o he,

Abɛ Womi 4:6

Ko si nile se kɔkɔɔkɔ. Suɔ nile, konɛ e baa o yi, nɛ e bu o he.

Abɛ Womi 6:22

Ke o hia blɔ ɔ, munyuhi nɛ o fɔli tuɔ kɛ tsɔɔ mo ɔ maa tsɔɔ mo blɔ; nyɔ mi ke o hwɔɔ si ɔ, a maa bu o he, nɛ ke o te si ɔ, a maa wo mo ga.

Yesaya 26:12

Yawɛ, mo lɛ o haa wɔ tue mi jɔmi; nɔ́ tsuaa nɔ́ nɛ wa ngɛ pee ɔ, mo lɛ o peeɔ ha wɔ.

Yesaya 26:3

Nɔ nɛ ngɔɔ e hɛ kɛ fɔɔ o nɔ, nɛ e heɔ mo yeɔ ɔ, o haa lɛ tue mi jɔmi.

Yesaya 45:7

Imi ji nɔ nɛ bɔ la kɛ diblii tsuo. Imi ji nɔ nɛ haa he jɔmi baa, haomi hu imi nɔuu. Imi Yawɛ ji nɔ nɛ peeɔ ní nɛ ɔmɛ tsuo.

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Yesaya 48:22

Yawɛ ke, “Yayami peeli be he jɔmi nae gblegbleegble.”

Yeremia 32:16

Benɛ i ngɔ zugba a he womi ɔ kɛ ha Baruk, Neria bi ɔ se ɔ, i fa kue ha Yawɛ ke,

Yeremia 33:6

Se kɛ̃ ɔ, be ma nɛ ma tsa Yerusalem hiɔ ɔ, nɛ ma ha nɛ ma mi bi ɔmɛ ma na he wami. Ma ha nɛ a ma plɔke, nɛ a ma na he jɔmi.

Mose IV, 6:26

Yawɛ nɛ wo e hɛ mi nɔ ngɛ nyɛ nɔ, nɛ e ha nyɛ he jɔmi.

Luka 1:79

E ma kpɛ kɛ je hiɔwe ha nihi tsuo nɛ hii si ngɛ gbenɔ hɔ̃ diblii mi, nɛ e maa tsɔɔ wɔ blɔ kɛ ba he jɔmi blɔ ɔ nɔ.”

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Romabi 8:6

He lo nya níhi a he juɛmi ɔ kɛ gbenɔ baa, se mumi mi níhi a he juɛmi ɔ haa nɔ wami, kɛ he jɔmi.

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Efesobi 3:19

Ee, nyɛ ma ba yɔse Kristo suɔmi nɛ nɔmlɔ adesa juɛmi sui he ɔ, nɛ nyɛ su maa hi kaa Mawu nitsɛ su.

Filipibi 1:1

Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

Filipibi 1:2

Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Filipibi 4:19

Ye Mawu ɔ ma ha nyɛ níhi tsuo nɛ hia nyɛ ɔ kɛ maa je e ní babauu nɛ hɛ mi ngɛ nyami ɔ mi kɛ gu Kristo Yesu nɔ.

Filipibi 4:21

I biɔ ni klɔuklɔu ɔmɛ tsuo nɛ ngɔ a he kɛ ha Kristo Yesu ɔ. Nyɛmimɛ ɔmɛ nɛ a kɛ mi ngɛ hiɛ ɔ ke a biɔ nyɛ.

Filipibi 4:9

Nihi nɛ nyɛ kase kɛ je ye nya, kɛ níhi nɛ nyɛ nu, nɛ nyɛ na ngɛ ye he ɔ, lɔ ɔmɛ nyɛɛ pee; nɛ he jɔmi Mawu ɔ kɛ nyɛ maa hi si.

Kolosebi 3:15

He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.

2 Tesalonikabi 3:16

Nyɔmtsɛ, nɔ nɛ haa wɔ he jɔmi ɔ, lɛ nitsɛ nɛ ha nyɛ he jɔmi daa ngɛ nɔ́ tsuaa nɔ́ nɛ nyɛ ngɛ pee mi. Nyɔmtsɛ ɔ kɛ nyɛ tsuo nɛ hi si.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Yuda 1:1

Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.