Filipibi 4:4 - BAIBLO ALOO NGMAMI KLƆUKLƆU Ɔ

⁴ Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Somi He Ɔ

⁴ Nyɛ bua nɛ jɔ ngɛ Nyɔmtsɛ ɔ mi daa! Nɛ ma de ekohu ke: Nyɛ bua nɛ jɔ!

Filipibi 4:4 ပူးပေါင်းရင်းမြစ်များ

La 146:2

Be abɔ nɛ ye hɛ ngɛ nɛ ɔ, ma je Yawɛ yi! Ligbi abɔ nɛ i ngɛ wami mi nɛ ɔ, ma la kɛ je ye Mawu ɔ yi!

La 33:1

Nyɛ dali tsuo, nyɛ hwɔ lele ngɛ nɔ́ nɛ Yawɛ pee ha nyɛ ɔ he. Nyɛ nihi tsuo nɛ nyɛ buɔ lɛ tue, nyɛ je e yi.

Habakuk 3:18

ye bua maa jɔ, nɛ ma nya; ejakaa Yawɛ Mawu ɔ ji nɔ nɛ heɔ ye yi wami.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Ni Tsumi 16:25

Maa pee nyɔ mi kpɛti ɔ, Paulo kɛ Sila ngɛ sɔlee, nɛ a ngɛ lae kɛ ngɛ Mawu yi jee nɛ pamitsɛmɛ kpa amɛ ngɛ a he nue.

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

Romabi 12:12

Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

Galatabi 1:8

Se ke e maa ba mi kaa wɔ, loo hiɔwe bɔfo ko po ma ba fiɛ sane kpakpa muno ko ha nyɛ ngɛ nɔ́ nɛ wa fiɛ momo ɔ se ɔ, musu tloo lɛ!

Filipibi 2:18

Jã nɔuu kɛ̃ nyɛ hu nyɛ bua nɛ jɔ, nɛ nyɛɛ kɛ mi nɛ nya.

Filipibi 3:1

Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.