Filipibi 4:3 - BAIBLO ALOO NGMAMI KLƆUKLƆU Ɔ

³ Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Somi He Ɔ

³ Nɛ mo hu, i kpa mo pɛɛ, ye huɛ sɔmɔlɔ kpakpa, kaa o ye bua yi nɛ ɔmɛ nɛ kɛ mi tsu sane kpakpa a he ni ɔ, kɛ Klemente hu kɛ ye huɛmɛ ni tsuli kpahi nɛ a biɛ ngɛ wami womi ɔ mi ɔ.

Filipibi 4:3 ပူးပေါင်းရင်းမြစ်များ

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Filipibi 4:2

I ngɛ nyɛmiyo Evodia, kɛ nyɛmiyo Sintika pɛɛ kpae kaa a pee kake ngɛ Nyɔmtsɛ ɔ he.

Romabi 16:12

I biɔ Trifaina kɛ Trifosa nɛ a tsuɔ ní ha Nyɔmtsɛ ɔ. I biɔ Persi, ye huɛ nɛ i suɔ lɛ saminya a; lɛ hu e tsu ní wawɛɛ kɛ sɔmɔ Nyɔmtsɛ ɔ.

Romabi 16:9

I biɔ Urbano nɛ waa kɛ lɛ tsuo tsuɔ ní ha Kristo ɔ, kɛ jehanɛ hu ye huɛ Staki nɛ i suɔ lɛ saminya a.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

La 69:28

Ha nɛ a gbe a biɛ ngɛ nihi nɛ ngɛ je mi kɛ mwɔɔ ɔ a womi ɔ mi, nɛ a ko ngma a biɛ kɛ piɛ nihi nɛ peeɔ nɔ́ nɛ da a he.

Mose II, 32:32

Ke e maa hi ɔ, moo ngɔ a he yayami ɔ ngɔ pa mɛ. Se ke o kɛ a he yayami ɔ be mɛ pae ɔ, lɛɛ i kpa mo pɛɛ nɛ o gbe ye biɛ ngɛ womi ɔ nɛ o ngmaa o ni ɔmɛ a biɛ ngɛ mi ɔ mi mɔ.”

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Kolosebi 1:7

Nyɛ kase Mawu dloomi sane nɛ ɔ kɛ je wa suɔlɔ Epafra nɛ waa kɛ lɛ ngɛ ní tsumi kake tsue ɔ nya. Lɛ hu Kristo sɔmɔlɔ anɔkualetsɛ ji lɛ; nɛ e ngɛ ní tsue ha wɔ.

Daniel 12:1

Bɔfo ɔ nɛ wo kploba tade ɔ de ke, “Jamɛ a be ɔ mi ɔ, Mikael maa ba. Lɛ ji ganɔ ngua a nɛ buu o ma a he ɔ nɛ. Jehanɛ, haomi nɛ a nɛ eko hyɛ kɛ je be nɛ je ma amɛ bɔ ade ɔ maa ba. Ke jamɛ a be ɔ su ɔ, o ma mi bi ɔmɛ tsuo nɛ a ngma a biɛ kɛ wo Mawu womi ɔ mi ɔ, a ma he a yi wami.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Ezekiel 13:9

Gbali ɔmɛ nɛ naa yakayaka níhi, nɛ lakpa níhi a klaa a, ma gbla a tue. A be ye ma mi bi ɔmɛ a kpɛti hie hu; a be a biɛhi ngmae ngɛ ye ma Israel womi ɔ mi, nɛ a be Israel zugba a hu nɔ bae gblegbleegble. Lɔ ɔ loko nyɛ maa le kaa imi ji Nyɔmtsɛ Yawɛ.

Yesaya 4:3

Nɔ tsuaa nɔ nɛ maa piɛ ngɛ Yerusalem, nɛ Mawu ma ha e yi ma na wami ɔ, a ma tsɛ lɛ nɔ klɔuklɔu.

Filipibi 1:5

ejakaa nyɛ sa sina kaa nyɛ piɛ ye he wawɛɛ ngɛ sane kpakpa a fiɛmi mi kɛ je sisije kɛ ba si amlɔ nɛ ɔ.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Filipibi 1:12

Ye nyɛmimɛ, i suɔ kaa nyɛɛ le kaa sanehi nɛ ba ye nɔ ɔ mohu ha nɛ sane kpakpa a ya su nihi babauu.

Filipibi 1:16

Kuu enyɔne ɔ kɛ suɔmi fiɛɔ, ejakaa a le kaa ní tsumi nɛ Mawu ngɔ ha mi ji kaa ma fa sane kpakpa a he.