Filipibi 4:14 - BAIBLO ALOO NGMAMI KLƆUKLƆU Ɔ

¹⁴ Se kɛ̃ ɔ, nyɛ pee saminya kaa nyɛ ba ye bua mi ngɛ ye nɔ́ nami be ɔ mi.

Somi He Ɔ

¹⁴ Se kɛ̃ ɔ nyɛ pee saminya kaa nyɛ ba ye bua mi ngɛ ye nɔ nami ɔ mi.

Filipibi 4:14 ပူးပေါင်းရင်းမြစ်များ

Matsɛmɛ I, 8:18

se Yawɛ de lɛ ke, ‘O pee saminya kaa o to o yi mi kaa o maa po we ha mi,

Kronika II, 6:8

se Yawɛ de lɛ ke, ‘O pee saminya kaa o to o yi mi kaa o maa po we ha mi.

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Romabi 15:27

Mɛ nitsɛmɛ lɛ a to kaa a maa pee enɛ ɔ lɛɛ, se anɔkuale mi ɔ, a blɔ nya ní tsumi ji kaa a ye bua mɛ. Mumi mi nike ní nɛ Mawu ha Yuda bi ɔmɛ ɔ, a kɛ ma je li ɔmɛ nɛ dla; enɛ ɔ he ɔ, e sa kaa ma je li ɔmɛ hu, he lo mi ní kpakpahi nɛ Mawu ke mɛ ɔ, a kɛ eko nɛ sɔmɔ Yuda bi ɔmɛ.

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

1 Timoteo 6:18

A ko pee kpɛle, se a bɔle nine ha nɔ tsuaa nɔ.

Hebribi 10:33

Be komɛ ɔ, a jɛɔ nyɛ, nɛ a peeɔ nyɛ nisɛ ní ngɛ ma hɛ mi; nɛ be komɛ hu, a buu nyɛ kɛ piɛɔ nihi nɛ a ngɛ mɛ yi mi wae ɔ a he.

Hebribi 10:34

Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.

Hebribi 13:16

Nyɛ hɛ ko je kpakpa peemi nɔ; nɛ nyɛɛ kɛ nyɛ sibi nɛ dla níhi nɛ nyɛ ngɛ ɔ. Ejakaa jamɛ a bɔ ɔmɛ saa Mawu hɛ mi saminya.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.