Filipibi 4:1 - BAIBLO ALOO NGMAMI KLƆUKLƆU Ɔ

¹ Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

Somi He Ɔ

¹ Lɔ ɔ he ɔ, mamimɛ nɛ i suɔ nɛ ye hɛ jaa ngɛ nyɛ he, ye bua jɔmi kɛ ye jlasi, nyɛɛ da si ja ngɛ Nyɔmtsɛ ɔ mi, nyɛ nihi nɛ i suɔ.

Filipibi 4:1 ပူးပေါင်းရင်းမြစ်များ

Hiob 31:36

i kɛ maa fɔ ye konɔ, nɛ ma fi kɛ wo ye yi kaa jlasi.

La 125:1

Nihi nɛ ngɔɔ a hɛ kɛ fɔɔ Yawɛ nɔ ɔ, a ngɛ kaa Zion yo ɔ. E maa si kpɛii kɛ yaa neneene, nɛ nɔ́ ko nɔ́ ko be nyɛe ma mimiɛ lɛ.

La 27:14

Ngɔɔ o hɛ kɛ fɔ Yawɛ nɔ. Na tsui; o kɔni mi ko jɔ̃, nɛ e maa wo mo he wami. Ee, ngɔɔ o hɛ kɛ fɔ Yawɛ nɔ.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

Yohane 8:31

Yesu de Yuda bi nɛ he lɛ ye ɔ ke, “Ke nyɛ pɛtɛ ye munyu ɔ he ɔ, lɛɛ nyɛ maa pee ye kaseli nitsɛnitsɛmɛ.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Ni Tsumi 2:42

Nimli nɛ ɔmɛ kaseɔ ní be tsuaa be ngɛ bɔfo ɔmɛ a ngɔ; a kɛ mɛ peeɔ kake kɛ yeɔ ní, nɛ a kɛ peeɔ sɔlemi hulɔ.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Galatabi 5:1

Wa ye wa he. Ee, Kristo ha wa ye wa he. Nyɛɛ da si kpitikplii, konɛ nɔ ko kó ye nyɛ nyɔguɛ hu.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Filipibi 1:8

Bɔ nɛ Kristo Yesu mi mi sãã lɛ ngɛ wa he ɔ, jã ye hɛ ngɛ jae wawɛɛ ngɛ nyɛ he; Mawu ji ye odase kaa i yi lakpa.

Filipibi 2:16

Ke nyɛ hɛɛ sane kpakpa a nɛ haa nɔ wami ɔ mi wawɛɛ ɔ, lɔ ɔ lɛɛ ligbi ɔ nɛ Kristo maa ba a, ma nyɛ ma fĩa kaa fo nɛ i tu, aloo dengme nɛ i gbo kɛ tsu nyɛ he ní ɔ pee we yaka.

Filipibi 2:26

E hɛ ngɛ jae wawɛɛ ngɛ nyɛ tsuo nyɛ he, nɛ akɛnɛ nyɛ nu kaa e be he wami ɔ, e ngɛ tsui yee.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

1 Tesalonikabi 3:13

Nɛ e wo nyɛ he wami, nɛ nyɛɛ kɛ tsui nɛ he tsɔ nɛ ba nyɛ je mi bɔ nɛ piami ko be nyɛ he hie ngɛ wa Tsɛ Mawu ɔ hɛ mi be mi nɛ wa Nyɔmtsɛ Yesu kɛ e ni klɔuklɔu ɔmɛ tsuo maa ba a.

2 Tesalonikabi 2:15

Lɔ ɔ he ɔ, nyɛmimɛ, nyɛɛ da si kpɛii! Anɔkuale ɔ nɛ wa tsɔɔ nyɛ ɔ, níhi nɛ wa de nyɛ, kɛ ní nɛmɛ nɛ wa ngma nyɛ ɔ, nyɛɛ pɛtɛ he wawɛɛ.

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

Hebribi 10:23

Nɔ́ nɛ wa ngɔ wa hɛ ngɔ fɔ nɔ, nɛ wa yeɔ he odase ɔ, nyɛ ha waa pɛtɛ he nɛ wa nɛ wa ko mimiɛ, ejakaa Mawu nɛ wo si ɔ, anɔkualetsɛ ji lɛ.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

2 Petro 3:17

Se ye nyɛmimɛ nɛ i suɔ, nyɛɛ lɛɛ nyɛ le enɛ ɔ momo. Lɔ ɔ he ɔ, nyɛɛ hyɛ nɛ hi saminya, nɛ nihi nɛ bui mlaa a, a ní peemi ní yayami ɔmɛ kó gbla nyɛ se, nɛ nyɛ si nɛ nyɛ da a ko bɔ nyɛ.