Filipibi 3:9 - BAIBLO ALOO NGMAMI KLƆUKLƆU Ɔ

⁹ I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Somi He Ɔ

⁹ nɛ a na mi ngɛ e mi kaa i be imi nitsɛ ye dami nɛ je Mlaa mi, se mohu nɔ́ nɛ gu Kristo nɔ hemi kɛ yemi nɔ nɛ ji dami nɛ je Mawu dɛ mi ngɛ hemi kɛ yemi nya a i ngɛ,

Filipibi 3:9 ပူးပေါင်းရင်းမြစ်များ

Mose I, 7:23

Yawɛ kpata nɔ́ tsuaa nɔ́ nɛ ngɛ hɛ ngmengmle ngɛ je ɔ mi ɔ hɛ mi: nimli adesahi, lohwe pɛlitsɛmɛ, lohwe nane eywiɛɛywiɛtsɛmɛ, kɛ ní nɛmɛ nɛ sãã si. Noa kɛ ni nɛmɛ nɛ e kɛ mɛ ngɛ lɛ ɔ mi ɔ pɛ nɛ a piɛ.

Matsɛmɛ I, 8:46

“Nɔ ko nɔ ko be nɛ pee we yayami. Lɔ ɔ he ɔ, ke e ba mi kaa o ma a pee yayami kɛ si mo, nɛ o mi mi fu mɛ, nɛ o ngɔ mɛ ngɔ wo a he nyɛli a dɛ mi, nɛ a nuu mɛ nyɔguɛ kɛ ho zugba kpa nɔ ya, lejɛ ɔ kɛ jio, e kɛ we jio,

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

La 14:3

Se mɛ tsuo a laa blɔ; mɛ tsuo pɛpɛɛpɛ a puɛ. Nɔ ko nɔ ko be nɛ peeɔ nɔ́ nɛ da; dɛbi, nɔ kake ngmelu po be.

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

La 19:12

Mɛnɔ ma nyɛ maa na lɛ nitsɛ e tɔmihi? Yawɛ, tɔmihi nɛ i pee ngɛ laami mi ɔ, ngɔɔ kɛ pa mi!

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Yeremia 33:16

E yi nɔ ɔ, a ma he Yuda yi wami, nɛ tue mi jɔmi maa ba Israel. Nɛ biɛ nɛ a kɛ ma tsɛ lɛ ji, ‘Yawɛ ji wa dami.’

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

Romabi 10:10

Ejakaa tsui a kɛ heɔ yeɔ loko Mawu woɔ nɔ nguɔ; nɛ ke waa kɛ wa nya jaje ɔ, a ma he wa yi wami.

Romabi 16:7

I biɔ Androniko kɛ Yunia, ye nyɛmimɛ Yuda bi nɛ a wo i kɛ mɛ tsuo tsu ɔ. A he biɛ saminya ngɛ bɔfo ɔmɛ a kpɛti; nɛ a sɛ ye hlami ngɛ Kristo mi.

Romabi 5:21

Lɔ ɔ he ɔ, bɔ nɛ yayami ye tsɛ kɛ gu gbenɔ nɔ ɔ, ja nɔuu Mawu dloomi ɔ ngɛ tsɛ yee kɛ gu dami nɔ; nɛ kɛ gu wa Nyɔmtsɛ Yesu Kristo nɔ ɔ, wa ma na neneene wami.

Romabi 8:1

Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Galatabi 2:16

Se kɛ̃ ɔ, wa le kaa loko a ma dla nɔ ko kɛ Mawu a kpɛti ɔ, ja nɔ ɔ he Yesu Kristo ye, se pi mlaa a nɔ yemi. Wɔ nitsɛmɛ po wa heɔ Kristo Yesu yeɔ, konɛ a dla waa kɛ Mawu wa kpɛti kɛ gu wa hemi kɛ yemi nɔ, se pi mlaa a nɔ yemi. Ejakaa pi mlaa a nɔ yemi nɔ nɛ a guu kɛ dlaa nɔ ko kɛ Mawu a kpɛti.

Mose V, 27:26

“ ‘Mawu maa gbiɛ nɔ tsuaa nɔ nɛ bui Mawu mlaa nɛ ɔmɛ, nɛ e yi a nɔ hulɔ.’ “Ma a tsuo ma he nɔ ke, ‘Amen!’

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

1 Yohane 3:4

Nɔ tsuaa nɔ nɛ peeɔ yayami ɔ, e yeɔ fɔ kaa e ngɛ Mawu mlaa nɔ tɔe, ejakaa yayami ji mlaa nɔ tɔmi.