Filipibi 3:8 - BAIBLO ALOO NGMAMI KLƆUKLƆU Ɔ

⁸ Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Somi He Ɔ

⁸ Niinɛ kaa i buu lɛ tsuo kaa nihi nɛ laa ngɛ Kristo Yesu, ye Nyɔmtsɛ ɔ, he ni lemi nɛ pe kulaa a he, lɛ e he nɛ nihi kulaa bɔ mi, nɛ i buu mɛ kaa kuku nɔ nihi, konɛ Kristo mohu nɛ pee ye nɔ,

Filipibi 3:8 ပူးပေါင်းရင်းမြစ်များ

Matsɛmɛ I, 14:10

Enɛ ɔ he je ɔ, i kɛ haomi maa ba o we ɔ nɔ, nɛ ma gbe nyumu tsuaa nyumu ngɛ we ɔ mi, nyɔguɛ jio, odehe jio. Ma kpata o we ɔ hɛ mi; a maa bɛɛ mɛ kɛ ho kaa a bɛɛɔ na fi.

Matsɛmɛ II, 9:37

A ma sake Yezebel gbogboe ɔ ngɔ fɔ nga nɔ ngɛ Yezreel zugba a nɔ, nɛ nɔ ko be e mi tso lee hu.’ ”

Hiob 20:7

e hɛ mi ma kpata kɛ maa ya neneene kaa lɛ nitsɛ e fĩ. Nihi nɛ le lɛ ɔ ma bi ke, “Jije e ngɛ?”

La 126:6

Nɔ nɛ vo nyu hii e hɛ mi kɛ ya duɔ ní ɔ, e maa tloo niba ní kɛ ba we mi kɛ bua jɔmi.

La 73:25

Mɛnɔ i pa ngɛ ngɛ hiɔwe pe mo? O se ɔ, nɔ́ ko nɔ́ ko hia we mi ngɛ zugba nɛ ɔ nɔ hu.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Malaki 2:3

Ma gbla nyɛ bimɛ ɔmɛ a tue. Lohwehi nɛ nyɛɛ kɛ ba sãã bɔ ha mi ɔ, ma ngɔ a fĩ kɛ kpa nyɛ hɛ mi. Nɛ a maa ngɔ nyɛ kɛ ya pue kuku nɔ.

Mose IV, 14:30

a ti nɔ kake be zugba a nɛ i ka kita ke i kɛ ma ha nyɛ nɛ nyɛɛ hi nɔ ɔ nae, ja Yefune bi Kaleb, kɛ Nun bi Yoshua pɛ.

Luka 1:43

Kɛ ba lɛ kɛɛ nɛ a ha mi he blɔ nguaa nɛ ɔ, kaa ye Nyɔmtsɛ ɔ nyɛ ma ba slaa mi?

Luka 11:20

Ee, Mawu he wami mohu i kɛ ngɛ mumi yayami ɔmɛ hiae ɔ nɛ; nɛ nɔ́ nɛ ɔ tsɔɔ kaa Mawu bɔni matsɛ yemi ngɛ nyɛ nɔ momo.

Yohane 14:20

Ke jamɛ a be ɔ su ɔ, nyɛ maa le kaa i ngɛ Tsaatsɛ mi, nɛ nyɛ hu nyɛ ngɛ ye mi kaa bɔ nɛ imi hu i ngɛ nyɛ mi ɔ.

Yohane 14:7

Kaa nyɛ le mi jinɛ nyɛ ko le Tsaatsɛ hulɔ. Kɛ je be nɛ ɔ mi kɛ yaa nɛ ɔ, nyɛ le lɛ, ejakaa nyɛ na lɛ.”

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.

Yohane 20:13

A bi Maria ke, “Maa, mɛni he je nɛ o ngɛ ya foe ɔ?” E de mɛ ke, “A wo ye Nyɔmtsɛ ɔ kɛ je, nɛ i li he nɛ a kɛ lɛ ya fɔ.”

Yohane 20:28

Toma he nɔ ke, “Ye Nyɔmtsɛ! Ye Mawu!”

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Romabi 8:18

I le anɔkuale mi kaa nɔ́ nɛ wa ngɛ nae amlɔ nɛ ɔ pi nɔ́ ko kulaa nɛ a kɛ maa to wa hɛ mi nyami nɛ Mawu maa wo hwɔɔ se ɔ he.

Romabi 8:39

hiɔwe lokoo jio, zugba sisi jio, níhi nɛ a bɔ ɔ a mi eko jio, Mawu suɔmi nɛ wa na ngɛ Kristo Yesu, wa Nyɔmtsɛ ɔ mi ɔ, ní nɛ ɔmɛ ekoeko be nyɛe ma gba wɔ kɛ maa je mi.

1 Korintobi 2:2

Ejakaa benɛ i kɛ nyɛ ngɛ ɔ, i to ye yi mi kaa i be nɔ́ kpa ko tsɔɔe pe sane ɔ nɛ kɔɔ Yesu Kristo, kɛ e sɛumi ɔ he ɔ.

1 Korintobi 9:10

Munyu nɛ e tu ɔ, anɛ pi wɔ tutuutu wa he nɛ e kɔɔ lo? Nihi nɛ gbaa ní, kɛ ni nɛmɛ nɛ kpaa ní ɔ, e sa kaa a tsu ní kɛ hɛ kɛ nɔ fɔmi kaa mɛ hu a maa ye niba ní ɔ eko.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Galatabi 1:16

e ma je e Bi ɔ ngɔ tsɔɔ mi, konɛ ma ya fiɛ sane kpakpa a ha ma je li ɔmɛ ɔ, i ya bi we ga womi ngɛ nɔ ko nɔ ko ngɔ.

Efesobi 4:13

Wɔ tsuo wa ma ba hɛɛ hemi kɛ yemi kake ɔ mi, nɛ wa maa le Mawu Bi ɔ saminya. Wa maa wa ngɛ mumi mi hluu kɛ yaa si wa maa pee kaa Kristo ɔ nitsɛ.

Filipibi 1:1

Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

Filipibi 3:10

Nɔ́ nɛ i ngɛ hlae kɛkɛ ji kaa ma le Kristo, nɛ he wami kpetekpleenyɛ nɛ ha e ba wami mi ekohu ɔ, ma na nya. Ma na nɔ́ kaa bɔ nɛ e na nɔ́ ɔ, nɛ ma gbo kaa bɔ nɛ e gbo ɔ.

Filipibi 3:12

I de we ke ye nine su jlasi ɔ nɔ momo, loo i hi kɛ pi si. Se mohu, i ngɛ mɔde bɔe kaa ye nine maa su nɔ, ejakaa enɛ ɔ he nɛ Kristo Yesu ngɔ mi kɛ pee e nɔ́ ɔ nɛ.

Filipibi 3:7

Níhi tsuo nɛ i ko bu mɛ kaa a he ngɛ se nami ha mi sa a, amlɔ nɛ ɔ, ngɛ Kristo he ɔ, i buu mɛ kaa yaka níhi nɛ a he be se nami mohu.

2 Timoteo 4:6

Imi lɛɛ a miɔ nɛ a ngɔ mi kɛ sã bɔ. Ee, be ɔ nɛ ma je je ɔ mi ɔ su.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

1 Petro 2:7

Nyɛ nihi nɛ nyɛ he ye ɔ, e he jua wa ha nyɛ saminya; se ni nɛmɛ nɛ he we yi ɔ, “Tɛ ɔ nɛ tsu fiali ɔmɛ kua a, lɔ ɔ tutuutu ba plɛ pee kɔ nya tɛ.”

2 Petro 1:2

Dloomi kɛ he jɔmi nɛ hiɛ babauu ha nyɛ, konɛ nyɛɛ le Mawu, kɛ wa Nyɔmtsɛ Yesu Kristo saminya.

2 Petro 1:3

Mawu ha wɔ níhi tsuo nɛ maa hia wɔ ɔ, konɛ waa ba wa jemi kaa Mawu jali nitsɛnitsɛmɛ. E pee nɔ́ nɛ ɔ, ejakaa wa le lɛ Mawu ɔ nɛ tsɛ wɔ kɛ gu lɛ nitsɛ e nyami, kɛ e mi mi himi ɔ mi ɔ.

2 Petro 1:8

Kikɛmɛ a su nɛ ɔmɛ a he hia nyɛ, nɛ ke nyɛ na mɛ bɔ nɛ sa a, nyɛ ma tsu ní nɛ maa wo yiblii saminya, nɛ nyɛ he maa ba se nami, akɛnɛ nyɛ le wa Nyɔmtsɛ Yesu Kristo ɔ.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.