Filipibi 3:7 - BAIBLO ALOO NGMAMI KLƆUKLƆU Ɔ

⁷ Níhi tsuo nɛ i ko bu mɛ kaa a he ngɛ se nami ha mi sa a, amlɔ nɛ ɔ, ngɛ Kristo he ɔ, i buu mɛ kaa yaka níhi nɛ a he be se nami mohu.

Somi He Ɔ

⁷ Se kɛ ɔ, nihi nɛ ji senami ha mi sa a, i bu kɔlɔ ɔmɛ kaa nihi nɛ laa ngɛ Kristo he.

Filipibi 3:7 ပူးပေါင်းရင်းမြစ်များ

Mose I, 19:17

Lɔ ɔ se ɔ, bɔfo ɔmɛ a ti nɔ kake de ke, “Nyɛɛ tu fo esɔesɔ nɛ nyɛ kɛ he nyɛ yi wami! Nyɛ ko plɛ nyɛ se, nɛ nyɛ ko da si ngɛ kɔ̃ ɔ mi he ko he ko. Nyɛɛ tu fo kɛ ho yoku ɔmɛ a nɔ ya, bɔ nɛ pee nɛ nyɛ hɛ mi ko kpata.”

Mose I, 19:26

Se Lot yo ɔ plɛ hyɛ e se, nɛ e plɛ pee ngo kpɔ.

Hiob 2:4

Satan he nɔ ke, “Nɔ́ tsuaa nɔ́ nɛ ngɛ nɔ ko dɛ ɔ, e ma nyɛ ngɔ kɛ ha, ke e yi ma na wami kɛkɛ ɔ.

Abɛ Womi 13:8

Niatsɛ kɛ sika faa e he. Ohiatsɛ ɔ, a wui e he gbeye.

Abɛ Womi 23:23

Anɔkuale yemi, nile, tsɔsemi, kɛ sane se kɔmi a he jua wa saminya; e sa kaa a di se nɛ a ko ngmɛɛ he.

Fiɛlɔ 3:6

Be ngɛ nɛ a hlaa nɔ́, nɛ be ngɛ nɛ nɔ́ laa. Be ngɛ nɛ a baa nɔ́ yi, nɛ be ngɛ nɛ a sakee nɔ́ kɛ fɔɔ he.

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Marko 10:50

Kɛkɛ nɛ e sake e tade klɔii ɔ ngɔ fɔ he; e te si pam; nɛ e ba Yesu ngɔ.

Luka 14:26

“Nɔ tsuaa nɔ nɛ maa ba ye ngɔ ɔ, loko e ma nyɛ maa pee ye kaselɔ ɔ, ja e suɔ mi kulaa pe e tsɛ, kɛ e nyɛ, kɛ e yo, kɛ e bimɛ, kɛ e nyɛminyumuhi, kɛ e nyɛmiyihi, kɛ lɛ nitsɛ e he tete.

Luka 14:33

Yesu gbe nya ke, “Jã kɛ̃, ke nɔ ko suɔ kaa e pee ye kaselɔ ɔ, ja e si níhi tsuo nɛ e ngɛ ɔ.

Luka 16:8

“Niatsɛ ɔ je tsɔlɔ nɔkɔtɔma nɔ sisilɔ ɔ yi saminya kaa e to ga kikɛ nɛ ɔ. Ejakaa anɔkuale mi ɔ, je mi bi a nane nya sɔɔ kɛ nɔ sisimi kulaa pe nihi nɛ yeɔ Mawu gbeye.”

Ni Tsumi 27:38

Benɛ a ti nɔ tsuaa nɔ ye ní bɔ nɛ e ma nyɛ ɔ, a je ngma a tsuo ngɔ wo wo ɔ mi, konɛ lɛ ɔ nɛ pee huyɛhuyɛ.

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.