Filipibi 3:17 - BAIBLO ALOO NGMAMI KLƆUKLƆU Ɔ

¹⁷ Ye nyɛmimɛ, nyɛ wo ye nane. Okadi kpakpa nɛ wa to nyɛ ɔ, nihi tsuo nɛ peeɔ ja a, nyɛɛ kase mɛ.

Somi He Ɔ

¹⁷ Mamimɛ, nyɛɛ kase mi, nɛ nihi nɛ nyɛɛ bɔ nɛ wa toɔ nyɛ okadi ɔ, nyɛɛ hyɛ mɛ.

Filipibi 3:17 ပူးပေါင်းရင်းမြစ်များ

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

1 Korintobi 10:32

Nyɛ ko pee nɔ́ ko nɛ sɛ kɛ si Yuda no ko, loo ma je no ko, loo Mawu we asafo ɔ.

1 Korintobi 11:1

Nyɛɛ ngɔ mi ngɔ pee nɔ hyɛmi nɔ́ kaa bɔ nɛ imi hu i ngɔ Kristo ngɔ pee ye nɔ hyɛmi nɔ́ ɔ.

1 Korintobi 4:16

Lɔ ɔ he ɔ, i kpa nyɛ pɛɛ nɛ nyɛ wo ye nane.

Filipibi 4:9

Nihi nɛ nyɛ kase kɛ je ye nya, kɛ níhi nɛ nyɛ nu, nɛ nyɛ na ngɛ ye he ɔ, lɔ ɔmɛ nyɛɛ pee; nɛ he jɔmi Mawu ɔ kɛ nyɛ maa hi si.

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.

2 Tesalonikabi 3:14

Ke nɔ ko sume kaa e maa ye nɔ́ nɛ wa ngma nyɛ nɛ ɔ nɔ ɔ, nyɛ kadi lɛ, nɛ nyɛɛ kɛ lɛ ko bɔ. Kɛkɛ ɔ, zo maa gbe lɛ.

2 Tesalonikabi 3:7

Nyɛ nitsɛmɛ nyɛ le veveeve kaa e hia kaa nyɛɛ kase wɔ. Benɛ waa kɛ nyɛ ngɛ ɔ, wa pee we hejɔ.

2 Tesalonikabi 3:9

Wa pee enɛ ɔ, pi kaa wa be jamɛ a blɔ nya a, se mohu, konɛ waa ngɔ wa he ngɔ pee nɔ hyɛmi nɔ́ ha nyɛ nɛ nyɛɛ kase wɔ.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.

Hebribi 13:7

Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.

1 Petro 5:3

Nihi nɛ Mawu ngɔ ha nyɛ ke nyɛɛ hyɛ a nɔ ɔ, nyɛ ko ye a nɔ; se mohu nyɛɛ ngɔ nyɛ he ngɔ pee nɔ hyɛmi nɔ́ ha Mawu asafo ɔ.