Filipibi 3:15 - BAIBLO ALOO NGMAMI KLƆUKLƆU Ɔ

¹⁵ Wɔ nihi tsuo nɛ wa wa ngɛ mumi mi ɔ, juɛmi nɛ ɔ lɛ sa kaa waa hɛɛ. Se ke nyɛ ti ni komɛ ngɛ nɔ́ kpa susue ɔ, Mawu ma je lɔ ɔ hu kpo paa kɛ tsɔɔ nyɛ.

Somi He Ɔ

¹⁵ Lɔ ɔ he ɔ, wa kpɛti nihi abɔ nɛ hi kɛ pi si ɔ, nyɛ ha waa hɛɛ kikɛmɛ a juɛmi nɛ ɔ; nɛ ke nɔ ko ngɛ nɛ susuu lɛ ekpa a, Mawu ma je kɔlɔ ɔ hu kpo ngɔ tsɔɔ nyɛ.

Filipibi 3:15 ပူးပေါင်းရင်းမြစ်များ

Yesaya 35:8

A maa je gbɛjegbɛ ko ngɛ lejɛ ɔ, nɛ a ma tsɛ lɛ ke “Blɔ klɔuklɔu.” Yayami peelɔ ko yayami peelɔ ko be nyɛe ngɛ jamɛ a blɔ ɔ nɔ gblegbleegble; nɛ blɔ hialɔ kuasia ko be tlae kɛ ba blɔ nɛ ɔ nɔ.

Mateo 5:48

Lɔ ɔ he ɔ, nyɛɛ hi kɛ pi si kaa bɔ nɛ nyɛ Tsɛ nɛ ngɛ hiɔwe ɔ hi kɛ pi si ɔ!

Luka 11:13

Ke nyɛ nimli yayamihi po nyɛ le bɔ nɛ nyɛ haa nyɛ bimɛ ní kpakpahi ɔ, nyɛ Tsɛ nɛ ngɛ hiɔwe ɔ lɛɛ e maa ngɔ Mumi Klɔuklɔu ɔ kɛ ha nihi nɛ biɔ lɛ ɔ kulaa pe kikɛ nɛ ɔ po!”

Yohane 6:45

Nɔ́ nɛ gbali ɔmɛ ngma ji nɛ ɔ nɛ: ‘Mawu maa tsɔɔ nɔ tsuaa nɔ ní.’ Munyu nɛ Tsɛ ɔ tu ɔ, nɔ tsuaa nɔ nɛ maa nu, nɛ e maa kase ní kɛ je mi ɔ maa ba ye ngɔ.

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

1 Korintobi 2:6

Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

Galatabi 5:10

Se imi lɛɛ i ngɔ ye hɛ ngɔ fɔ nyɛ nɔ. I le kaa nyɛ be nɔ kpa ko munyu nue. Nɔ tutuutu nɛ ngɛ nyɛ tue puɛe ɔ, Mawu maa gbla e tue kokooko!

Efesobi 1:17

nɛ i kpaa pɛɛ kaa wa Nyɔmtsɛ Yesu Kristo Mawu ɔ, kɛ wa Tsɛ nɛ hɛ mi ngɛ nyami ɔ nɛ ha nyɛ Mumi Klɔuklɔu ɔ. Mumi ɔ ma ha nɛ nyɛ maa le bɔ nɛ Mawu ngɛ anɔkuale mi, nɛ e ma je Mawu kpo kɛ tsɔɔ nyɛ, nɛ nyɛ maa le lɛ saminya.

Kolosebi 1:28

Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

1 Tesalonikabi 4:9

Jehanɛ, suɔmi nɛ sa kaa e hi nyɛmimɛ nɛ heɔ yeɔ ɔ a kpɛti ɔ, e hia we kaa ma ngma nyɛ womi ngɛ lɔ ɔ he hu. Mawu tsɔɔ nyɛ momo kaa nyɛɛ suɔ nyɛ he,

2 Timoteo 3:17

Kɛkɛ ɔ, Mawu tsɔlɔ ɔ maa hi kɛ pi si, nɛ e he maa su kɛ tsu nɔ́ kpakpa.

Hebribi 5:14

Se nihi nɛ wa a, a nɔ ji niye ní nitsɛ. Mɛɛ lɛɛ a tsɔse a juɛmi, nɛ a le slɔɔto nɛ ngɛ kpakpa kɛ yayami a kpɛti.

1 Yohane 2:5

Se nɔ tsuaa nɔ nɛ yeɔ Mawu mlaa a nɔ ɔ, lɛ ji nɔ nɛ suɔ Mawu anɔkuale mi. Enɛ ɔ waa kɛ maa le kaa niinɛ, waa kɛ Mawu ngɛ huɛ bɔe.