Filipibi 3:14 - BAIBLO ALOO NGMAMI KLƆUKLƆU Ɔ

¹⁴ Lɔ ɔ he ɔ, i ngɔ hɛ kɛ pi oti ɔ, konɛ ye nine nɛ su jlasi ɔ nɔ. Enɛ ɔ he nɛ Mawu tsɛ wɔ kɛ je hiɔwe tɔɔ kɛ gu Kristo Yesu nɔ.

Somi He Ɔ

¹⁴ nɛ i ngɛ fo tue kɛ yaa hɛ kpɛ kɛ maa su Mawu tsɛmi nɛ je hiɔwe ngɛ Kristo Yesu mi ɔ jlasi ɔ he.

Filipibi 3:14 ပူးပေါင်းရင်းမြစ်များ

Luka 16:16

“Mose mlaa a, kɛ níhi nɛ gbali ɔmɛ ngma a tsu ní kɛ ya si Yohane nɔ sɔlelɔ ɔ yi nɔ. Kɛ je jamɛ a be ɔ, sane kpakpa a nɛ kɔɔ Mawu matsɛ yemi ɔ he ɔ, lɔ ɔ nɛ a ngɛ fiɛe. Nɛ nɔ tsuaa nɔ ngɔ e he kɛ ngɛ mi woe kã nya.

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

1 Korintobi 9:24

Anɛ nyɛ li kaa ke nihi babauu tu fo ɔ, nɔ kake too lɛ naa ayekoo ní ɔ lo? Lɔ ɔ he ɔ, nyɛɛ tu fo ɔ jã nɔuu, konɛ nyɛ hu nyɛ nine nɛ su ayekoo ní ɔ nɔ.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Hebribi 6:1

Lɔ ɔ he ɔ, nyɛ ha wa si sisije níhi nɛ kɔɔ Kristo he ɔ, nɛ waa ya wa hɛ mi kɛ tsɔɔmi nɛ sa nihi nɛ wa ngɛ hemi kɛ yemi ɔ mi. Sisije níhi nɛ wa tsɔɔ nyɛ ɔ, e hia we kaa wa pa hi lɔ ɔmɛ tsɔɔe kpamisa. Wa de nyɛ ke je mi bami yaya nɛ he be se nami ɔ, nyɛɛ ngmɛɛ he, konɛ nyɛ he Mawu nyɛɛ ye.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

2 Petro 1:3

Mawu ha wɔ níhi tsuo nɛ maa hia wɔ ɔ, konɛ waa ba wa jemi kaa Mawu jali nitsɛnitsɛmɛ. E pee nɔ́ nɛ ɔ, ejakaa wa le lɛ Mawu ɔ nɛ tsɛ wɔ kɛ gu lɛ nitsɛ e nyami, kɛ e mi mi himi ɔ mi ɔ.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.