Filipibi 3:11 - BAIBLO ALOO NGMAMI KLƆUKLƆU Ɔ

¹¹ I heɔ yeɔ kaa hwɔɔ se ko ɔ, imi nitsɛ hu a ma tle mi si kɛ je gbeje kɛ ba wami mi ekohu.

Somi He Ɔ

¹¹ kaa alinɔ, ye nine maa su ni gbogboehi a si temi ɔ nɔ lo.

Filipibi 3:11 ပူးပေါင်းရင်းမြစ်များ

La 49:7

Niinɛ, nɔ ko nɔ ko be lɛ nitsɛ e he nyɛe ma kpɔ; nɔ ko nɔ ko be nyɛe maa wo Mawu hiɔ nɛ maa su e wami nya.

Luka 14:14

nɛ Mawu maa gbaa mo; ejakaa mɛɛ a be nyɛe maa to mo nane mi. Ligbi ɔ nɛ ni kpakpa amɛ maa te si kɛ je gbeje ɔ, Mawu maa to mo nane mi.”

Yohane 11:24

Marta he nɔ ke, “I le kaa nyagbe ligbi ɔ nɛ ni gbogboehi maa te si ɔ, e maa te si kɛ ba wami mi.”

Ni Tsumi 23:6

Benɛ Paulo kpa si kaa kpe ngua mi bi ɔmɛ fa kake ji Saduki bi, nɛ fa hu pee ɔ Farisi bi ɔ, e wo e gbi nɔ wawɛɛ, nɛ e de ke, “Ye nyɛmimɛ Israel bi, Farisi no ji mi, nɛ ye fɔli hu Farisi bi ji mɛ. A ngɛ mi kojoe ngɛ hiɛ ɔ, ejakaa i heɔ yeɔ kaa hwɔɔ se ɔ, ni gbogboehi maa te si kɛ ba wami mi ekohu.”

Ni Tsumi 26:7

Wa wɛtso nyɔngma kɛ enyɔ ɔmɛ a hɛ ngɛ siwo nɛ ɔ nɔ. Enɛ ɔ he je nɛ a jaa Mawu saminya nyɔ kɛ pia, konɛ a nine nɛ su Mawu siwo ɔ nɔ. Nɛnɛ, kikɛmɛ a hɛ kɛ nɔ fɔmi nɛ ɔ he je nɛ Yuda bi ɔmɛ ngɛ ye nya poe nɛ ɔ nɛ!

Ni Tsumi 27:12

Lɛsimuɔ he ɔ pi he nɛ a ma nyɛ maa ye fĩɛ be ɔ ngɛ; lɔ ɔ he ɔ, a ti nihi fuu wo ga kaa a hia kɛ je lejɛ ɔ, nɛ a ka kaa alini a maa su Foinike, konɛ a ya ye fiɛ be ɔ ngɛ lejɛ ɔ. Kreta lɛsimuɔ he ji Foinike, nɛ e ngɛ leneyi kɛ bonyoku je, kɛ omleyi kɛ bonyoku je a kpɛti.

Romabi 11:14

Eko ɔ, gɛjɛmi nɛ i kɛ ngɛ nyɛ he ní tsue ɔ ma ha ye nyɛmimɛ Yuda bi ɔmɛ maa je hunga, nɛ ye he ɔ, Mawu ma he a ti ni komɛ a yi wami.

1 Korintobi 15:23

Se Mawu ma tle nɔ tsuaa nɔ si ngɛ be nɛ sa mi. Kekleekle nɔ ji Kristo, nɛ lɔ ɔ se ke Kristo ma a, a ma tle e we bi ɔmɛ hu si.

1 Korintobi 9:22

Ngɛ nihi nɛ a hemi kɛ yemi gbɔjɔ a kpɛti ɔ, i peeɔ ye ní kaa nɔ nɛ lɛ hu e hemi kɛ yemi gbɔjɔ, bɔ nɛ pee nɛ ye nine nɛ su a nɔ. Ee, bɔ tsuaa bɔ nɛ nɔ ko ngɛ ɔ, imi hu i peeɔ ye he kaa lɛ. I peeɔ enɛ ɔ, bɔ nɛ pee nɛ ma gu blɔ tsuaa blɔ nɔ kɛ he nihi a yi wami.

1 Korintobi 9:27

Se mohu ɔ, i waa ye nɔmlɔ tso ɔ yi mi, nɛ i haa nɛ e peeɔ ye suɔmi nya ní. I peeɔ jã, bɔ nɛ pee nɛ ke i fiɛ ha ni kpahi se ɔ, imi nitsɛ lɛɛ Mawu ko sake mi ngɔ fɔ he.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

1 Tesalonikabi 3:5

Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

2 Tesalonikabi 2:3

Nyɛ ko ha nɛ nɔ ko nɛ sisi nyɛ ngɛ blɔ ko blɔ ko nɔ. Ja nyagbe atuã tsɔmi ɔ ba kekle loko ligbi ɔ maa ba. Dikalɔ ɔ nɛ hɛ mi ma kpata a maa je kpo.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Hebribi 11:35

Kɛ gu hemi kɛ yemi nɔ ɔ, yi komɛ a weku li nɛ gbo ɔ, a tle mɛ si kɛ ba wami mi ekohu. A wa ni komɛ yi mi wawɛɛ, nɛ a kplɛɛ we kaa a maa ngmɛɛ a hemi kɛ yemi ɔ he, nɛ a ye a he. Mohu ɔ, a suɔ nɛ a na nɔ́ kɛ gbo, konɛ a tle mɛ si kɛ ba wami nɛ hi kulaa pe kekle nɔ ɔ mi.

Kpojemi 20:5

Ni gbogboehi nɛ piɛ ɔ, mɛɛ lɛɛ a bɛ wami mi ekohu kɛ ya si jeha akpe ɔ su. Enɛ ɔ ji ni gbogboehi a si tlemi kekleekle nɔ́.