Filipibi 3:1 - BAIBLO ALOO NGMAMI KLƆUKLƆU Ɔ

¹ Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

Somi He Ɔ

¹ Nɛ nyagbe ɔ, mamimɛ, nyɛ bua nɛ jɔ ngɛ Nyɔmtsɛ ɔ mi! Pɔ tɔɛ ye he kaa ma ngma nyɛ ni nɛ ɔmɛ ekohu, ejakaa nyɛɛ lɛɛ e haa nyɛ fiɔɔ si.

Filipibi 3:1 ပူးပေါင်းရင်းမြစ်များ

Kronika I, 15:28

Kɛkɛ nɛ Israel ma a tsuo ngɔ somi daka a kɛ ba Yerusalem. Benɛ a ma a tsuo a ngɛ titimati kɛ koli kpae, nɛ a ngɛ ngmlɛ kɛ kpa saku hu fiae kɛ ngmlaa.

Kronika I, 16:10

Nyɛɛ wo Yawɛ biɛ klɔuklɔu ɔ hɛ mi nyami. Nyɛ nihi nɛ nyɛ hlaa e se blɔ ɔ, nyɛ nya kɛ nyɛ tsui tsuo!

Kronika I, 29:22

Jamɛ a ligbi ɔ, ma a bua jɔ a he wawɛɛ nitsɛ, ejakaa a ye ní, nɛ a nu ní ngɛ Yawɛ hɛ mi. Kɛkɛ nɛ a wo Salomo matsɛ si enyɔne. A pɔ lɛ nu ngɛ Yawɛ biɛ mi kaa ganɔ, nɛ a pɔ Zadok hu nu kaa osɔfo.

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Hiob 22:26

Ngɔɔ o hɛ kɛ fɔ Mawu Ope ɔ nɔ daa, nɛ o maa na kaa e ma ha mo bua jɔmi.

La 149:2

Israel, nya o bɔlɔ ɔ he. Zion bi, nyɛ nya nyɛ matsɛ ɔ he.

La 32:11

Nyɛ dali, nɔ́ nɛ Yawɛ pee ha nyɛ ɔ he je ɔ, nyɛ nya nɛ nyɛ bua nɛ jɔ nyɛ he. Nyɛ nihi nɛ nyɛ buɔ lɛ tue, nyɛ hwɔ lele.

La 33:1

Nyɛ dali tsuo, nyɛ hwɔ lele ngɛ nɔ́ nɛ Yawɛ pee ha nyɛ ɔ he. Nyɛ nihi tsuo nɛ nyɛ buɔ lɛ tue, nyɛ je e yi.

La 37:4

Mo na Yawɛ he bua jɔmi, nɛ e ma ha mo níhi nɛ o tsui suɔ.

La 42:4

Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

La 5:11

Se nihi tsuo nɛ ba saa we ngɛ o ngɔ ɔ, ha nɛ a nya, nɛ a la kɛ bua jɔmi daa. Ni nɛmɛ nɛ suɔ mo ɔ, buu a he, konɛ a na bua jɔmi ngɛ o mi.

La 97:1

Yawɛ ngɛ matsɛ yee! Mo je, mo nya koo! Nyɛ zugbahi tsuo nɛ wo bɔle nyɛ, nyɛ bua nɛ jɔ, nɛ nyɛ nya!

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 65:14

Ye sɔmɔli ɔmɛ ma la, nɛ a bua maa jɔ a he, se nyɛɛ lɛɛ nyɛ ma kpa huhui, nɛ nyɛ maa ye nyɛ tsui wawɛɛ; nyɛ maa ye kɔmɔ, nɛ nyɛ ma fo ya mɔbɔmɔbɔ.

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.

Zefania 3:14

Yerusalem bi, nyɛ la kɛ bua jɔmi; Israel ma, nyɛ hwɔ lele. Yerusalem bi, nyɛ nya nɛ nyɛ bua nɛ jɔ nyɛ he.

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Zakaria 10:7

Israel bi a he maa wa kaa ta buli, a bua maa jɔ kaa nihi nɛ ngɛ wai nue. A nina maa na nɔ́ nɛ ɔ, nɛ a ma nya nɔ́ nɛ imi Yawɛ, i pee ha mɛ ɔ he.

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Luka 1:47

Ye bua jɔ, kaa Mawu ji ye yi wami helɔ,

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

1 Tesalonikabi 5:16

Nyɛ na bua jɔmi daa;

Yakobo 1:2

Ye nyɛmimɛ, ke nyɛɛ kɛ ka slɔɔtoslɔɔtohi ngɛ kpee ɔ, nyɛ bua nɛ jɔ wawɛɛ mohu;

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

2 Petro 3:1

Nyɛmimɛ nɛ i suɔ, enɛ ɔ ji womi enyɔne nɛ i ngɛ nyɛ ngmae. I bɔ mɔde ngɛ womi nɛ ɔmɛ tsuo a mi kaa ma tsɛ nyɛ juɛmi se kɛ ba níhi nɛ nyɛ le momo ɔ a he.

Samuel I, 2:1

Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!