Filipibi 2:8 - BAIBLO ALOO NGMAMI KLƆUKLƆU Ɔ

⁸ E ba e he si, nɛ e bu tue hluu kɛ ya su gbeje tete; e gbo sɛumi tso nɔ gbenɔ.

Somi He Ɔ

⁸ E ba e he si nɛ e bu tue kɛ ya gbenɔ mi, kɛ ya sɛumi tso nɔ gbenɔ mi tete.

Filipibi 2:8 ပူးပေါင်းရင်းမြစ်များ

La 22:16

Nimli yayamihi ba bɔle mi kɛ kpe kaa gbehi, nɛ a ngɛ ye nine kɛ ye nane tsɔtslɔɔe.

Abɛ Womi 15:33

Yawɛ gbeye yemi ji tsɔsemi nɛ haa nɔ leɔ ní nitsɛnitsɛ. Nɔ nɛ baa e he si ɔ, a maa wo e hɛ mi nyami.

Mateo 17:2

Benɛ a ngɛ lɛ hyɛe ɔ, e nɔmlɔ tso su tsake; e hɛ mi ngɛ kpɛe kaa pu, nɛ e tade ɔmɛ hiɛ futaa.

Mateo 26:39

E ya e hɛ mi bɔɔ, nɛ e ya kpla si, nɛ e ngɔ e hɛ mi ngɔ bu si, nɛ e sɔle ke, “Tsaatsɛ, ke e maa hi ɔ, je amanehlu kplu nɛ ɔ kɛ je ye he kɛ ya se! Se kɛ̃ ɔ, a pee bɔ nɛ mo o suɔ; pi nɔ́ nɛ i suɔ.”

Mateo 26:42

Yesu pue nɔ kɛ ho si enyɔne, nɛ e ya sɔle ke, “Tsaatsɛ, ke a be amanehlu kplu nɛ ɔ jee kɛ je ye he kɛ ya se, nɛ ja i nu ɔ, lɛɛ a pee bɔ nɛ o suɔ.”

Luka 9:29

Benɛ e ngɛ sɔlee ɔ, e hɛ mi tsake, nɛ e tade ɔ hiɛ futaa, nɛ e ngɛ kpɛe klãiklãi.

Yohane 10:18

Nɔ ko be nyɛe ma kpɔ ye wami ɔ ngɛ ye dɛ. Imi nitsɛ ye tsui mi faa nɛ ma ngɔ kɛ ha. I ngɛ he wami nɛ ma nyɛ ma ngɔ ye wami ɔ ngɔ ha, nɛ ma nyɛ ma kpale ngɔ lɛ ekohu. Kikɛ nɛ ɔ Tsaatsɛ ke ma pee.”

Yohane 14:31

se e sa kaa je ɔ tsuo nɛ le kaa i suɔ Tsɛ ɔ, lɔ ɔ he ɔ, nɔ́ tsuaa nɔ́ nɛ e fa a, i peeɔ. “Nyɛɛ te nɛ waa je hiɛmɛ nɛ ɔ!

Yohane 15:10

Ke nyɛ ye ye mlaa amɛ a nɔ ɔ, lɛɛ suɔmi nɛ i ngɛ kɛ ha nyɛ ɔ maa hi si daa. Imi hu i ye Tsaatsɛ mlaa amɛ a nɔ, lɔ ɔ ha nɛ suɔmi nɛ e ngɛ kɛ ha mi ɔ se pui gblegbleegble.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Ni Tsumi 8:33

A wa lɛ yi mi; a ye lɛ sane yaya. Mɛnɔ ma nyɛ maa gba e nina he sane? Ejakaa a po e wami nɔ kpiti ngɛ je ɔ mi.”

Romabi 5:19

Ejakaa kaa bɔ nɛ nihi babauu ba pee yayami peeli ngɛ nɔ kake tue gbomi he ɔ, jã kɛ̃ Yesu Kristo nɔ kake e tue nɛ e bu ɔ he ɔ, Mawu maa bu nihi tsuo dali.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Mose V, 21:23

ko ha nɛ e hi tso ɔ nɔ nɛ je nɛ na yi. A pu lɛ jamɛ a ligbi ɔ kɛ̃; ejakaa nɔ gbogboe nɛ bɛle si ngɛ tso nɔ ɔ kɛ Mawu gbiɛmi baa zugba a nɔ. Moo pu gbogboe ɔ, bɔ nɛ pee nɛ o ko ble zugba a nɛ Yawɛ, o Mawu ɔ ngɛ mo hae ɔ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 12:4

Ta nɛ nyɛɛ kɛ yayami ngɛ hwue nɛ ɔ, nyɛ sui he nɛ a ma de ke a ma pue nyɛ muɔ si ngɛ ɔ lolo.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.