Filipibi 2:7 - BAIBLO ALOO NGMAMI KLƆUKLƆU Ɔ

⁷ Mohu ɔ, lɛ nitsɛ e suɔmi nya a, e ngmɛɛ blɔ nya tsuo nɛ e ngɛ ɔ he, nɛ e ba plɛ e he sɔmɔlɔ. E ba pee kaa nɔmlɔ, nɛ e je e he si kaa adesa.

Somi He Ɔ

⁷ se mohu e kpa ngɛ e he ngɔ fɔ si, e ngɔ sɔmɔlɔ su ngɔ fɔ e nɔ, e plɛ kaa nɔmlɔ, nɛ e si himi blɔfami hu a na lɛ kaa nɔmlɔ.

Filipibi 2:7 ပူးပေါင်းရင်းမြစ်များ

La 22:6

Se imi lɛɛ, pi nɔmlɔ ji mi hu; i ngɛ kaa gɔgɔ. Nihi tsuo pɛpɛɛpɛ hiee mi, nɛ a bɔɔ mi ahlua.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 49:3

E de mi ke, “Israel, ye tsɔlɔ ji mo. O he ɔ, nihi maa wo ye hɛ mi nyami.”

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 12:18

“Hyɛ, ye tsɔlɔ nɛ i hla a ji nɛ ɔ nɛ; i suɔ lɛ, nɛ i naa e he tsui. Ma ngɔ ye mumi ɔ kɛ wo e mi, nɛ tue gblami nɛ i to ha ma je li ɔmɛ ɔ, e maa fiɛ kɛ tsɔɔ mɛ.

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Marko 9:12

E ha mɛ heto ke, “Niinɛ, Eliya maa sɛ hlami kɛ ba nɛ e ba to níhi tsuo blɔ nɔ ekohu. Se mɛni he je a ngma ngɛ Nɔmlɔ Bi ɔ he ke e maa na amanehlu babauu, nɛ a maa ngɔ lɛ kaa nɔ ko nɛ a bui lɛ ɔ?

Luka 22:27

Te nɔ nɛ pe e nyɛmi nɛɛ: nɔ nɛ hii okplɔɔ he nɛ yeɔ ní, aloo nɔ nɛ sɔmɔɔ lɛ? Anɛ pi nɔ nɛ hii okplɔɔ he nɛ yeɔ ní ɔ lo? Se imi lɛɛ i ngɛ nyɛ kpɛti kaa nɔ nɛ sɔmɔɔ.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Romabi 1:3

Sane kpakpa a kɔɔ e Bi, wa Nyɔmtsɛ Yesu Kristo he. A fɔ lɛ kaa adesa, nɛ David nina ji lɛ.

Romabi 15:3

Ejakaa Kristo hu pee we lɛ nitsɛ e suɔmi nya ní; se mohu ngmami ɔ ke, “Níhi nɛ a de kɛ bɔ mo ahlua a, imi mohu ye hɛ mi si a pue.”

Romabi 15:8

Ejakaa i ngɛ nyɛ dee ke Kristo ba sɔmɔ Yuda bi ɔmɛ nɛ e kɛ tsɔɔ mɛ kaa Mawu yeɔ anɔkuale, nɛ e kɛ ma si nɛ Mawu wo a nɛmɛ ɔmɛ ɔ nɔ mi.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Filipibi 2:6

E hɛɛ Mawu su lɛɛ, se e pee we lɛ kaa doo ɔ, a na lɛ kaa e kɛ Mawu sɔ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.