Filipibi 2:30 - BAIBLO ALOO NGMAMI KLƆUKLƆU Ɔ

³⁰ Ejakaa Kristo ní tsumi ɔ he ɔ, e piɛ nguɛ nya nɛ e sake e he lo ngɔ fɔ he. Se e pee enɛ ɔ tsuo kɛ sɔmɔ mi ngɛ nyɛ nane mi.

Somi He Ɔ

³⁰ ejakaa Kristo ni tsumi ɔ he ɔ, e su gbenɔ he tataata, nɛ e sake e wami ngɔ fɔ he, konɛ e kɛ gbe nɔ́ nɛ piɛ ha nyɛ ngɛ sɔmɔmi nɛ nyɛɛ kɛ ma sɔmɔ mi ɔ nya.

Filipibi 2:30 ပူးပေါင်းရင်းမြစ်များ

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Romabi 16:4

Ye he ɔ, e piɛ nguɛ nya nɛ a sake a he lo ngɔ fɔ he. I ngɛ mɛ si nae saminya; ee, pi imi kɛkɛ, se ma je li ɔmɛ asafo ɔmɛ tsuo ngɛ mɛ si nae.

1 Korintobi 15:53

Ejakaa ja nɔ́ nɛ puɛɔ nɛ ɔ tsake pee nɔ́ nɛ puɛ we; nɛ nɔ́ nɛ gboɔ nɛ ɔ tsake pee nɔ́ nɛ gbo we.

1 Korintobi 16:10

Ke Timoteo ba nyɛ ngɔ ɔ, nyɛ he lɛ hɛmuɔ nɛ e ko ye gbeye, ejakaa lɛ hu Nyɔmtsɛ ɔ ní tsumi ɔ nɔuu nɛ e ngɛ tsue kaa imi.

1 Korintobi 16:17

I na bua jɔmi babauu kaa Stefana, kɛ Fortunato, kɛ Akaiko ba hiɛmɛ nɛ ɔ. Ejakaa nɛ nyɛ be ye ngɔ ngɛ hiɛmɛ nɛ ɔ, nɔ́ nɛ nyɛ ko pee ha mi ɔ, a ngɛ pee pɛpɛɛpɛ.

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

2 Korintobi 4:12

Lɔ ɔ he ɔ, wɔɔ wa ngɛ gbenɔ nya mi, konɛ a he nyɛ yi wami.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Filipibi 2:27

Niinɛ, e nu hiɔ wawɛɛ, nɛ e piɛ nguɛ nya nɛ e gbo. Se Mawu na lɛ mɔbɔ; pi lɛ kɛkɛ, se mohu imi hulɔ; e je mi kɛ je kɔmɔ yemi babauu mi.

Filipibi 4:10

I na bua jɔmi babauu ngɛ Nyɔmtsɛ ɔ mi kaa be saii ji nɛ ɔ nɛ i nui nyɛ he ɔ, jehanɛ lɛɛ nyɛ na he blɔ kɛ ngɛ nyɛ suɔmi kpo jee kɛ tsɔɔ mi ekohu. I tsɔɔ we kaa nyɛ susuu we ye he hu, se he blɔ nɛ nyɛ ya na we kɛ pee nɔ́ ko ha mi.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Filemon 1:13

I ko suɔ kaa e kɛ mi nɛ hi si, konɛ e sɔmɔ mi ngɛ o nane mi, be mi nɛ sane kpakpa a he ɔ, a wo mi tsu ɔ.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.