Filipibi 2:29 - BAIBLO ALOO NGMAMI KLƆUKLƆU Ɔ

²⁹ Nyɛ he lɛ atuu kɛ bua jɔmi babauu kaa nyɛ nyɛmi nɛ le Nyɔmtsɛ ɔ. Nihi tsuo nɛ ngɛ kaa kikɛ nɛ ɔ, nyɛɛ bu mɛ.

Somi He Ɔ

²⁹ Lɔ ɔ he ɔ nyɛ he lɛ hɛmuɔ ngɛ Nyɔmtsɛ ɔ mi, kɛ bua jɔmi babauu, nɛ nyɛɛ bu kikɛmɛ a nimli nɛ ɔmɛ kaa nihi nɛ sa bumi;

Filipibi 2:29 ပူးပေါင်းရင်းမြစ်များ

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

Luka 9:5

Ke nyɛ ya he ko nɛ a he we nyɛ atuu ɔ, loko nyɛ maa je ma a mi ɔ, nyɛ blɛ nyɛ nane sisi zu kɛ pue si kɛ to mɛ okadi kaa a maa gbla a tue.”

Yohane 13:20

I ngɛ nyɛ dee anɔkuale mi ke, nɔ tsuaa nɔ nɛ heɔ nɔ nɛ i tsɔ lɛ atuu ɔ, imi nɔuu e he ɔ nɛ; nɛ nɔ tsuaa nɔ nɛ heɔ mi ɔ, nɔ nɛ tsɔ mi ɔ e he ɔ nɛ.”

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Ni Tsumi 28:10

Ni ɔmɛ ke wɔ ní babauu, nɛ pee se benɛ wa sɛ lɛ nɛ wa maa ho hiami ya a, a ngɔ níhi nɛ maa hia wɔ ba wo lɛ ɔ mi ha wɔ.

Ni Tsumi 8:8

Lɔ ɔ he ɔ, bua jɔmi babauu ba ma a mi.

Romabi 10:15

Nɛ kɛ maa pee kɛɛ nɛ nihi maa fiɛ, ke a tsɔ we mɛ? Kaa bɔ nɛ a ngma a, “Hyɛ bɔ nɛ he jɔmi sane kpakpa a fiɛli a nanehi ngɛ fɛu ha.”

Romabi 16:2

Nyɛ he lɛ hɛmuɔ ngɛ Nyɔmtsɛ ɔ biɛ mi bɔ nɛ sa ni klɔuklɔu ɔmɛ. Nɔ́ tsuaa nɔ́ nɛ he maa hia lɛ ɔ, nyɛ ha lɛ, ejakaa e pee kpakpa ha nihi babauu, kɛ imi nitsɛ hulɔ.

1 Korintobi 16:10

Ke Timoteo ba nyɛ ngɔ ɔ, nyɛ he lɛ hɛmuɔ nɛ e ko ye gbeye, ejakaa lɛ hu Nyɔmtsɛ ɔ ní tsumi ɔ nɔuu nɛ e ngɛ tsue kaa imi.

1 Korintobi 16:18

A ba wo mi bua kaa bɔ nɛ a wo nyɛ hu bua a. E hia kaa nyɛɛ le nihi kaa kikɛ nɛ ɔ saminya.

2 Korintobi 10:18

Ejakaa nɔ nɛ jeɔ lɛ nitsɛ e yi ɔ, Nyɔmtsɛ ɔ hla we lɛ; nɔ nɛ Nyɔmtsɛ ɔ nitsɛ jeɔ e yi ɔ, lɛ nɛ Nyɔmtsɛ ɔ suɔ.

2 Korintobi 7:2

Nyɛ je nyɛ suɔmi kpo kɛ tsɔɔ wɔ! Wa pee we nɔ ko yayami; wa kpataa we nɔ ko nane, nɛ wa sisi we nɔ ko hulɔ.

Filipibi 2:28

Enɛ ɔ he nɛ e be sɔe ha mi kulaa kaa ma wo lɛ blɔ kɛ ba nyɛ ngɔ ɔ nɛ. Ke nyɛ na lɛ ekohu ɔ, nyɛ ma na bua jɔmi; kɛkɛ imi hu ma kpa tsui yemi.

Kolosebi 4:10

Aristarko nɛ a wo i kɛ lɛ tsuo tsu ɔ ke e biɔ nyɛ. Barnaba nyɛmi Marko hu ke e biɔ nyɛ. Nyɛ nine su womi nɔ momo kaa ke Marko ba nyɛ ngɔ ɔ, nyɛ he lɛ atuu.

1 Tesalonikabi 5:12

Wa kpa nyɛ pɛɛ, nyɛmimɛ, nɛ nyɛɛ bu nihi nɛ ngɛ ní tsue ngɛ nyɛ kpɛti ɔ, Nyɔmtsɛ ɔ asafo ɔ hɛ mi nyɛɛli nɛ tuɔ munyu tsɔɔ nyɛ ɔ.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

3 Yohane 1:10

Lɔ ɔ he ɔ, ke i ba a, lakpa munyuhi nɛ e ngɛ tue ngɛ wa he ɔ, ma wo nɔ ta, konɛ nyɛɛ na nihi tsuo nɛ e ngɛ pee ɔ. Se enɛ ɔ tete pi ha lɛ. Ke nyɛmimɛ ɔmɛ ba e ngɔ ɔ, e he we mɛ atuu. Asafo ɔ mi bi komɛ nɛ mɛɛ a suɔ kaa a ma he nyɛmimɛ ɔmɛ atuu po, e tsiɔ a nya; nɛ e hlaa kaa e fie mɛ kɛ je asafo ɔ mi!