Filipibi 2:25 - BAIBLO ALOO NGMAMI KLƆUKLƆU Ɔ

²⁵ Wa nyɛmi Epafrodito nɛ nyɛ tsɔ lɛ ye ngɔ ɔ, e kɛ mi ba tsu ní saminya kaa ta bulɔ kpakpa. E sɔmɔ mi bɔ nɛ sa, nɛ amlɔ nɛ ɔ, ye juɛmi nya a, e hia kaa ma wo lɛ blɔ kɛ ba nyɛ ngɔ.

Somi He Ɔ

²⁵ Se kɛ ɔ, i susu kaa e hia kaa ma tsɔ wa nyɛmi Epafrodito, nɛ ji ye huɛ ni tsulɔ kɛ ta bulɔ kɛ nyɛ tsɔlɔ kɛ ye hia a he sɔmɔlɔ ɔ kɛ ba nyɛ ngɔ,

Filipibi 2:25 ပူးပေါင်းရင်းမြစ်များ

Abɛ Womi 25:13

Tsɔlɔ nɛ yeɔ anɔkuale ɔ, e haa e nyɔmtsɛmɛ a tsui nɔɔ a mi kaa bɔ nɛ nyu nganii jɔɔ nɔ tsui he latsa be mi ke a ngɛ ní kpae ɔ.

Yohane 13:16

I ngɛ nyɛ dee anɔkuale mi ke nyɔguɛ pã we e nyɔmtsɛ, nɛ tsɔlɔ hu pã we nɔ nɛ tsɔ lɛ ɔ.

Yohane 17:18

Bɔ nɛ o tsɔ mi je ɔ mi ɔ, ja nɔuu imi hu i ngɛ mɛ tsɔe.

Romabi 16:3

I biɔ Priskila kɛ Akuila, nyɛmimɛ nɛ i kɛ mɛ tsuɔ ní ha Yesu Kristo ɔ.

Romabi 16:9

I biɔ Urbano nɛ waa kɛ lɛ tsuo tsuɔ ní ha Kristo ɔ, kɛ jehanɛ hu ye huɛ Staki nɛ i suɔ lɛ saminya a.

1 Korintobi 3:9

Wɔɔ lɛɛ Mawu tsɔli nɛ pee kake kɛ ngɛ ní tsue ji wɔ. Nyɛɛ lɛɛ nyɛ ngɛ kaa ngmɔ nɛ Mawu ngɛ ní tsue ngɛ mi. Nyɛ ngɛ kaa tsu nɛ Mawu ngɛ fiae.

2 Korintobi 2:13

Se i hao, ejakaa i nɛ wa nyɛmi Tito. Lɔ ɔ he ɔ, i kɛ mɛ ye sɛ, nɛ i pue nɔ kɛ ho Makedonia ya.

Filipibi 2:26

E hɛ ngɛ jae wawɛɛ ngɛ nyɛ tsuo nyɛ he, nɛ akɛnɛ nyɛ nu kaa e be he wami ɔ, e ngɛ tsui yee.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Kolosebi 1:7

Nyɛ kase Mawu dloomi sane nɛ ɔ kɛ je wa suɔlɔ Epafra nɛ waa kɛ lɛ ngɛ ní tsumi kake tsue ɔ nya. Lɛ hu Kristo sɔmɔlɔ anɔkualetsɛ ji lɛ; nɛ e ngɛ ní tsue ha wɔ.

Kolosebi 4:11

Yoshua nɛ a tsɛɛ lɛ Yusto hulɔ ɔ ke lɛ hu e biɔ nyɛ. Ni etɛ nɛ ɔmɛ pɛ ji Yuda bi nɛ ba he Kristo ye, nɛ a kɛ mi ngɛ ní tsue ngɛ hiɛ ɔ ngɛ Mawu matsɛ yemi ɔ he. Niinɛ, a ngɛ mi wae wawɛɛ nitsɛ.

1 Tesalonikabi 3:2

Lɔ ɔ he ɔ, wa tsɔ Timoteo, wa nyɛmi nɛ waa kɛ lɛ tsuɔ ní kaa Mawu sɔmɔlɔ kɛ fiɛɔ Kristo he sane kpakpa a. Wa tsɔ lɛ, konɛ e ba wo nyɛ he wami, nɛ e ha nyɛ fi si ngɛ nyɛ hemi kɛ yemi ɔ mi,

Filemon 1:24

Marko, Aristarko, Dɛma, kɛ Luka, ye huɛmɛ nɛ i kɛ mɛ tsuɔ ní ɔ, mɛ hu a ke a biɔ mo.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.