Filipibi 2:20 - BAIBLO ALOO NGMAMI KLƆUKLƆU Ɔ

²⁰ Timoteo pɛ ji nɔ nɛ susuu nyɛ he, nɛ e hlaa kaa e hi ha nyɛ; i li nɔ kpa ko hu kaa lɛ.

Somi He Ɔ

²⁰ Ejakaa i be nɔ ko nɛ e juɛmi kɛ ye juɛmi sɔ nɛ nyɛ he sane dɔɔ lɛ nitsɛnitsɛ kaa lɛ;

Filipibi 2:20 ပူးပေါင်းရင်းမြစ်များ

Filipibi 2:2

Enɛ ɔ he je ɔ, nyɛ tsuo nyɛɛ pee nyɛ yi mi kake; nyɛɛ suɔ nyɛ sibi, nɛ nyɛ we oti, kɛ juɛmi hu nɛ pee kake. Kɛkɛ ɔ, imi hu ma na bua jɔmi babauu.

Filipibi 2:22

Nyɛ nitsɛmɛ nyɛ le Timoteo mɔde bɔmi! Nyɛ le kaa e tsu ní nɛ se bé; e kɛ mi tsu sane kpakpa a he ní kaa bi kɛ e tsɛ.

1 Korintobi 16:10

Ke Timoteo ba nyɛ ngɔ ɔ, nyɛ he lɛ hɛmuɔ nɛ e ko ye gbeye, ejakaa lɛ hu Nyɔmtsɛ ɔ ní tsumi ɔ nɔuu nɛ e ngɛ tsue kaa imi.

Yohane 12:6

Se enɛ ɔ nɛ e de ɔ, pi kaa ohiatsɛmɛ ɔmɛ a he nɔ́ nɛ ngɛ lɛ dɔe. Mohu julɔ ji lɛ; nɛ akɛnɛ sika kpɛɛ ɔ ngɛ e dɛ ɔ, ke pee ɔ, e juɔ nɔ́ nɛ a ngɔ woɔ mi ɔ eko.

Yohane 10:13

Apaa yelɔ ɔ tuɔ fo, ejakaa apaa yelɔ kɛkɛ ji lɛ, nɛ to ɔmɛ a he nɔ dɔɛ lɛ.

Samuel I, 18:3

Yonatan ka David kita kaa e kɛ lɛ maa bɔ kɛ yaa si gbenɔ mi, ejakaa e suɔ David kaa bɔ nɛ e suɔ lɛ nitsɛ e he.

2 Timoteo 1:5

I kaiɔ o hemi kɛ yemi nɛ o hɛɛ mi anɔkuale mi kaa bɔ nɛ o nã Loise, kɛ o nyɛ Eunike hu hɛɛ mi ɔ. I heɔ yeɔ kaa o hɛɛ hemi kɛ yemi nɛ ɔ mi kɛ mwɔɔ.

1 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nitsɛnitsɛ ngɛ hemi kɛ yemi ɔ mi. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

Kolosebi 4:11

Yoshua nɛ a tsɛɛ lɛ Yusto hulɔ ɔ ke lɛ hu e biɔ nyɛ. Ni etɛ nɛ ɔmɛ pɛ ji Yuda bi nɛ ba he Kristo ye, nɛ a kɛ mi ngɛ ní tsue ngɛ hiɛ ɔ ngɛ Mawu matsɛ yemi ɔ he. Niinɛ, a ngɛ mi wae wawɛɛ nitsɛ.

Abɛ Womi 31:29

“Yihi babauu ngɛ nɛ bɔɔ mɔde mohu, se moo lɛɛ, o pe mɛ tsuo!”

La 55:13

Se e ya pee mo, ye juã, ye he nɔ, kɛ ye huɛ kpakpa.

Samuel I, 18:1

Benɛ Saul kɛ David gbe a ní sɛɛmi ɔ nya a, Saul binyumu Yonatan kɛ David nu huɛ; nɛ Yonatan suɔ David kaa lɛ nitsɛ e he.

Romabi 15:5

Mawu ɔ nɛ haa nɔ toɔ e tsui si, nɛ e woɔ nɔ he wami nɛ ha nɛ nyɛ wo Kristo Yesu nane, nɛ nyɛɛ kɛ nyɛ sibi nɛ hi si saminya.

1 Timoteo 4:6

Mawu munyu ɔ kasemi, kɛ Kristo hemi kɛ yemi nɛ mo nitsɛ o hɛɛ mi kpɛii ɔ ma ha mo mumi mi he wami. Ke o tsɔɔ nyɛmimɛ ɔmɛ ní nɛ ɔmɛ nɛ mɛ hu a le ɔ, lɛɛ Kristo Yesu tsɔlɔ kpakpa ji mo.

2 Timoteo 3:10

Se Timoteo, moo lɛɛ, ní nɛ i tsɔɔ, bɔ nɛ i baa ye je mi, oti nɛ i kɛ fɔ ye hɛ mi ngɛ je nɛ ɔ mi, kɛ nɔ́ nɛ i heɔ yeɔ ɔ, o le. O le bɔ nɛ i toɔ ye tsui si, bɔ nɛ i suɔ nɔ, kɛ bɔ nɛ ye hɛ mi ka si.