Filipibi 2:2 - BAIBLO ALOO NGMAMI KLƆUKLƆU Ɔ

² Enɛ ɔ he je ɔ, nyɛ tsuo nyɛɛ pee nyɛ yi mi kake; nyɛɛ suɔ nyɛ sibi, nɛ nyɛ we oti, kɛ juɛmi hu nɛ pee kake. Kɛkɛ ɔ, imi hu ma na bua jɔmi babauu.

Somi He Ɔ

² nyɛ ha ye bua jɔmi ɔ nɛ hyi tɔ, kaa nyɛ hɛɛ susumi kake, nyɛ hɛɛ suɔmi kake, klaa kake, juɛmi kake.

Filipibi 2:2 ပူးပေါင်းရင်းမြစ်များ

La 122:8

Ye nyɛmimɛ, kɛ ye huɛmɛ ɔmɛ a he ɔ, ma de Yerusalem ke, “Tue mi jɔmi nɛ hi o mi!”

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

Ni Tsumi 1:14

A kɛ yi ɔmɛ, kɛ Yesu nyɛ Maria, kɛ Yesu nyɛminyumu ɔmɛ pɔɔ a he nya buami kɛ ha sɔlemi.

Ni Tsumi 2:1

Benɛ Pentekoste ligbi ɔ su ɔ, nihi nɛ heɔ yeɔ tsuo a nya ba bua ngɛ he kake.

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Ni Tsumi 5:12

Mawu pee okadihi, kɛ nyakpɛ níhi babauu kɛ gu bɔfo ɔmɛ a nɔ ngɛ ni ɔmɛ a kpɛti. He nɛ a pɔɔ kpemi ngɛ ji Salomo Ablanaa a nɔ.

Romabi 12:16

Bɔ nɛ nyɛ maa pee kɛ ha nɔ kake ɔ, nyɛɛ pee ja kɛ ha nɔ tsuaa nɔ. Nyɛ ko wo nyɛ he nɔ, se mohu nyɛɛ kɛ ni nɛmɛ nɛ baa a he si ɔ nɛ bɔ; nɛ nyɛ ko bu nyɛ he ní leli tsɔ.

1 Korintobi 1:10

Nyɛmimɛ, i ngɛ nyɛ pɛɛ kpae ngɛ Nyɔmtsɛ Yesu Kristo biɛ mi kaa nyɛ tsuo nyɛ nya nɛ pee kake, nɛ mi gbami kó ba nyɛ kpɛti. Nyɛ yi mi, kɛ nyɛ juɛmi nɛ pee kake.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

2 Korintobi 2:3

Enɛ ɔ he nɛ i ngma nyɛ womi ɔ nɛ. I sume kaa ke i ba nyɛ ngɔ ɔ, nihi nɛ ma ha mi bua jɔmi ɔ, ma ha nɛ mɛ mohu a ní nɛ pee mɔbɔ. Ejakaa i le kaa ke ye bua jɔ kɛkɛ nyɛ tsuo nyɛ bua jɔ.

2 Korintobi 7:7

Pi e bami ɔ kɛkɛ nɛ ha nɛ wa nɔ gbagba te ɔ, se amaniɛ nɛ e ba bɔ wɔ nɛ tsɔɔ bɔ nɛ nyɛ hu nyɛ wo lɛ he wami ngɛ lejɛ ɔ piɛ he. E bɔ wɔ bɔ nɛ nyɛ suɔ kaa nyɛ maa na mi ekohu, bɔ nɛ nyɛ hao ngɛ nɔ́ nɛ ba a he, kɛ bɔ nɛ nyɛ pee klaalo nɛ nyɛ ma fa ye he. Enɛ ɔ ha nɛ i na bua jɔmi kulaa pe kekle ɔ.

Filipibi 1:4

Daa nɛ ɔ, i kɛ bua jɔmi faa kue ha Mawu ngɛ nyɛ tsuo nyɛ he;

Filipibi 2:16

Ke nyɛ hɛɛ sane kpakpa a nɛ haa nɔ wami ɔ mi wawɛɛ ɔ, lɔ ɔ lɛɛ ligbi ɔ nɛ Kristo maa ba a, ma nyɛ ma fĩa kaa fo nɛ i tu, aloo dengme nɛ i gbo kɛ tsu nyɛ he ní ɔ pee we yaka.

Filipibi 2:20

Timoteo pɛ ji nɔ nɛ susuu nyɛ he, nɛ e hlaa kaa e hi ha nyɛ; i li nɔ kpa ko hu kaa lɛ.

Filipibi 4:2

I ngɛ nyɛmiyo Evodia, kɛ nyɛmiyo Sintika pɛɛ kpae kaa a pee kake ngɛ Nyɔmtsɛ ɔ he.

Kolosebi 2:5

E ngɛ mi kaa he lo mi ɔ, i be nyɛ ngɔ lɛɛ, se mumi mi ɔ, i kɛ nyɛ ngɛ. Ke i hyɛ bɔ nɛ nyɛ toɔ níhi blɔ nya saminya, kɛ bɔ nɛ nyɛ fi si kpɛii ngɛ hemi kɛ yemi nɛ nyɛ ngɛ ngɛ Kristo mi ɔ mi ɔ, e peeɔ mi bua jɔmi.

2 Tesalonikabi 2:13

Se nyɛmimɛ nɛ Nyɔmtsɛ ɔ suɔ, e hia kaa waa na Mawu si daa ha nyɛ. Ejakaa kɛ je sisije lokoo ɔ, Mawu hla nyɛ, nɛ e he nyɛ yi wami kɛ gu mumi ɔ nɛ maa tsu nyɛ he ɔ, kɛ anɔkuale ɔ nɛ nyɛ he ye ɔ nɔ.

2 Timoteo 1:4

Ke i kai o hɛ mi vo nyu ɔ, i hlaa wawɛɛ kaa ma na mo, konɛ ye bua nɛ jɔ.

Filemon 1:20

Lɔ ɔ he ɔ, ye nyɛmi, Nyɔmtsɛ ɔ he ɔ, i kpa mo pɛɛ, pee enɛ ɔ ha mi. Ha ma tsɛ ye tsui ngɔ wo ye tsui mi, ejakaa ye nyɛmi nɛ le Kristo ji mo.

2 Yohane 1:4

I na bua jɔmi babauu, benɛ i nu kaa o bimɛ ɔmɛ ekomɛ baa a je mi ngɛ anɔkuale ɔ nya kaa bɔ nɛ Tsɛ ɔ fa wɔ ke waa pee ɔ.

3 Yohane 1:4

Nɔ́ nɛ peeɔ mi bua jɔmi pe kulaa ji kaa ma nu kaa ye bimɛ ɔmɛ ngɛ nyɛɛe ngɛ anɔkuale ɔ nya.