Filipibi 2:19 - BAIBLO ALOO NGMAMI KLƆUKLƆU Ɔ

¹⁹ Ke Nyɔmtsɛ ɔ maa suɔ ɔ, e be kɛe kulaa nɛ ma tsɔ Timoteo kɛ ba nyɛ ngɔ. Kɛkɛ ɔ, ke i nu nyɛ he ɔ, ye nɔ gbagba maa te.

Somi He Ɔ

¹⁹ Ye hɛ ngɛ nɔ ngɛ Mawetsɛ Yesu mi kaa e be kɛe nɛ ma tsɔ Timoteo kɛ ba nyɛ ngɔ, konɛ ke i nu bɔ nɛ nyɛ ngɛ ɔ, nɛ imi hu ma na tsui.

Filipibi 2:19 ပူးပေါင်းရင်းမြစ်များ

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

Mateo 12:21

Nɛ ma je li tsuo maa ngɔ a hɛ kɛ fɔ e nɔ.”

Ni Tsumi 16:1

Paulo ba su Derbe, nɛ e tsa nɔ kɛ ya Listra. Benɛ e su Listra a, e ba na nɔ ko nɛ heɔ Yesu yeɔ ngɛ lejɛ ɔ. A tsɛɛ lɛ Timoteo. E nyɛ ɔ, Yuda yo nɛ heɔ Yesu yeɔ ji lɛ; se e tsɛ lɛɛ Hela no.

Romabi 15:12

Yesaya hu de ke, “Ishai nina ko maa ba; E maa te si nɛ e ba ye ma je li ɔmɛ a nɔ, Nɛ ma je li ɔmɛ maa ngɔ a hɛ ngɔ fɔ e nɔ.”

Romabi 16:21

Timoteo nɛ i kɛ lɛ ngɛ ní tsumi kake tsue ɔ ke e biɔ nyɛ. Ye nyɛmimɛ Yuda bi, Lukio, Yason, kɛ Sosipatre hu ke a biɔ nyɛ.

1 Korintobi 4:17

I ngɛ Timoteo nyɛ ngɔ tsɔe ngɛ enɛ ɔ he. E ngɛ kaa imi nitsɛ ye bi fɔfɔɛ; e yeɔ mi anɔkuale, nɛ i suɔ lɛ, ejakaa e le Kristo. Ke Timoteo ba a, e ma kai nyɛ bɔ nɛ i plɛ kɛ ngɛ Yesu Kristo se nyɛɛe ha, kaa bɔ nɛ a naa ngɛ ye ní tsɔɔmi mi ngɛ asafo ɔmɛ a mi he tsuaa he ɔ.

Efesobi 1:13

Nyɛ hu, benɛ nyɛ nu anɔkuale sɛ gbi ɔ nɛ ji sane kpakpa a nɛ ma ha nɛ a he nyɛ yi wami ɔ, nyɛ he Kristo ye, nɛ Mawu ha nɛ Mumi Klɔuklɔu ɔ nɛ e wo he si ɔ ba nyɛ nɔ. Mawu pee enɛ ɔ, nɛ e kɛ kadi nyɛ kaa e nihi ji nyɛ niinɛ.

Filipibi 1:1

Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

Filipibi 2:18

Jã nɔuu kɛ̃ nyɛ hu nyɛ bua nɛ jɔ, nɛ nyɛɛ kɛ mi nɛ nya.

Filipibi 2:28

Enɛ ɔ he nɛ e be sɔe ha mi kulaa kaa ma wo lɛ blɔ kɛ ba nyɛ ngɔ ɔ nɛ. Ke nyɛ na lɛ ekohu ɔ, nyɛ ma na bua jɔmi; kɛkɛ imi hu ma kpa tsui yemi.

1 Tesalonikabi 3:2

Lɔ ɔ he ɔ, wa tsɔ Timoteo, wa nyɛmi nɛ waa kɛ lɛ tsuɔ ní kaa Mawu sɔmɔlɔ kɛ fiɛɔ Kristo he sane kpakpa a. Wa tsɔ lɛ, konɛ e ba wo nyɛ he wami, nɛ e ha nyɛ fi si ngɛ nyɛ hemi kɛ yemi ɔ mi,

1 Tesalonikabi 3:5

Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Yakobo 4:15

Nɔ́ nɛ mohu nɛ sa nɛ nyɛ deɔ ji, “Ke Mawu suɔ nɛ wa yi na wami ɔ, wa maa pee enɛ ɔ, loo enɛ.”

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.