Filipibi 2:16 - BAIBLO ALOO NGMAMI KLƆUKLƆU Ɔ

¹⁶ Ke nyɛ hɛɛ sane kpakpa a nɛ haa nɔ wami ɔ mi wawɛɛ ɔ, lɔ ɔ lɛɛ ligbi ɔ nɛ Kristo maa ba a, ma nyɛ ma fĩa kaa fo nɛ i tu, aloo dengme nɛ i gbo kɛ tsu nyɛ he ní ɔ pee we yaka.

Somi He Ɔ

¹⁶ nɛ nyɛɛ hɛɛ wami munyu ɔ mi, konɛ e plɛ fiami nɔ ha mi ngɛ Kristo ligbi ɔ nɔ, kaa ye fotumi ɔ pee we yaka, nɛ ye dengme gbomi ɔ hu pee we gu.

Filipibi 2:16 ပူးပေါင်းရင်းမြစ်များ

La 40:9

Yawɛ, i gba kɛ tsɔɔ o ma a tsuo kaa o he wa yi wami. O le kaa i be ye nya mae kɔkɔɔkɔ.

La 71:17

Mawu, kɛ je ye nihe mi tɔɔ nɛ o tsɔɔ mi ní, nɛ amlɔ nɛ ɔ hu i ngɛ o nyakpɛ ní tsumi ɔmɛ a he odase yee.

Yesaya 49:4

Se imi lɛɛ, i de ke, “I gbo dengme yaka gu; i puɛ ye he wami tsuo yaka; i na we se ko.” Se kɛ̃ ɔ, Yawɛ, ye Mawu ɔ maa ye ye sane ɔ ha mi, e maa pee mi kpakpa.

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛɛ sɛɛ piani katakata; nɔ́ nɛ i ngɛ nyɛ tue mi woe nɛ i ngɛ nyɛ dee ɔ, nyɛɛ fiɛ ngɛ ma nɔ.

Luka 12:8

“I ngɛ nyɛ dee ke, nɔ tsuaa nɔ nɛ maa jaje ngɛ nimli a hɛ mi kaa e ngɛ ye blɔ fa mi ɔ, Nɔmlɔ Bi ɔ hu maa pee ja ha lɛ ngɛ Mawu bɔfo ɔmɛ a hɛ mi.

Yohane 6:63

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Yohane 6:68

Simon Petro he nɔ ke, “Nyɔmtsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ.

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

1 Korintobi 1:8

Mawu nitsɛ maa hɛɛ nyɛ kɛ maa ya nyagbe, konɛ ligbi ɔ nɛ wa Nyɔmtsɛ Yesu Kristo maa ba a, piami ko piami ko kó hi nyɛ he.

1 Korintobi 9:26

Lɔ ɔ he ɔ, fo nɛ i ngɛ tue nɛ ɔ, i ngɛ tue tɛɛ kɛ yaa nyagbe; kunɔ nɛ i ngɛ nɔe ɔ, i nɔɛ kaa nɔ ko nɛ ngɛ kɔɔhiɔ gbee.

Galatabi 2:2

Mawu lɛ je tsɔɔ mi kaa ma ya Yerusalem, nɛ i ya. I kɛ nihi nɛ a buu mɛ ɔ kɔklɔɔ ya kpe, nɛ sɛ gbi nɛ i ngɛ fiɛe ha ma je li ɔmɛ ɔ, i tsɔɔ mɛ nya, bɔ nɛ pee nɛ ní tsumi nɛ i tsu kɛ sɛ hlami, kɛ nɔ́ nɛ i ngɛ tsue amlɔ nɛ ɔ pee yaka.

Galatabi 4:11

E peeɔ mi kaa dengme tsuo nɛ i gbo ngɛ nyɛ he ɔ miɔ nɛ e pee yaka.

Filipibi 1:10

konɛ nyɛɛ le kpakpa mi tso. Kɛkɛ ɔ, mu ko mu ko, kɛ piami ko piami ko be nyɛ he sae kɛ yaa su ligbi ɔ nɛ Kristo maa ba.

Filipibi 1:6

I heɔ yeɔ kaa Mawu, nɔ nɛ kɛ nyɛ je ní tsumi kpakpa nɛ ɔ sisi ɔ maa piɛ nyɛ he kɛ yaa si nyɛ maa gbe nya ligbi ɔ nɛ Yesu Kristo maa ba a.

1 Tesalonikabi 2:19

Ejakaa ke wa Nyɔmtsɛ Yesu ba, nɛ wa ba pue ngɛ e hɛ mi ɔ, mɛni nɔ wa maa fĩa kɛ fɔ? Mɛni ma ha wɔ bua jɔmi? Nɛ mɛni jlasi waa kɛ maa fĩa kaa wa ye kunimi? Anɛ pi nyɛ lo?

1 Tesalonikabi 3:5

Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

Hebribi 4:12

Ejakaa Mawu munyu hɛ ngɛ, e ngɛ he wami, nɛ e nya ba pe klaate nya enyɔtsɛ. E gbuu kɛ sɛɛ nɔ mi kɛ ya siɔ e gbaa klaa, kɛ mumi ɔ mi, kɛ jehanɛ hu kpɔji nya amɛ, kɛ wu mi zɔ ɔmɛ a mi. Mawu munyu ɔ jeɔ adesa tsui mi níhi, kɛ e yi mi tomi kpo.

1 Petro 1:23

Kɛ gu Mawu munyu ɔ nɛ hɛ ngɛ daa a nɔ ɔ, a fɔ nyɛ ehe. Nyɛ ba pee Tsɛ nɛ gbo we, se pi nɔ nɛ gboɔ ɔ bimɛ.

1 Yohane 1:1

Wa ngɛ nyɛ munyu nɛ haa nɔ wami ɔ ngmae. Munyu ɔ ngɛ kɛ je sisije. Wa nu, nɛ wa na kɛ wɔ nitsɛmɛ wa hɛngmɛ; ee, wa na lɛ, nɛ wa nine ta he.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.