Filipibi 2:15 - BAIBLO ALOO NGMAMI KLƆUKLƆU Ɔ

¹⁵ Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Somi He Ɔ

¹⁵ konɛ nyɛ he ko hi piami, nɛ nyɛɛ pee he tsɔli, Mawu bimɛ nɛ a he be piami ko ngɛ yi nɔ kpɛkpɛɛ nɛ be e jebo nɔ nɛ ɔ mi, nihi a kpɛti nɛ nyɛ tsoo kaa kane ngɛ je nɛ ɔ mi,

Filipibi 2:15 ပူးပေါင်းရင်းမြစ်များ

La 122:5

Lejɛ ɔ nɛ Israel matsɛmɛ nɛ ji David nina a hi kɛ kojo ma a.

Mose II, 34:35

a naa kaa e hɛ mi ngɛ kpɛe. Lɔ ɔ se ɔ, Mose kpaleɔ ngɔɔ nɔ́ kɛ haa e hɛ mi kɛ ya siɔ be nɛ e maa ya nɛ e kɛ Yawɛ ma ya tu munyu ekohu.

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Abɛ Womi 8:8

Ye nya mi munyuhi tsuo da; ekoeko be nɛ kpɛ̃; ekoeko be nɛ ji lakpa.

Yesaya 60:1

Yerusalem, tee si nɛ o tso kaa pu; Yawɛ hɛ mi nyami ɔ ngɛ kpɛe ngɛ o nɔ.

Daniel 6:4

Enɛ ɔ he je ɔ, amlaalo ɔmɛ, kɛ nikɔtɔma enyɔ ɔmɛ bɔ mɔde hla kaa a maa na tɔmi ko ngɛ Daniel ma nɔ yemi ní tsumi ɔ he lo. Se a nɛ nɔ́ ko nɛ a maa da nɔ kɛ po e nya. A nɛ tɔmi ko ngɛ e he; ejakaa e yeɔ anɔkuale, nɛ e pee we nɔ́ nɛ dɛ.

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Mateo 5:48

Lɔ ɔ he ɔ, nyɛɛ hi kɛ pi si kaa bɔ nɛ nyɛ Tsɛ nɛ ngɛ hiɔwe ɔ hi kɛ pi si ɔ!

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

Ni Tsumi 20:30

Nyɛ nitsɛmɛ nyɛ kpɛti hu nihi maa ye lakpa kɛ puɛ nyɛmimɛ ɔmɛ a tue kɛ ya nyɛɛ a se.

Romabi 16:19

A nu nyɛ he ngɛ he tsuaa he kaa nyɛ pɛtɛ sane kpakpa a he wawɛɛ; nɔ́ nɛ ɔ ha nɛ i na nyɛ he bua jɔmi saminya. I suɔ kaa nyɛɛ le kpakpa, nɛ nyɛɛ pee; se yayami blɔ fa mi lɛɛ a ko nu nyɛ he kulaa.

1 Korintobi 1:8

Mawu nitsɛ maa hɛɛ nyɛ kɛ maa ya nyagbe, konɛ ligbi ɔ nɛ wa Nyɔmtsɛ Yesu Kristo maa ba a, piami ko piami ko kó hi nyɛ he.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Efesobi 5:27

E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Mose V, 32:5

Se nyɛɛ lɛɛ, nyɛ yi nyɛ siwo nɔ, nɛ nyɛ sɛ kulaa kaa nyɛ peeɔ e ma. Ma nɛ peeɔ yayami, nɛ sisiɔ nɔ ji nyɛ.

Filipibi 1:10

konɛ nyɛɛ le kpakpa mi tso. Kɛkɛ ɔ, mu ko mu ko, kɛ piami ko piami ko be nyɛ he sae kɛ yaa su ligbi ɔ nɛ Kristo maa ba.

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

1 Timoteo 3:10

A ka mɛ hu nɛ a hyɛ a subai kekle, nɛ ke sane ko be a he ɔ, a sɔmɔ.

1 Timoteo 3:2

Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

1 Timoteo 5:20

Nihi nɛ peeɔ yayami ɔ, ka a hɛ mi ngɛ asafo ɔ tsuo hɛ mi, kɛkɛ ɔ, ni nɛmɛ nɛ piɛ ɔ maa ye gbeye.

1 Timoteo 5:7

Tsɔɔ yalɔyi ɔmɛ ní nɛ ɔmɛ, konɛ nɔ ko nɔ ko kó tu a he munyu yaya.

Tito 1:6

Asafo nya dalɔ ɔ, e pee nɔ ko nɛ piami be e he, nɔ nɛ ngɛ yo kake pɛ, nɛ e bimɛ le Kristo. Bimɛ ɔmɛ nɛ a pee nihi nɛ a yeɔ a he odase kpakpa; pi yaholi, loo nihi nɛ tsɔɔ atuã.

Tito 2:10

nɛ a ko ju mɛ hulɔ. Se mohu á ye anɔkuale ngɛ nɔ́ tsuaa nɔ́ mi, konɛ anɔkuale nɛ kɔɔ Mawu, wa kpɔlɔ ɔ he ɔ, nihi nɛ a na nya saminya.

Tito 2:15

Tsɔɔ o we bi ɔmɛ ní nɛ ɔmɛ, nɛ o ngɔ he blɔ nɛ o ngɛ ɔ tsuo kɛ wo mɛ he wami, nɛ o kɛ ka a hɛ mi hulɔ. Ko ha nɛ nɔ ko nɛ gbe o he guɛ.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

2 Petro 3:14

Lɔ ɔ he ɔ, ye nyɛmimɛ nɛ i suɔ! Be mi nɛ nyɛ ngɛ ní nɛ ɔmɛ blɔ hyɛe ɔ, nyɛɛ bɔ mɔde nɛ Mawu ko na mu, loo piami nɔ́ ko ngɛ nyɛ he; nyɛɛ kɛ lɛ nɛ hi si ngɛ he jɔmi mi.

Kpojemi 2:5

Lɔ ɔ he ɔ, moo hɛli o he si ngɛ nɔ nɛ mi nɛ o gbee si ngɛ ɔ he. Mo tsake o tsui, nɛ o hi si kaa kekle ɔ. Ke o tsakee we o tsui ɔ, ma ba o ngɔ, nɛ ma ba je o kane tso ɔ kɛ je e ma he ɔ.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.