Filipibi 2:14 - BAIBLO ALOO NGMAMI KLƆUKLƆU Ɔ

¹⁴ Nɔ́ tsuaa nɔ́ nɛ nyɛ ngɛ pee ɔ, nyɛ ko wo nyɛ mi mi la, nɛ nyɛ ko sã nya ngɛ he.

Somi He Ɔ

¹⁴ Nyɛɛ pee nyɛ nihi kulaa nɛ munyu huitihuiti kɛ nɔ jemi ko ba mi;

Filipibi 2:14 ပူးပေါင်းရင်းမြစ်များ

La 106:25

A tu munyu huitihuiti ngɛ a bo tsu ɔmɛ a mi; nɛ a bui Yawɛ tue.

Abɛ Womi 13:10

Nɔ buimi ɔ, haomi kɛkɛ e kɛ baa. Ní leli ji ni nɛmɛ nɛ buɔ ga womi tue.

Mose IV, 14:27

“Mɛni be ma yiwutsotsɛmɛ nɛ ɔmɛ maa hɔɔ nya si kɛ wo mi kɛ yaa si? Munyu huitihuiti nɛ Israel ma a ngɛ tue kɛ ngɛ mi sie ɔ, i nu.

Mateo 20:11

Benɛ a nine su sika a nɔ ɔ, a tu munyu huitihuiti kɛ si nɔ nɛ bɔ mɛ apaa a.

Marko 14:5

Jinɛ kikɛmɛ a nu nɛ ɔ, a ko jua lɛ sika hiɔ yi lafa etɛ nɛ́ a kɛ ha ohiatsɛmɛ.” Ni ɔmɛ tu munyu nyanyaanya kɛ si yo ɔ.

Marko 9:14

Benɛ a kpale ba na kaseli ɔmɛ nɛ piɛ ɔ, a ba na nihi babauu nɛ ba bu a nɔ, nɛ mlaa tsɔɔli komɛ kɛ mɛ ngɛ níhi a mi hlae.

Luka 5:30

Kɛkɛ nɛ Farisi bi komɛ, kɛ mlaa tsɔɔli komɛ tu munyu huitihuiti kɛ si Yesu kaseli ɔmɛ ke, “Mɛni he je nɛ nyɛɛ kɛ tó tsuli, kɛ yayami peeli ngɛ ní yee, nɛ nyɛɛ kɛ mɛ ngɛ ní nue ɔ?”

Ni Tsumi 15:2

Paulo, kɛ Barnaba kɛ mɛ sã nya wawɛɛ; nɛ a kɛ mɛ je nɔ́ hluu ngɛ tsɔɔmi nɛ ɔ he. Lɔ ɔ he ɔ, a to kaa Paulo, kɛ Barnaba, kɛ a ti ni komɛ hu nɛ a ya bɔfo ɔmɛ, kɛ nikɔtɔma amɛ a ngɔ ngɛ Yerusalem ngɛ kikɛmɛ a munyu nɛ ɔ he.

Ni Tsumi 15:39

Enɛ ɔ pee mɛ nya sami babauu, nɛ a mi gba; Barnaba ngɔ Marko ngɔ piɛ e he, nɛ a ya wo lɛ kɛ ho Kipro ya.

Ni Tsumi 15:7

Benɛ a sã nya hluu ɔ, Petro te da si, nɛ e de mɛ ke, “Ye nyɛmimɛ, nyɛ nitsɛmɛ nyɛ le kaa be saii ji nɛ ɔ nɛ Mawu hla mi ngɛ nyɛ kpɛti kaa ma fiɛ sane kpakpa a ngɔ tsɔɔ ma je li ɔmɛ, konɛ mɛ hu a he ye.

Ni Tsumi 6:1

Jamɛ be ɔ mi benɛ kaseli ɔmɛ a he ba bɔni hiɛmi ɔ, a kpɛti nihi nɛ tuɔ Hela gbi ɔ ba te si kɛ wo ni nɛmɛ nɛ tuɔ Hebri gbi ɔ ke a hyɛ we mɛ nihi nɛ tuɔ Hela gbi ɔ a yalɔyi ɔmɛ bɔ nɛ sa; sika nɛ a haa yalɔyihi daa ligbi nɛ a kɛ hyɛɛ a he nɔ ɔ, mɛɛ lɛɛ a nine sui a nɔ́ nɔ.

Romabi 12:18

Ke e maa hi ɔ, nyɛɛ bɔ mɔde nɛ nyɛɛ kɛ nɔ tsuaa nɔ nɛ hi si ngɛ he jɔmi mi.

Romabi 14:1

Nɔ ko nɛ hemi kɛ yemi mi wɛ ɔ, nyɛɛ kɛ lɛ ko sã nya ngɛ nɔ́ nɛ e susuɔ kaa e sa nɛ e pee, kɛ nɔ́ nɛ e ko pee he. Se mohu nyɛ he lɛ atuu kɛ ba nyɛ kpɛti.

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

1 Korintobi 10:10

Wa ko tu munyu huitihuiti kaa bɔ nɛ a ti ni komɛ pee, nɛ bɔfo nɔ́ puɛlɔ ɔ kpata a hɛ mi ɔ.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Galatabi 5:15

Se ke nyɛ pee nyɛ he lohwe dikali nɛ nyɛ ngɛ nyɛ he nɔ́ yeyee pee ɔ, lɔ ɔ lɛɛ nyɛ ma kpata nyɛ nitsɛmɛ nyɛ hɛ mi pɛsɛpɛsɛ.

Galatabi 5:26

Wa ko wó wa he nɔ; wa ko wo wa sibi a mi mi la, nɛ wa hɛ ko kɔ wa sibi a nɔ hulɔ.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

1 Tesalonikabi 5:13

Nyɛɛ bu mɛ saminya, nɛ nyɛɛ suɔ mɛ ngɛ ní tsumi nɛ a ngɛ tsue ɔ he. Nyɛ nitsɛmɛ hu, nyɛɛ hi si ngɛ tue mi jɔmi mi.

1 Tesalonikabi 5:15

Nyɛɛ hyɛ nɛ nyɛ ti nɔ ko kó pee yayami kɛ to yayami nane mi. Se mohu daa nɛ ɔ, nyɛɛ bɔ mɔde kaa nyɛ maa pee kpakpa ha nyɛ sibi, kɛ nihi tsuo.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Yakobo 1:20

Mi mi fumi ha we nɛ nɔ peeɔ Mawu suɔmi nya ní.

Yakobo 3:14

Se ke hunga jemi yaya, kɛ pɛ ngɛ nyɛ tsui mi, nɛ nyɛ ti nɔ tsuaa nɔ ngɛ hlae kaa e hi ha lɛ nɔ kake pɛ ɔ, nyɛ ko fĩa, nɛ́ nyɛ ba ye lakpa ngɔ si anɔkuale ɔ.

Yakobo 5:9

Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.

1 Petro 3:11

E jɔɔ yayami peemi, nɛ e pee kpakpa. E bɔ mɔde wawɛɛ, nɛ e kɛ e nyɛmimɛ nɛ hi si ngɛ he jɔmi mi.

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.