Filipibi 2:11 - BAIBLO ALOO NGMAMI KLƆUKLƆU Ɔ

¹¹ nɛ a maa jaje paa ke, Yesu Kristo ji Nyɔmtsɛ; a maa pee ja kɛ wo Tsɛ Mawu ɔ hɛ mi nyami.

Somi He Ɔ

¹¹ nɛ lilɛ tsuaa lilɛ nɛ jaje paa ke Yesu Kristo ji Nyɔmtsɛ kɛ wo Tsɛ Mawu ɔ hɛ mi nyami.

Filipibi 2:11 ပူးပေါင်းရင်းမြစ်များ

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

La 18:49

Enɛ ɔ he je ɔ, ma je o yi ngɛ je ma amɛ a hɛ mi; ma la kɛ je mo, Yawɛ o yi.

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Mateo 10:32

“Lɔ ɔ he ɔ, nɔ tsuaa nɔ nɛ maa wo ye ta ngɛ nimli a hɛ mi ɔ, imi hu ma wo e ta ngɛ Tsaatsɛ nɛ ngɛ hiɔwe ɔ hɛ mi.

Luka 2:11

Mwɔnɛ ligbi nɛ ɔ, a fɔ nyɛ yi wami helɔ, Nyɔmtsɛ Kristo ɔ ngɛ David ma a mi!

Yohane 12:42

Yuda ma nimeli ɔmɛ a ti nihi babauu he Yesu ye, se Farisi bi ɔmɛ a he ɔ, a nyɛ we nɛ a ye odase paa, bɔ nɛ pee nɛ a ko fie mɛ ngɛ kpe he ɔ.

Yohane 13:13

Tse nyɛ tsɛɔ mi Tsɔɔlɔ, nɛ nyɛ tsɛɔ mi Nyɔmtsɛ hulɔ! Saminya, e ngɛ mi jã.

Yohane 13:14

Jehanɛ ɔ, imi nyɛ Nyɔmtsɛ, kɛ nyɛ Tsɔɔlɔ ɔ, ke i fɔ nyɛ nane he ɔ, e sa kaa nyɛ hu nyɛ fɔ nyɛ sibi a nane he.

Yohane 14:13

Ke nyɛ kpa nɔ́ ko he pɛɛ ngɛ ye biɛ mi ɔ, ma pee; kɛkɛ ɔ, kɛ gu Bi ɔ nɔ ɔ, a maa wo Tsɛ ɔ hɛ mi nyami.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 17:1

Benɛ Yesu de ní nɛ ɔmɛ se ɔ, e wo hɛ nɔ kɛ hyɛ hiɔwe, nɛ e ke, “Tsaatsɛ, be ɔ su. Ha nɛ a wo o Bi ɔ hɛ mi nyami, konɛ Bi ɔ hu nɛ wo o hɛ mi nyami.

Yohane 20:28

Toma he nɔ ke, “Ye Nyɔmtsɛ! Ye Mawu!”

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Yohane 9:22

Nyumu ɔ fɔli ɔmɛ de enɛ ɔ, ejakaa a ngɛ Yuda ma nimeli ɔmɛ gbeye yee. Blɔɔ Yuda bi ɔmɛ so ngɔ to kaa ke nɔ ko ma gba mi paa ma de ke Yesu ji Kristo ɔ, a maa fie jamɛatsɛ ɔ kɛ je kpe he ɔ.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 2:36

“Lɔ ɔ he ɔ, Israel bi tsuo nɛ́ a na nɛ a le kaa Yesu ɔ nɛ nyɛ sɛu ɔ, Mawu ngɔ lɛ ngɔ pee Nyɔmtsɛ, kɛ nɔ nɛ lɛ nitsɛ e hla!”

Romabi 14:11

Ejakaa ngmami ɔ deɔ ke, “Nyɔmtsɛ ɔ ngɛ kita kae ke Nɔ tsuaa nɔ ma kpla si ha mi Nɛ nɔ tsuaa nɔ ma gba mi ma de paa ke imi ji Mawu.”

Romabi 14:9

Ejakaa Kristo gbo, nɛ e kpale ba wami mi ekohu, konɛ e pee Nyɔmtsɛ kɛ ha ni nɛmɛ nɛ a hɛ ngɛ, kɛ ni nɛmɛ nɛ gbo ɔ tsuo.

Romabi 15:9

E pee ja, konɛ ma je li ɔmɛ tete nɛ a wo Mawu hɛ mi nyami, ejakaa e na mɛ hu mɔbɔ. Kaa bɔ nɛ ngmami ɔ deɔ ɔ, “Enɛ ɔ he ɔ, ma je o yi ngɛ ma je li ɔmɛ a kpɛti, Nɛ ma wo o biɛ ta kɛ la.”

1 Korintobi 12:3

I ngɛ hae nɛ nyɛɛ le kaa nɔ nɛ Mawu mumi ɔ ngɛ e mi ɔ, e de we ke, “A gbiɛ Yesu.” Jã kɛ̃ nɔ ko be nyɛe ma de ke, “Yesu ji Nyɔmtsɛ” hulɔ kaa ja Mumi Klɔuklɔu ɔ tsɔɔ lɛ blɔ.

1 Korintobi 15:47

Kekleekle Adam ɔ, zugba zu a kɛ bɔ lɛ; Adam enyɔne ɔ lɛɛ hiɔwe nɛ e je.

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Yohane 4:15

Nɔ tsuaa nɔ nɛ jajeɔ paa kaa Yesu ɔ, Mawu Bi ji lɛ ɔ, Mawu hii e mi, nɛ lɛ hu e hii Mawu mi.

1 Yohane 4:2

Nɔ́ nɛ nyɛɛ kɛ ma yo Mawu mumi ɔ ji nɛ ɔ nɛ. Nɔ tsuaa nɔ nɛ maa jaje kaa Yesu Kristo ba je ɔ mi kaa adesa a, mumi nɛ je Mawu ngɔ ɔ ngɛ e mi.

2 Yohane 1:7

Sisili fuu ngɛ je ɔ mi he tsuaa he. Mɛ ji nihi nɛ kplɛɛ we kaa Yesu Kristo ba je ɔ mi kaa nɔmlɔ adesa. Nimli kaa kikɛ nɛ ɔ ji sisili, kɛ Kristo he nyɛli ɔ nɛ.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.