Filipibi 1:7 - BAIBLO ALOO NGMAMI KLƆUKLƆU Ɔ

⁷ I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Somi He Ɔ

⁷ E sa kaa ma susu enɛ ɔ ngɛ nyɛ kulaa nyɛ he, ejakaa i suɔ nyɛ, ejakaa benɛ a wo mi tsu mi ngɛ sane kpakpa a he ɔ, i kɛ nyɛ tsuo na Mawu dloomi ɔ eko.

Filipibi 1:7 ပူးပေါင်းရင်းမြစ်များ

Ni Tsumi 20:23

Nɔ́ nɛ i le kɛkɛ ji kaa ma tsuaa ma mi ɔ, Mumi Klɔuklɔu ɔ jeɔ tsɔɔ mi kaa a maa wo mi tsu, nɛ ma na amanehlu babauu.

Ni Tsumi 21:33

Jehanɛ asafoatsɛngua a hɛ lɛ kɛ su Paulo he, nɛ e pɛtɛ e he, nɛ e fa ke a wo lɛ kɔsɔkɔsɔ enyɔ. Kɛkɛ nɛ e bi ke, “Nyumu nɛ ɔ, mɛnɔ ji lɛ; nɛ mɛni e pee?”

1 Korintobi 13:7

Suɔmi haa nɔ toɔ tsui si ngɛ nɔ́ tsuaa nɔ́ mi. E haa nɔ heɔ nɔ tsuaa nɔ́ yeɔ; e ngɔɔ e hɛ ngɔ fɔɔ Mawu nɔ, nɛ e miaa e hɛ mi ngɛ níhi tsuo mi.

1 Korintobi 9:23

I peeɔ enɛ ɔmɛ tsuo, konɛ ma kɛ ha nɛ Yesu he sane kpakpa a nɛ gbɛ fĩa. Kɛkɛ ɔ, ní kpakpahi nɛ maa je sɛ gbi ɔ mi kɛ ba a, imi hu ma na eko.

2 Korintobi 3:2

Nyɛ nitsɛmɛ ji yi jemi womi nɛ a ngma ha wɔ ngɛ wa tsui mi, konɛ nɔ tsuaa nɔ nɛ kane nɛ e nu sisi.

2 Korintobi 7:3

I de we enɛ ɔ nɛ ma kɛ bu nyɛ fɔ. Se kaa bɔ nɛ i de nyɛ momo ɔ, suɔmi nɛ wa ngɛ kɛ ha nyɛ ɔ nya wa bɔ nɛ nɔ́ ko nɔ́ ko be nyɛe ma gba waa kɛ nyɛ wa kpɛti, gbenɔ jio, wami nɛ ɔ mi jio.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Efesobi 3:1

Mawu pee Yuda bi, kɛ nyɛ ma je li tsuo kake. Enɛ ɔ he ɔ, a wo imi Paulo tsu ngɛ Kristo Yesu, kɛ nyɛ hu nyɛ he.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Efesobi 6:20

Sane kpakpa nɛ ɔ he nɛ, i ba pee Yesu Kristo bɔfo, pohu amlɔ nɛ ɔ, a wo mi kɔsɔkɔsɔ. Nyɛ kpa pɛɛ konɛ ma fiɛ kɛ kã kaa bɔ nɛ sa nɛ ma tu munyu ɔ.

Filipibi 1:12

Ye nyɛmimɛ, i suɔ kaa nyɛɛ le kaa sanehi nɛ ba ye nɔ ɔ mohu ha nɛ sane kpakpa a ya su nihi babauu.

Filipibi 1:13

Enɛ ɔ he je ɔ, mɔ mi buli ɔmɛ, kɛ ni kpa amɛ tsuo ba na le kaa Kristo nɛ i ngɛ sɔmɔe ɔ he nɛ a wo mi tsu ngɛ.

Filipibi 1:14

Tsu nɛ a wo mi ɔ, ha nɛ nyɛmimɛ ɔmɛ a ti nihi babauu ba ngɔ a hɛ kɛ fɔ Nyɔmtsɛ ɔ nɔ wawɛɛ, nɛ a kɛ kã ngɛ Mawu sɛ gbi ɔ fiɛe nɛ a yi gbeye.

Filipibi 1:5

ejakaa nyɛ sa sina kaa nyɛ piɛ ye he wawɛɛ ngɛ sane kpakpa a fiɛmi mi kɛ je sisije kɛ ba si amlɔ nɛ ɔ.

Filipibi 2:22

Nyɛ nitsɛmɛ nyɛ le Timoteo mɔde bɔmi! Nyɛ le kaa e tsu ní nɛ se bé; e kɛ mi tsu sane kpakpa a he ní kaa bi kɛ e tsɛ.

Filipibi 4:14

Se kɛ̃ ɔ, nyɛ pee saminya kaa nyɛ ba ye bua mi ngɛ ye nɔ́ nami be ɔ mi.

Filipibi 4:15

Nyɛ Filipi bi, nyɛ nitsɛmɛ nyɛ le kaa sisije ɔ, benɛ a bɔni sane kpakpa fiɛmi, nɛ i pue nɔ kɛ je Makedonia a, asafo ko asafo ko kɛ mi bɔɛ huɛ ngɛ nɔ́ hami kɛ hemi mi, ja nyɛ pɛ ji asafo nɛ ye bua mi.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Kolosebi 4:18

Imi Paulo nitsɛ ye nine nya womi nɛ i ngma kaa i biɔ nyɛ ji nɛ ɔ nɛ. Nyɛ hɛ ko je nɔ kaa i ngɛ kɔsɔkɔsɔ mi kɛ mwɔɔ. Mawu dloomi ɔ kɛ nyɛ tsuo nɛ hi si.

Kolosebi 4:3

Nyɛɛ sɔle ha wɔ hulɔ, konɛ Mawu nɛ bli blɔ ha wɔ nɛ waa fiɛ e sɛ gbi nɛ kɔɔ Kristo he ɔ. Ejakaa Kristo laami sane nɛ ɔ he nɛ a wo mi tsu ngɛ.

1 Tesalonikabi 5:5

Ejakaa nyɛ tsuo pɛpɛɛpɛ la bimɛ ji nyɛ; ee, piani bimɛ ji nyɛ; wa pi nyɔ, loo diblii bimɛ.

2 Timoteo 1:8

Lɔ ɔ he ɔ, ko ha nɛ odase nɛ o maa ye ngɛ wa Nyɔmtsɛ ɔ he ɔ nɛ pee mo zo. Imi hu nɛ a wo mi tsu ngɛ Kristo he ɔ, ye he ko pee mo zo. Mohu ɔ, bɔɔ mɔde nɛ o na nɔ́ ngɛ sane kpakpa a he kaa bɔ nɛ imi hu i ngɛ nae ɔ, nɛ Mawu ma ha mo he wami nɛ o kɛ tsu nɔ́ nɛ ɔ.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.

Filemon 1:13

I ko suɔ kaa e kɛ mi nɛ hi si, konɛ e sɔmɔ mi ngɛ o nane mi, be mi nɛ sane kpakpa a he ɔ, a wo mi tsu ɔ.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

1 Petro 4:13

Se mohu, nyɛ bua nɛ jɔ kaa amanehlu nɛ Kristo na a, nyɛ hu nyɛ ngɛ nae. Kɛkɛ ɔ, ke e ba ekohu kɛ he wami kpetekpleenyɛ ɔ, nyɛ ma na bua jɔmi babauu.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

2 Petro 1:13

Be abɔ nɛ i ngɛ je mi kɛ mwɔɔ ɔ, i susu kaa e sa kaa ma ya nɔ ma hɛli nyɛ si ngɛ ní nɛ ɔmɛ a he.

1 Yohane 3:14

Wa le kaa wa be kaa ni gbogboehi hu, se wa je gbenɔ mi kɛ ba wami mi, ejakaa wa suɔ wa nyɛmimɛ ɔmɛ. Nɔ tsuaa nɔ nɛ sume e nyɛmi ɔ, e ngɛ gbenɔ mi.