Filipibi 1:26 - BAIBLO ALOO NGMAMI KLƆUKLƆU Ɔ

²⁶ Kɛkɛ ɔ, ke wa ba bua ekohu ɔ, nyɛ ma na he blɔ hluu tsɔ kɛ fĩa kaa i ha nɛ nyɛ ba le Kristo Yesu.

Somi He Ɔ

²⁶ konɛ nyɛ mimifliimi ɔ nɛ hiɛ kɛ be nɔ ngɛ Kristo Yesu mi, ngɛ ye he, ngɛ kpe nɛ i kɛ nyɛ maa kpe ekohu ɔ he.

Filipibi 1:26 ပူးပေါင်းရင်းမြစ်များ

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Yohane 16:22

Jã nɔuu, nyɛ hu amlɔ nɛ ɔ, nyɛ ngɛ kɔmɔ yee, se ma na nyɛ ekohu. Nyɛ tsui maa nɔ nyɛ mi, nɛ nyɛ bua jɔmi ɔ, nɔ ko be hee ngɛ nyɛ dɛ.

Yohane 16:24

Kɛ ba si piɔ ɔ, nyɛ bi we nɔ́ ko hyɛ ngɛ ye biɛ mi. Nyɛ bi, nɛ a maa pee ha nyɛ; kɛkɛ ɔ, nyɛ ma na bua jɔmi babauu.

2 Korintobi 5:12

Nyɛ ko susu kaa wɔ nitsɛmɛ wa yi wa pa ngɛ jee ha nyɛ ekohu. Dɛbi! Waa kɛ enɛ ɔ ngɛ nyɛ blɔ hae, konɛ nyɛ kɛ fĩa ngɔ fɔ wa nɔ. Kɛkɛ ɔ, nihi nɛ hyɛɛ nihi a hɛ mi, se pi a tsui mi, nɛ a fĩaa ngɔ fɔɔ a nɔ ɔ, nyɛ ma ná nɔ́ ko ma de mɛ.

2 Korintobi 7:14

I je nyɛ yi ha Tito, nɛ nyɛ gbi mi zo. Wa tuɔ nyɛ anɔkuale daa. Jã kɛ̃ ɔ, fiami nɛ wa fĩa fɔ nyɛ nɔ ngɔ tsɔɔ Tito ɔ hu ya pee we lakpa.

2 Korintobi 7:4

I fĩaa ngɔ fɔɔ nyɛ nɔ, ejakaa i ngɛ hemi kɛ yemi babauu ngɛ nyɛ mi. Ngɛ wa haomi ɔmɛ tsuo a mi ɔ, ye nine mi ji wu; ye bua jɔmi mohu lɛ hiɛ kɛ be nɔ.

2 Korintobi 7:6

Se benɛ Tito ba a, Mawu, nɔ nɛ woɔ nihi nɛ a nine mi jɔ̃ he wami ɔ ha nɛ wa nɔ gbagba te.

Galatabi 6:4

Nɔ tsuaa nɔ nɛ hyɛ lɛ nitsɛ e ní peepee. Ke e hi ɔ, e ma nyɛ maa fĩa ngɔ fɔ nɔ, nɛ e be hiae kaa e maa ngɔ e he ngɔ to nɔ kpa he;

Filipibi 3:1

Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Filipibi 4:10

I na bua jɔmi babauu ngɛ Nyɔmtsɛ ɔ mi kaa be saii ji nɛ ɔ nɛ i nui nyɛ he ɔ, jehanɛ lɛɛ nyɛ na he blɔ kɛ ngɛ nyɛ suɔmi kpo jee kɛ tsɔɔ mi ekohu. I tsɔɔ we kaa nyɛ susuu we ye he hu, se he blɔ nɛ nyɛ ya na we kɛ pee nɔ́ ko ha mi.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!