Filipibi 1:25 - BAIBLO ALOO NGMAMI KLƆUKLƆU Ɔ

²⁵ I heɔ enɛ ɔ yeɔ, lɔ ɔ he ɔ, i le kaa i kɛ nyɛ tsuo maa hi si, konɛ ma piɛ nyɛ he, nɛ nyɛ hemi kɛ yemi mi nɛ wa, nɛ nyɛ na bua jɔmi.

Somi He Ɔ

²⁵ I ngɛ enɛ ɔ nɔ mi mami kaa i kɛ nyɛ maa hi si nɛ ma piɛ nyɛ he nɛ nyɛɛ ya hɛ mi, konɛ nyɛ hemi kɛ yemi ɔ nɛ fu, nɛ nyɛ na bua jɔmi ngɛ mi,

Filipibi 1:25 ပူးပေါင်းရင်းမြစ်များ

La 60:6

Mawu de ngɛ e he klɔuklɔu ɔ ke, “Ma hwɔ lele kɛ gba Shekem mi; nɛ ma dla Sukot kɔ̃ ɔ mi kɛ ha ye ma a.

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Ni Tsumi 20:25

“I kpa nyɛ tsuo nyɛ nɔ, nɛ i fiɛ Mawu matsɛ yemi ɔ he sane ɔ tsɔɔ nyɛ. Amlɔ nɛ ɔ, i le kaa nyɛ ti nɔ ko be mi nae hu.

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Romabi 15:29

I le kaa ke i ba nyɛ ngɔ ɔ, Kristo maa gbaa nyɛ babauu.

Romabi 5:2

Si himi nɛ wa ngɛ mi amlɔ nɛ ɔ, Mawu dloomi nya nɛ wa na kɛ gu Yesu Kristo nɛ wa heɔ yeɔ ɔ nɔ. Lɔ ɔ he ɔ, wa fĩaa, ejakaa wa nine maa su Mawu hɛ mi nyami ɔ nɔ.

2 Korintobi 1:24

Wa sume kaa wa maa nyɛ nyɛ nɔ nɛ waa tsɔɔ nɔ́ nɛ sa nɛ nyɛ he ye; wa le kaa nyɛ hɛɛ hemi kɛ yemi ɔ mi wawɛɛ. Mohu ɔ, waa kɛ nyɛ ngɛ ní tsue, konɛ nyɛ na bua jɔmi.

Filipibi 1:24

Se nyɛ he ɔ, e hia kaa ma hi je mi mohu.

Filipibi 2:24

Imi nitsɛ hu, ye hɛ ngɛ Nyɔmtsɛ ɔ nɔ kaa e be kɛe kulaa nɛ ma ba su nyɛ ngɔ.

Filemon 1:22

E piɛ nɔ́ kake; ma suɔ hu nɛ o dla nibwɔhi a to he ko kɛ ha mi. Ejakaa ye hɛ ngɛ nɔ kaa bɔ nɛ nyɛ kulaa nyɛ ngɛ kue fae ɔ, Mawu maa pee nɛ ma kpale kɛ ba nyɛ ngɔ ekohu.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,