Filipibi 1:22 - BAIBLO ALOO NGMAMI KLƆUKLƆU Ɔ

²² Se ke e ba mi kaa ke i ngɛ wami mi nɛ ma nyɛ ma tsu ní pe kikɛ nɛ ɔ, lɛɛ i li e mi nɔ́ nɛ ma hla.

Somi He Ɔ

²² Se ke he lo mi wami nɛ ɔ nɔuu haa ye ni tsumi woɔ yiblii ɔ, lɛɛ i li e mi nɔ́ nɛ ma ngɔ;

Filipibi 1:22 ပူးပေါင်းရင်းမြစ်များ

Mose I, 21:26

Abimelek de lɛ ke, “I li nɔ nɛ pee nɔ́ nɛ ɔ. O wui nɔ ta hyɛ nɛ ma nu; kekleekle nɛ i ngɛ nue ji nɛ ɔ nɛ.”

Mose I, 39:8

Yosef kplɛɛ we; nɛ e de e nyɔmtsɛ ɔ yo ɔ ke, “Hyɛ, ye nyɔmtsɛ gba we e he nya ngɛ nɔ́ ko nɔ́ ko he ngɛ we nɛ ɔ mi, ejakaa i ngɛ hiɛ ɔ. E to e nɔ́ tsuaa nɔ́ ngɔ wo ye dɛ.

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Ni Tsumi 3:17

“Jehanɛ ye nyɛmimɛ, i le kaa nɔ́ nɛ nyɛɛ kɛ nyɛ hɛ mi nyɛɛli ɔmɛ pee Yesu ɔ, pe nyɛ li nɛ nyɛ pee.

Romabi 1:13

Ye nyɛmimɛ, i suɔ nɛ nyɛɛ le kaa i pee ye yi mi si abɔ kaa ma ba slaa nyɛ, konɛ ma ná yiblii komɛ ngɛ nyɛ kpɛti kaa bɔ nɛ i ná ngɛ ma je li kpa amɛ a kpɛti ɔ. Se kɛ ba si amlɔ nɛ ɔ, i na we blɔ.

Romabi 11:2

Mawu kua we e ma nɛ e hla blema lokoo ɔ. Tse nyɛ le nɔ́ nɛ ngmami ɔ deɔ ngɛ Eliya yi nɔ benɛ Eliya po Israel nya ha Mawu ke,

2 Korintobi 10:3

E ngɛ mi kaa wa ngɛ he lo mi mohu, se kɛ̃ ɔ, wa pee we he lo nya ní.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.

Filipibi 1:24

Se nyɛ he ɔ, e hia kaa ma hi je mi mohu.

Kolosebi 2:1

Dengme babauu nɛ i gbo ngɛ nyɛɛ kɛ nihi nɛ ngɛ Laodikea, kɛ jehanɛ ni nɛmɛ nɛ li mi hɛ mi kɛ hɛ mi po ɔ tsuo nyɛ he ɔ, i suɔ kaa nyɛɛ le.

1 Petro 4:2

Lɔ ɔ he ɔ, kɛ je be nɛ ɔ mi kɛ yaa si nyɛ maa gbe nyɛ je nɛ ɔ mi si himi nya a, nyɛɛ hi si kaa bɔ nɛ Mawu suɔ, se pi kaa bɔ nɛ nyɛ tsui suɔ.