Filipibi 1:21 - BAIBLO ALOO NGMAMI KLƆUKLƆU Ɔ

²¹ Ejakaa imi lɛɛ Kristo ji ye wami, nɛ gbenɔ ɔ, ye se nami.

Somi He Ɔ

²¹ Ejakaa imi lɛɛ Kristo ji ye wami, nɛ gbenɔ ɔ ye se nami ʼi.

Filipibi 1:21 ပူးပေါင်းရင်းမြစ်များ

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Korintobi 3:22

Paulo jio, Apolo jio, Petro jio, je nɛ ɔ jio, wami jio, gbenɔ jio, amlɔ nɛ ɔ jio, hwɔɔ se jio, ní nɛ ɔmɛ tsuo ngɛ ha nyɛ.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

2 Korintobi 5:6

Enɛ ɔ he ɔ, wa nɔ gbagba teɔ. Ejakaa wa le kaa be abɔ nɛ wa ngɛ je nɛ ɔ mi nɔmlɔ tso ɔ mi kɛ mwɔɔ ɔ, waa kɛ Nyɔmtsɛ ɔ he kɛ.

2 Korintobi 5:8

Wa nɔ gbagba te, nɛ wa na nɛ wa je wa nɔmlɔ tso ɔ mi, nɛ wa ho nɛ waa kɛ Nyɔmtsɛ Yesu ya hi si.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Galatabi 6:14

Se imi lɛɛ i be fĩae ngɔ fɔ nɔ́ kpa ko nɔ́ kpa ko nɔ kaa ja wa Nyɔmtsɛ Yesu Kristo sɛumi tso ɔ pɛ. Gbenɔ nɛ Kristo gbo ngɛ sɛumi tso ɔ nɔ ɔ ngɛ kaa nɔ́ nɛ pe a sɛu je ɔ kɛ ha mi, nɛ a sɛu imi hu kɛ ha je ɔ.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Filipibi 1:22

Se ke e ba mi kaa ke i ngɛ wami mi nɛ ma nyɛ ma tsu ní pe kikɛ nɛ ɔ, lɛɛ i li e mi nɔ́ nɛ ma hla.

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.

Filipibi 2:21

Ni ɔmɛ kulaa a ti nɔ tsuaa nɔ ko ngɛ lɛ nɔ kake pɛ e nɔ mi foe. Yesu Kristo he sane ɔ pi a kɔmɔ.

Kolosebi 3:4

Kristo ji nyɛ wami. Nɛ ke e ba ekohu ɔ, nyɛɛ kɛ lɛ tsuo maa hi lejɛ ɔ; nɛ a maa wo nyɛɛ kɛ lɛ tsuo nyɛ hɛ mi nyami.

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”