Filipibi 1:17 - BAIBLO ALOO NGMAMI KLƆUKLƆU Ɔ

¹⁷ Ni kpa amɛ fiɛ we sɛ gbi ɔ anɔkuale mi. Ke a ngɛ fiɛe ɔ, a woɔ pɛ; a susuu kaa ke a pee ja kɛkɛ a ngɛ mi yi mi wae kɛ piɛ tsu nɛ a wo mi ɔ he.

Somi He Ɔ

¹⁷ se ni kpa komɛ ɔ, hluɛnu mi a jee kɛ fiɛɔ Kristo, nɛ pi fiɛmi nitsɛ ʼi, se mohu a juɛmi ji kaa a kɛ dengme maa piɛ ye tsu mi womi ɔ he.

Filipibi 1:17 ပူးပေါင်းရင်းမြစ်များ

Luka 21:14

Lɔ ɔ he ɔ, nyɛɛ le ngɔ to, konɛ nyɛ ko hao nyɛ he ngɛ nɔ́ nɛ nyɛɛ kɛ ma fa nyɛ he ɔ he.

Ni Tsumi 22:1

“Ye nyɛmimɛ Israel bi, i kpa nyɛ pɛɛ, nyɛɛ bu mi tue nɛ ma je ye nya!”

Ni Tsumi 26:1

Jehanɛ Agripa de Paulo ke, “A ngmɛ mo blɔ, mo je o nya!” Kɛkɛ nɛ Paulo fɔ e nine, nɛ e fa e he ke,

Ni Tsumi 26:24

Benɛ Paulo je e nya kikɛ nɛ ɔ, Festo de kɛ ngmlaa kɛ wo lɛ ke, “Paulo, o yi mi ngɛ puɛe pɛ! Womi kasemi sɔuu lɛ wo mo godo nɛ ɔ nɛ!”

Romabi 2:8

Se ni nɛmɛ nɛ mɛɛ lɛɛ mɛ nitsɛmɛ a nɔ mi pɛ a foɔ, nɛ a bui anɔkuale, nɛ nɔ́ yayami se pɛ a dii ɔ, Mawu kɛ mi mi la, kɛ mi mi fumi ma kple a nɔ.

Filipibi 1:18

Ja he ɔ mɛni? E haa mi bua jɔmi mohu kaa lakpa tomi nya jio, anɔkuale mi jio, bɔ tsuaa bɔ nɛ pee ɔ, Kristo nɛ a ngɛ fiɛe. Lɔ ɔ he ɔ, i na bua jɔmi. Ee, ye bua maa jɔ,

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.

2 Timoteo 4:16

Kekleekle nɛ i ya fa ye he ngɛ kojomi he ɔ, nɔ ko nɔ ko kɛ mi yɛ. Mɛ tsuo a si mi; Mawu kó gbla a tue ngɛ enɛ ɔ he.