Filipibi 1:16 - BAIBLO ALOO NGMAMI KLƆUKLƆU Ɔ

¹⁶ Kuu enyɔne ɔ kɛ suɔmi fiɛɔ, ejakaa a le kaa ní tsumi nɛ Mawu ngɔ ha mi ji kaa ma fa sane kpakpa a he.

Somi He Ɔ

¹⁶ Ni nɛ ɔmɛ jee suɔmi mi kɛ fiɛɔ, ejakaa a le kaa sane kpakpa a he fami he je nɛ i fɔɔ si ngɛ hiɛ ɔ nɛ;

Filipibi 1:16 ပူးပေါင်းရင်းမြစ်များ

Hiob 16:4

Níhi nɛ nyɛ ngɛ dee nɛ ɔ, imi hu i ko de ja nɔuu. I ko mimiɛ ye yi, nɛ ma ha nyɛ munyu nguahi.

Hiob 6:14

I kua Mawu jio, i kua we lɛ jio, ngɛ haomi kaa kikɛ nɛ ɔ mi ɔ, e hia mi huɛmɛ nɛ ma he mɛ ma ye.

La 69:26

Ejakaa nihi nɛ o gbla a tue ɔ, a waa mɛ yi mi; nihi nɛ o plaa mɛ ɔ, a pa amɛ a he ní a sɛɛɔ.

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

Filipibi 1:10

konɛ nyɛɛ le kpakpa mi tso. Kɛkɛ ɔ, mu ko mu ko, kɛ piami ko piami ko be nyɛ he sae kɛ yaa su ligbi ɔ nɛ Kristo maa ba.

Filipibi 1:12

Ye nyɛmimɛ, i suɔ kaa nyɛɛ le kaa sanehi nɛ ba ye nɔ ɔ mohu ha nɛ sane kpakpa a ya su nihi babauu.

Filipibi 1:5

ejakaa nyɛ sa sina kaa nyɛ piɛ ye he wawɛɛ ngɛ sane kpakpa a fiɛmi mi kɛ je sisije kɛ ba si amlɔ nɛ ɔ.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Filipibi 2:22

Nyɛ nitsɛmɛ nyɛ le Timoteo mɔde bɔmi! Nyɛ le kaa e tsu ní nɛ se bé; e kɛ mi tsu sane kpakpa a he ní kaa bi kɛ e tsɛ.

Filipibi 4:15

Nyɛ Filipi bi, nyɛ nitsɛmɛ nyɛ le kaa sisije ɔ, benɛ a bɔni sane kpakpa fiɛmi, nɛ i pue nɔ kɛ je Makedonia a, asafo ko asafo ko kɛ mi bɔɛ huɛ ngɛ nɔ́ hami kɛ hemi mi, ja nyɛ pɛ ji asafo nɛ ye bua mi.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.