Filipibi 1:15 - BAIBLO ALOO NGMAMI KLƆUKLƆU Ɔ

¹⁵ Niinɛ, sane kpakpa a nɛ a ngɛ fiɛe ɔ, a ti ni komɛ a hɛ kɔɔ ye nɔ, nɛ a jeɔ mi hunga, se ni komɛ hu kɛ juɛmi kpakpa fiɛɔ.

Somi He Ɔ

¹⁵ Ni komɛ lɛɛ ninye kɛ hluɛnu he a fiɛɔ Kristo ɔ nɛ; se ni komɛ hu kɛ juɛmi kpakpa fiɛɔ.

Filipibi 1:15 ပူးပေါင်းရင်းမြစ်များ

Mateo 23:5

Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 11:20

Se a ti ni komɛ nɛ je Kipro kɛ Kirene lɛɛ a pue nɔ kɛ ho Antiokia ya ya fiɛ sane kpakpa a nɛ kɔɔ Nyɔmtsɛ Yesu he ɔ kɛ tsɔɔ Hela bi hulɔ.

Ni Tsumi 5:42

Daa ligbi ɔ, a tsɔɔ ní, nɛ a fiɛɔ sane kpakpa a nɛ kɔɔ Yesu Kristo he ɔ ngɛ sɔlemi we ɔ, kɛ nihi a wehi a mi.

Ni Tsumi 8:35

Kɛkɛ nɛ Filipo wo e nya nɔ nɛ e bɔni munyu tumi. E je sisi kɛ ngmami ɔ nɛ sɔmɔlɔ nɔkɔtɔma a ngɛ kanee ɔ, nɛ e gba Yesu he sane kpakpa a.

Ni Tsumi 8:5

Filipo ya Samaria ma nguaa amɛ eko mi, nɛ e ya fiɛ Kristo he sane ɔ ngɔ tsɔɔ mɛ.

Ni Tsumi 9:20

E bɔni fiɛmi jamɛ a be ɔ nɔuu ngɛ kpe he ɔmɛ ke Yesu ji Mawu Bi ɔ nɛ.

Romabi 2:8

Se ni nɛmɛ nɛ mɛɛ lɛɛ mɛ nitsɛmɛ a nɔ mi pɛ a foɔ, nɛ a bui anɔkuale, nɛ nɔ́ yayami se pɛ a dii ɔ, Mawu kɛ mi mi la, kɛ mi mi fumi ma kple a nɔ.

1 Korintobi 1:23

Se wɔɔ lɛɛ Kristo nɛ a sɛu ɔ wa ngɛ fiɛe. Enɛ ɔ peeɔ blɔ tsimi nɔ ha Yuda bi, nɛ Hela bi hu buu lɛ kaa kuasiahi a sane.

1 Korintobi 13:3

Ke i ngɔ ye níhi tsuo ngɔ ke, nɛ i ngɔ ye nɔmlɔ tso tete ngɔ ha nɛ a sã mi, se i be suɔmi ɔ, i na we he se ko kulaa.

2 Korintobi 1:19

Ejakaa sɛ gbi nɛ kɔɔ Mawu Bi, Yesu Kristo ɔ he nɛ i kɛ Silvano kɛ Timoteo fiɛ ngɔ ha nyɛ ɔ tsakee we kɛ je “Ee” ba pee “Dɛbi” be kake too. Mohu ɔ, lɛ ji “Ee” Mawu ɔ nɛ.

2 Korintobi 11:13

Kikɛmɛ a nimli nɛ ɔmɛ ɔ, lakpa bɔfohi ji mɛ; tsa pi anɔkuale bɔfohi ji mɛ. A ní tsumi ji kaa a hi kpae, nɛ a hi nɔ sisie. A tsakeɔ a he, konɛ nihi nɛ na mɛ kaa Kristo nitsɛ e bɔfohi.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.