Filipibi 1:14 - BAIBLO ALOO NGMAMI KLƆUKLƆU Ɔ

¹⁴ Tsu nɛ a wo mi ɔ, ha nɛ nyɛmimɛ ɔmɛ a ti nihi babauu ba ngɔ a hɛ kɛ fɔ Nyɔmtsɛ ɔ nɔ wawɛɛ, nɛ a kɛ kã ngɛ Mawu sɛ gbi ɔ fiɛe nɛ a yi gbeye.

Somi He Ɔ

¹⁴ Nyɛmimɛ nɛ ngɛ Nyɔmtsɛ ɔ mi ɔ a ti nihi fuu gu ye tsu mi womi ɔ nɔ na kã babauu pe kekle ɔ kɛ ngɛ Mawu munyu ɔ jajee nɛ a yi gbeye.

Filipibi 1:14 ပူးပေါင်းရင်းမြစ်များ

Marko 3:3

Yesu de nɔ nɛ nine gbo ɔ ke, “Hɛɛ mo kɛ ba ye ngɔ!”

2 Korintobi 3:12

Akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa tuɔ munyu kɛ kã.

2 Korintobi 7:4

I fĩaa ngɔ fɔɔ nyɛ nɔ, ejakaa i ngɛ hemi kɛ yemi babauu ngɛ nyɛ mi. Ngɛ wa haomi ɔmɛ tsuo a mi ɔ, ye nine mi ji wu; ye bua jɔmi mohu lɛ hiɛ kɛ be nɔ.

Efesobi 3:13

Lɔ ɔ he ɔ, i kpa nyɛ pɛɛ, nyɛ ko ye nyɛ tsui kaa i ngɛ nɔ́ nae ngɛ nyɛ he. I ngɛ nɔ́ nae, konɛ nyɛɛ lɛɛ nyɛ hɛ mi nɛ ba nyami.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

Filipibi 4:1

Ye nyɛmimɛ, nyɛɛ hyɛ bɔ nɛ i suɔ nyɛ ha! Nyɛɛ hyɛ bɔ nɛ ye hɛ ngɛ jae ngɛ nyɛ he ha! Nyɛ lɛ nyɛ haa mi bua jɔmi; nyɛ ngɛ kaa jlasi ngɛ ye yi! Ye nyɛmimɛ nɛ i suɔ. Kaa nihi nɛ ngɛ Nyɔmtsɛ ɔ mi ɔ, kikɛ nɛ ɔ pɛ ji bɔ nɛ sa nɛ nyɛɛ ba nyɛ je mi.

Kolosebi 4:4

Lɔ ɔ he ɔ, nyɛɛ sɔle nɛ ma gba laami sane nɛ ɔ mi saminya bɔ nɛ sa kaa ma gba mi.

Kolosebi 4:7

Wa nyɛmi Tihiko nɛ wa suɔ lɛ saminya, nɛ e yeɔ anɔkuale ngɛ sɔmɔmi ní tsumi nɛ waa kɛ lɛ ngɛ tsue ha Nyɔmtsɛ ɔ mi ɔ ma ba bɔ nyɛ níhi tsuo nɛ kɔɔ ye he.

1 Tesalonikabi 2:2

Nyɛ le bɔ nɛ a wa wɔ yi mi, nɛ a jɛ wɔ kɛ pue wa hɛ mi si ngɛ Filipi loko wa ba nyɛ ngɔ ngɛ Tesalonika a. E ngɛ mi kaa níhi fuu ka wɔ blɔ tsimi, se wa Mawu ɔ wo wɔ kã kaa wa ba fiɛ e sane kpakpa a ngɔ tsɔɔ nyɛ.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.