Filipibi 1:1 - BAIBLO ALOO NGMAMI KLƆUKLƆU Ɔ

¹ Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

Somi He Ɔ

¹ Paulo kɛ Timoteo, Yesu Kristo sɔmɔli ɔmɛ, ngma ya ha ni klɔuklɔuhi nɛ ngɛ Yesu Kristo mi ngɛ Filipi kɛ a nɔ hyɛli kɛ a sɔmɔli ɔmɛ kulaa:

Filipibi 1:1 ပူးပေါင်းရင်းမြစ်များ

Marko 13:34

E ngɛ kaa nyumu ko nɛ benɛ e maa doma a, e si e we ngɔ ha e tsɔli. E ha a ti nɔ tsuaa nɔ ní tsumi pɔtɛɛ nɛ e ma tsu. E de bulɔ ɔ ke e hyɛ we ɔ nɔ saminya.

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Ni Tsumi 1:20

“Bɔ nɛ a ngma ngɛ La womi ɔ mi ji nɛ ɔ nɛ, ‘E we ɔ nɛ pee we doku, nɛ nɔ ko nɔ ko kó hi mi.’ A ngma hu ke, ‘E sɔmɔmi blɔ nya a, nɔ kpa nɛ he.’

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Ni Tsumi 9:13

Se Anania he nɔ ke, “Nyɔmtsɛ, nihi fuu tu kikɛmɛ a nyumu nɛ ɔ he munyu yaya. A tsɔɔ kaa Mawu bimɛ ɔmɛ nɛ ngɛ Yerusalem ɔ, e ha nɛ a na amanehlu babauu nitsɛnitsɛ.

Romabi 1:1

Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

1 Korintobi 16:10

Ke Timoteo ba nyɛ ngɔ ɔ, nyɛ he lɛ hɛmuɔ nɛ e ko ye gbeye, ejakaa lɛ hu Nyɔmtsɛ ɔ ní tsumi ɔ nɔuu nɛ e ngɛ tsue kaa imi.

2 Korintobi 1:1

Imi Paulo nɛ Mawu suɔmi nya a, i ba pee Kristo Yesu bɔfo ɔ, i kɛ wa nyɛmi Timoteo lɛ ngma womi nɛ ɔ ya ha Mawu asafo ɔ nɛ ngɛ Korinto, kɛ ni klɔuklɔu ɔmɛ tsuo nɛ ngɛ Akaya a.

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Efesobi 1:1

Imi Paulo, nɛ Mawu suɔmi nya nɛ i ba pee Kristo Yesu bɔfo ɔ, imi lɛ i ngma womi nɛ ɔ ya ha ni klɔuklɔu ɔmɛ nɛ ngɛ Efeso, nihi nɛ kɛ je be nɛ a ba le Kristo Yesu ɔ, a ngmɛɛ we a hemi kɛ yemi ɔ he kulaa a.

Efesobi 1:15

Enɛ ɔ he je ɔ, kɛ je benɛ i nu kaa nyɛ heɔ Nyɔmtsɛ Yesu Kristo yeɔ saminya, nɛ Mawu we bi ɔmɛ hu nyɛ suɔ mɛ ja nɔuu ɔ,

Efesobi 6:24

Nihi tsuo nɛ suɔ wa Nyɔmtsɛ Yesu Kristo kɛ suɔmi nɛ be nyagbe ɔ, Mawu dloomi ɔ kɛ mɛ nɛ hi si.

Filipibi 2:19

Ke Nyɔmtsɛ ɔ maa suɔ ɔ, e be kɛe kulaa nɛ ma tsɔ Timoteo kɛ ba nyɛ ngɔ. Kɛkɛ ɔ, ke i nu nyɛ he ɔ, ye nɔ gbagba maa te.

Filipibi 2:5

Kristo Yesu juɛmi ɔ nɛ pee nyɛ hu nyɛ juɛmi.

Filipibi 3:12

I de we ke ye nine su jlasi ɔ nɔ momo, loo i hi kɛ pi si. Se mohu, i ngɛ mɔde bɔe kaa ye nine maa su nɔ, ejakaa enɛ ɔ he nɛ Kristo Yesu ngɔ mi kɛ pee e nɔ́ ɔ nɛ.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

1 Tesalonikabi 1:1

Imi Paulo, Sila, kɛ Timoteo, wa ngɛ womi nɛ ɔ ngmae kɛ ya ha asafo mi bi nɛ ngɛ Tesalonika, nɛ ngɛ Tsɛ Mawu, kɛ Nyɔmtsɛ Yesu Kristo mi ɔ. Dloomi kɛ he jɔmi ha nyɛ!

1 Tesalonikabi 2:2

Nyɛ le bɔ nɛ a wa wɔ yi mi, nɛ a jɛ wɔ kɛ pue wa hɛ mi si ngɛ Filipi loko wa ba nyɛ ngɔ ngɛ Tesalonika a. E ngɛ mi kaa níhi fuu ka wɔ blɔ tsimi, se wa Mawu ɔ wo wɔ kã kaa wa ba fiɛ e sane kpakpa a ngɔ tsɔɔ nyɛ.

2 Tesalonikabi 1:1

Paulo, Sila, kɛ Timoteo ngma womi nɛ ɔ ya ha Tesalonika asafo ɔ, nɛ a kɛ wa Tsɛ Mawu, kɛ Nyɔmtsɛ Yesu Kristo pee kake ɔ.

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

1 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nitsɛnitsɛ ngɛ hemi kɛ yemi ɔ mi. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

Tito 1:1

Imi Paulo, Mawu tsɔlɔ, kɛ Yesu Kristo bɔfo ɔ lɛ i ngma womi nɛ ɔ. Mawu hla mi, nɛ e tsɔ mi, konɛ ma ya wo nihi nɛ Mawu hla mɛ ɔ a hemi kɛ yemi mi he wami, nɛ ma tsɔɔ mɛ anɔkuale ɔ nɛ ngɛ Mawu jami mi.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Filemon 1:1

Imi Paulo nɛ a wo mi tsu ngɛ Kristo Yesu he ɔ, kɛ wa nyɛmi Timoteo ngma womi nɛ ɔ kɛ ya ha Filemon, wa suɔlɔ, kɛ wa huɛ nɛ waa kɛ lɛ tsuɔ ní ɔ,

Hebribi 13:23

I ngɛ hae nɛ nyɛɛ le kaa wa nyɛmi Timoteo nɛ a wo lɛ tsu ɔ, jehanɛ lɛɛ a ngmɛɛ e he. Ke e ba su ye ngɔ mla a, i kɛ lɛ tsuo maa ba nyɛ ngɔ.

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

Yuda 1:1

Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 2:12

“Bɔfo ɔ nɛ ngɛ asafo ɔ nya ngɛ Pergamo ɔ, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ngɛ klaate nya enyɔtsɛ nɛ nya ba a ngɔ ji nɛ ɔ nɛ.

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.

Kpojemi 22:9

Se e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ, gbali ɔmɛ, kɛ nihi tsuo nɛ pɛtɛɔ munyuhi nɛ ngɛ womi nɛ ɔ mi ɔ he ɔ. Já Mawu mohu!”