Filemon 1:9 - BAIBLO ALOO NGMAMI KLƆUKLƆU Ɔ

⁹ Se akɛnɛ i suɔ mo he je ɔ, ma ngɔ hiami nɔ́ nɛ ɔ kɛ fɔ o hɛ mi mohu. Hyɛ, imi Paulo, Yesu Kristo tsɔlɔ kpanaa nɛ amlɔ nɛ ɔ hu a bɔ mi pã ngɛ lɛ nɔuu e he ɔ, imi nɛ i ngɛ mo nɔ́ nɛ ɔ bae ɔ nɛ.

Somi He Ɔ

⁹ kɛ̃ ɔ, suɔmi he ɔ, pɛɛ mohu i ngɛ mo kpae. Hyɛ imi nɔmoyo Paulo bɔ nɛ i ngɛ nɛ ɔ, nɛ jehanɛ hu i ji Yesu Kristo pa mi no nɛ ɔ;

Filemon 1:9 ပူးပေါင်းရင်းမြစ်များ

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

La 71:9

Ko sake mi kɛ fɔ he ngɛ ye bwɔmi mi, be nɛ ye he wami ta nɛ ɔ.

Abɛ Womi 16:31

Yi mi mua ngɛ kaa jlasi nɛ woɔ nɔ hɛ mi nyami; nihi nɛ peeɔ nɔ́ nɛ da lɛ a naa lɔ ɔ.

Yesaya 46:4

Imi nɔuu ji nyɛ Mawu nɛ maa hyɛ nyɛ nɔ kɛ ya su be nɛ nyɛ maa wa nɛ nyɛ maa puɛ mua. Imi lɛ i bɔ nyɛ; ma baa nyɛ yi; ma piɛ nyɛ he, nɛ ma he nyɛ yi wami.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

Efesobi 3:1

Mawu pee Yuda bi, kɛ nyɛ ma je li tsuo kake. Enɛ ɔ he ɔ, a wo imi Paulo tsu ngɛ Kristo Yesu, kɛ nyɛ hu nyɛ he.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Efesobi 6:20

Sane kpakpa nɛ ɔ he nɛ, i ba pee Yesu Kristo bɔfo, pohu amlɔ nɛ ɔ, a wo mi kɔsɔkɔsɔ. Nyɛ kpa pɛɛ konɛ ma fiɛ kɛ kã kaa bɔ nɛ sa nɛ ma tu munyu ɔ.

1 Timoteo 1:12

I naa wa Nyɔmtsɛ Kristo Yesu si kaa e ha mi he wami nɛ ma kɛ tsu ní. I naa lɛ si kaa e sa e hɛ mi kaa e hla mi nɛ ma ba sɔmɔ lɛ.

Tito 2:2

Nyumu nikɔtɔma amɛ ɔ, o kɛ mɛ nɛ tu munyu, konɛ a pee a he nihi nɛ a hɛ mi ka si, nihi nɛ tsuɔ ní kɛ hɛdɔ, nɛ a juɛmi ka si. A hemi kɛ yemi, suɔmi nɛ a ngɛ, kɛ a tsui si tomi ɔ, á hɛɛ mi wawɛɛ.

Hebribi 13:19

I ngɛ nyɛ pɛɛ kpae nɛ nyɛɛ sɔle, konɛ a ha nɛ ma ba nyɛ ngɔ be kpiti mi.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

Manyadali 21:22

Ke a tsɛmɛ, loo a nyɛminyumuhi ba nɛ a ba bi wɔ sane ko ɔ, wa ma de mɛ ke, ‘Nyɛɛ na wɔ mɔbɔ, nɛ nyɛɛ ngmɛɛ a he ha wɔ kɛkɛ; ejakaa wa na we yihi kɛ ha a ti nɔ tsuaa nɔ benɛ wa kpata Yabesh Gilead hɛ mi ngɛ ta a mi ɔ. Jehanɛ se hu, akɛnɛ pi nyɛ nitsɛmɛ nɛ nyɛ ngɔ zangmawi ɔmɛ ngɔ ha mɛ he je ɔ, nyɛ yi fɔ.’ ”