Filemon 1:7 - BAIBLO ALOO NGMAMI KLƆUKLƆU Ɔ

⁷ Ye nyɛmi, o suɔmi ɔ wo mi he wami, nɛ e ha mi bua jɔmi babauu. O ha nɛ Mawu bimɛ ɔmɛ a tsui nɔ a mi.

Somi He Ɔ

⁷ Ejakaa i na bua jɔmi babauu kɛ tsui ngɛ o suɔmi ɔ he, mami, akɛnɛ o ha ni klɔuklɔu ɔmɛ a tsui nɔ a mi ɔ.

Filemon 1:7 ပူးပေါင်းရင်းမြစ်များ

1 Korintobi 16:18

A ba wo mi bua kaa bɔ nɛ a wo nyɛ hu bua a. E hia kaa nyɛɛ le nihi kaa kikɛ nɛ ɔ saminya.

2 Korintobi 7:13

Enɛ ɔ lɛ ha nɛ wa nɔ gbagba te ɔ nɛ. Wa nɔ gbagba te niinɛ. Se bua jɔmi nɛ Tito na a ha nɛ wɔ nitsɛmɛ hu wa bua jɔ kɛ be nɔ. Ejakaa e bɔ wɔ bɔ nɛ nyɛ ha nɛ e tsui nɔ e mi ha.

2 Korintobi 7:4

I fĩaa ngɔ fɔɔ nyɛ nɔ, ejakaa i ngɛ hemi kɛ yemi babauu ngɛ nyɛ mi. Ngɛ wa haomi ɔmɛ tsuo a mi ɔ, ye nine mi ji wu; ye bua jɔmi mohu lɛ hiɛ kɛ be nɔ.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

1 Tesalonikabi 2:19

Ejakaa ke wa Nyɔmtsɛ Yesu ba, nɛ wa ba pue ngɛ e hɛ mi ɔ, mɛni nɔ wa maa fĩa kɛ fɔ? Mɛni ma ha wɔ bua jɔmi? Nɛ mɛni jlasi waa kɛ maa fĩa kaa wa ye kunimi? Anɛ pi nyɛ lo?

1 Tesalonikabi 3:9

Nyɛ he ɔ, Mawu haa wɔ bua jɔmi babauu nɛ wa be nyɛe maa na lɛ si saasaa.

2 Timoteo 1:16

Nyɔmtsɛ ɔ nɛ na Onesiforo kɛ e we ɔ mɔbɔ; ejakaa ke e ngɛ mi hluu ɔ, e ba woɔ mi bua. Tsu nɛ a wo mi ɔ pee we lɛ zo.

Filemon 1:20

Lɔ ɔ he ɔ, ye nyɛmi, Nyɔmtsɛ ɔ he ɔ, i kpa mo pɛɛ, pee enɛ ɔ ha mi. Ha ma tsɛ ye tsui ngɔ wo ye tsui mi, ejakaa ye nyɛmi nɛ le Kristo ji mo.

2 Yohane 1:4

I na bua jɔmi babauu, benɛ i nu kaa o bimɛ ɔmɛ ekomɛ baa a je mi ngɛ anɔkuale ɔ nya kaa bɔ nɛ Tsɛ ɔ fa wɔ ke waa pee ɔ.