Filemon 1:23 - BAIBLO ALOO NGMAMI KLƆUKLƆU Ɔ

²³ Epafra, nɛ lɛ hu Kristo Yesu he ɔ, a wo i kɛ lɛ tsu ɔ ke e biɔ mo.

Somi He Ɔ

²³ Epafra, nɛ ji ye huɛ pa mi no ngɛ Kristo Yesu mi ɔ ke e biɔ mo,

Filemon 1:23 ပူးပေါင်းရင်းမြစ်များ

Romabi 16:7

I biɔ Androniko kɛ Yunia, ye nyɛmimɛ Yuda bi nɛ a wo i kɛ mɛ tsuo tsu ɔ. A he biɛ saminya ngɛ bɔfo ɔmɛ a kpɛti; nɛ a sɛ ye hlami ngɛ Kristo mi.

Kolosebi 1:7

Nyɛ kase Mawu dloomi sane nɛ ɔ kɛ je wa suɔlɔ Epafra nɛ waa kɛ lɛ ngɛ ní tsumi kake tsue ɔ nya. Lɛ hu Kristo sɔmɔlɔ anɔkualetsɛ ji lɛ; nɛ e ngɛ ní tsue ha wɔ.

Kolosebi 4:10

Aristarko nɛ a wo i kɛ lɛ tsuo tsu ɔ ke e biɔ nyɛ. Barnaba nyɛmi Marko hu ke e biɔ nyɛ. Nyɛ nine su womi nɔ momo kaa ke Marko ba nyɛ ngɔ ɔ, nyɛ he lɛ atuu.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

Filemon 1:1

Imi Paulo nɛ a wo mi tsu ngɛ Kristo Yesu he ɔ, kɛ wa nyɛmi Timoteo ngma womi nɛ ɔ kɛ ya ha Filemon, wa suɔlɔ, kɛ wa huɛ nɛ waa kɛ lɛ tsuɔ ní ɔ,

Filemon 1:9

Se akɛnɛ i suɔ mo he je ɔ, ma ngɔ hiami nɔ́ nɛ ɔ kɛ fɔ o hɛ mi mohu. Hyɛ, imi Paulo, Yesu Kristo tsɔlɔ kpanaa nɛ amlɔ nɛ ɔ hu a bɔ mi pã ngɛ lɛ nɔuu e he ɔ, imi nɛ i ngɛ mo nɔ́ nɛ ɔ bae ɔ nɛ.