Filemon 1:17 - BAIBLO ALOO NGMAMI KLƆUKLƆU Ɔ

¹⁷ Enɛ ɔ he ɔ, ke o buu mi o huɛ tutuutu nɛ o kɛ lɛ tsuɔ ní ɔ, he Onesimo atuu kaa bɔ nɛ o ma he mi.

Somi He Ɔ

¹⁷ Lɔ ɔ he ɔ jehanɛ ke o buu mi kaa o nyɛmi ɔ, he lɛ kaa o ma he imi nitsɛ.

Filemon 1:17 ပူးပေါင်းရင်းမြစ်များ

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Mateo 18:5

Nɛ nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ.

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Ni Tsumi 16:15

E ha nɛ a sɔle lɛ kɛ e we ɔ tsuo. Lɔ ɔ se ɔ, e de wɔ ke, “I kpa nyɛ pɛɛ, ke nyɛ na mi kaa nɔ nɛ heɔ Nyɔmtsɛ ɔ yeɔ anɔkuale mi ɔ, lɛɛ nyɛ ba hi ye ngɔ.” E hɛɛ munyu nɛ ɔ mi hluu kɛ ya si wa kplɛɛ nɛ wa ya to lɛ.

2 Korintobi 8:23

Tito ɔ, ye he piɛlɔ ji lɛ, nɛ i kɛ lɛ tsuo nɛ ngɛ ní tsue konɛ e hi ha nyɛ. Nyɛmimɛ enyɔ kpa amɛ nɛ piɛ e he ɔ lɛɛ asafo ɔmɛ a tsɔli ji mɛ, nɛ a ní tsumi woɔ Kristo hɛ mi nyami.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Filipibi 1:7

I suɔ nyɛ saminya, nɛ e sa kaa ma susu nyɛ he wawɛɛ kikɛ nɛ ɔ. Ejakaa Mawu dloomi ɔ nɛ i kɛ ngɛ sane kpakpa a fiɛe kɛ hɛdɔ, kɛ je sisije nɛ i ngɛ ye nane nɔ kɛ bee, kɛ ba si amlɔ nɛ ɔ nɛ a wo mi tsu ɔ, i kɛ nyɛ tsuo nɛ wa ná kikɛmɛ a dloomi ɔ, nɛ wa ngɛ he ní tsue.

1 Timoteo 6:2

Nyɔguɛhi nɛ le Kristo, nɛ a nyɔmtsɛmɛ ɔmɛ hu le Kristo ɔ, a ko susu kaa akɛnɛ mɛ tsuo Kristo we bi ji mɛ he je ɔ, e hia we kaa a buɔ a nyɔmtsɛmɛ ɔmɛ tue. Mɛ mohu nɛ e sa kaa a bu a nyɔmtsɛmɛ ɔmɛ, nɛ a sɔmɔ mɛ saminya; ejakaa a nyɔmtsɛmɛ ɔmɛ nɛ naa a he se ɔ, mɛ hu wa nyɛmimɛ Kristo we bi ji mɛ. Tsɔɔ mɛ ní nɛ ɔmɛ, nɛ a tsu he ní bɔ nɛ sa.

Filemon 1:10

I ngɛ mo pɛɛ kpae ngɛ Onesimo nɛ peeɔ ye bi ngɛ Kristo mi ɔ he. Tsu nɛ a wo mi ɔ ha i ba pee e tsɛ.

Filemon 1:12

I ha nɛ e kpale kɛ ma o ngɔ; pohu e he hia mi kaa imi nitsɛ ye hɛngmɛ.

Filemon 1:18

Ke ji e ye mo sane yaya ko, aloo e hɛɛ mo hiɔ ko ɔ, buu jamɛ a akɔtaa tsuo ha mi.

Hebribi 3:1

Ye nyɛmimɛ, nyɛ nihi nɛ nyɛ he tsɔ, nɛ Mawu tsɛ waa kɛ nyɛ tsuo, nyɛɛ hyɛ Yesu, hemi kɛ yemi nɛ wa jajeɔ ɔ he bɔfo, kɛ osɔfo nɔkɔtɔma pe kulaa a.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

1 Petro 5:1

I ngɛ munyu tue kɛ ngɛ asafo mi nikɔtɔmahi nɛ ngɛ nyɛ kpɛti ɔ tsɔɔe kɛ je ye tsui mi tɔɔ kaa nyɛ nyɛmi asafo mi nɔkɔtɔma. Amanehlu nɛ Kristo na a, i yeɔ he odase, nɛ Kristo hɛ mi nyami nɛ Mawu ma je tsɔɔ nihi ɔ, imi hu ma na. I ngɛ pɛɛ kpae kaa

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.