Filemon 1:14 - BAIBLO ALOO NGMAMI KLƆUKLƆU Ɔ

¹⁴ Se i sume kaa ma je o se kɛ pee nɔ́ ko, bɔ nɛ pee nɛ nɔ́ kpakpa nɛ o ko je o tsui mi faa pee ɔ, e ko ba pee kaa nɔ́ nɛ pe a nyɛ o nɔ.

Somi He Ɔ

¹⁴ Se i sume kaa ma je o se kɛ pee nɔ́ ko, benɛ pee nɛ nɔ́ kpakpa nɛ o maa pee ɔ e ko ba pee nɔ nyɛmi nya ni, se mohu tsui mi jɔmi nya ni.

Filemon 1:14 ပူးပေါင်းရင်းမြစ်များ

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

1 Korintobi 9:7

Ta bulɔ te nɔ nɛ tsuɔ ní nɛ lɛ nitsɛ e woɔ e he hiɔ nɛɛ? Mɛnɔ lɛ peeɔ wai ngmɔ, nɛ e yi e mi yiblii ɔ eko? Mɛnɔ nɛ lɛɛ to, nɛ e nui to nyɔ nyu ɔ eko?

2 Korintobi 1:24

Wa sume kaa wa maa nyɛ nyɛ nɔ nɛ waa tsɔɔ nɔ́ nɛ sa nɛ nyɛ he ye; wa le kaa nyɛ hɛɛ hemi kɛ yemi ɔ mi wawɛɛ. Mohu ɔ, waa kɛ nyɛ ngɛ ní tsue, konɛ nyɛ na bua jɔmi.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 9:5

Lɔ ɔ he ɔ, i susu kaa e hia kaa ma kpa nyɛmimɛ ɔmɛ pɛɛ nɛ a sɛ ye hlami kɛ ba nyɛ ngɔ. A ma ba dla nike ní nɛ nyɛ wo si momo ɔ ngɔ to loko ma ba. Enɛ ɔ maa tsɔɔ kaa nɔ́ nɛ nyɛ bua nya a je nyɛ tsui mi, se pi kaa a nyɛ nyɛ nɔ loko nyɛ tsu.

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.