Ezra 9:7 - BAIBLO ALOO NGMAMI KLƆUKLƆU Ɔ

⁷ Kɛ je wa nɛmɛ a yi nɔ kɛ ba su mwɔnɛ ɔ, wɔ o ma a, wa pee yayami gbegbeegbe. Wa yayami ɔmɛ a he ɔ, ma je li ɔmɛ a matsɛmɛ ɔmɛ ba nuu wɔ, wa matsɛmɛ ɔmɛ, kɛ wa osɔfo ɔmɛ tsuo. A gbe wɔ, a kpɔ wa níhi ngɛ wa dɛ, nɛ a nuu wɔ kɛ ho ma se ya ngɛ pã mi kaa nyɔguɛhi. A ha wa hɛ mi pue si kulaa; nɛ wa ngɛ zo ɔ mi kɛ mwɔɔ.

Ezra 9:7 ပူးပေါင်းရင်းမြစ်များ

Kronika II, 29:6

Wa nɛmɛ ɔmɛ yi Yawɛ, wa Mawu ɔ anɔkuale; a pee yayami kɛ si lɛ. A kua Yawɛ, nɛ e we ɔ hu a yɛ lejɛ ɔ nɛ a ya ja lɛ.

Kɔmɔ Yemi 5:7

Wa nɛmɛ ɔmɛ pee yayami, se amlɔ nɛ ɔ, a be je mi, nɛ wa ba ngɛ nɔ́ nae ngɛ a yayami ɔmɛ a he.

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 25:18

Yerusalem bi, nihi nɛ ngɛ Yuda ma amɛ tsuo a mi, matsɛmɛ ɔmɛ, kɛ ma nimeli ɔmɛ tsuo pɛpɛɛpɛ nu. Nɛ kɛ je jamɛ a ligbi ɔ kɛ ba si mwɔnɛ ligbi nɛ ɔ, a hɛ mi kpata pɛsɛpɛsɛ; a plɛ pee he fɛu yemi nɔ́, kɛ gbiɛmi.

Nehemia 9:30

O to o tsui si, nɛ o bɔ mɛ kɔkɔ jeha babauu. O ngɔ o mumi ɔ ngɔ wo o gbali ɔmɛ a mi, konɛ a tu munyu ngɔ tsɔɔ mɛ; se o ma a wa tue. Lɔ ɔ he ɔ, o ngmɛɛ a he ha ma kpahi nɛ a ye a nɔ.

Kronika II, 30:7

Nyɛ ko pee kaa nyɛ nɛmɛ ɔmɛ, kɛ nyɛ nyɛmimɛ ɔmɛ nɛ a pee yayami kɛ si Yawɛ, a Mawu ɔ. Kaa bɔ nɛ nyɛ na a, Mawu gbla a tue wawɛɛ nitsɛ.

Samuel I, 12:15

Se ke nyɛ bui Yawɛ tue, nɛ nyɛ tsɔ atuã kɛ si e mlaa amɛ ɔ, nyɛɛ, kɛ nyɛ matsɛ ɔ tsuoyawɛ kɛ nyɛ maa ye saminya.

Mose IV, 32:14

Nɛ hyɛ, yayami peeli a nina, nyɛ hu nyɛ ba wo nyɛ nɛmɛ ɔmɛ a nane, nɛ nyɛ ngɛ pee, konɛ Yawɛ mi mi fumi nɛ nya wa a nɛ pa ba Israel nɔ ekohu!

Matsɛmɛ I, 8:47

moo bu o ma mi bi ɔmɛ a kue fami ɔ tue. Ke benɛ a ngɛ jamɛ a zugba a nɔ ɔ, a pia a he, nɛ a tsake a tsui, nɛ a jaje a he yayami ngɔ ha mo ɔ, moo bu a kue fami ɔ tue.

Ezra 9:13

Níhi nɛ ba wa nɔ ɔ ji yayami nɛ wa pee, kɛ tɔmihi nɛ wa tɔ̃ ɔ a he tue gblami. Se kɛ̃ ɔ, wa na kaa o na wɔ mɔbɔ; o gbla we wa tue bɔ nɛ sa wɔ, nɛ o ha wa ti ni komɛ ngɛ je mi kɛ mwɔɔ.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.

Yeremia 32:32

ejakaa Yuda ma a, kɛ Yerusalem bi ɔmɛ, a matsɛmɛ ɔmɛ, ma nimeli ɔmɛ, osɔfo ɔmɛ, kɛ gbali ɔmɛ pee yayamihi babauu nɛ a kɛ wo ye mi mi la.

Kronika II, 34:24

sɛ gbi nɛ je Yawɛ ngɔ nɛ ɔ ya ha lɛ ke, “I kɛ gbiɛmi munyuhi nɛ a ngma ngɛ womi ɔ nɛ a kane ha lɛ matsɛ ɔ maa gbla Yerusalem, kɛ Yerusalem ma mi bi ɔmɛ tsuo a tue.

Yesaya 64:4

Kɛ je blema lokoo ɔ, nɔ ko nui hyɛ, nɛ nɔ ko hu nɛ kaa o se ɔ, mawu kpa ko ngɛ nɛ peeɔ nɔ́ haa nihi nɛ ngɔɔ a hɛ ngɔ fɔɔ e nɔ ɔ!

Yeremia 44:9

Ní yayamihi tsuo nɛ a pee ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ, anɛ nyɛ hɛ je nɔ lo? Níhi nɛ nyɛ nɛmɛ ɔmɛ pee, níhi nɛ Yuda matsɛmɛ ɔmɛ kɛ a yi ɔmɛ pee, kɛ níhi nɛ nyɛ nitsɛmɛ kɛ nyɛ yi ɔmɛ pee ɔ, anɛ nyɛ hɛ je nɔ lo?

Ezekiel 11:9

Ma je nyɛ kɛ je ma a mi; nɛ ma ngɔ nyɛ kɛ wo nibwɔhi a dɛ mi. A kɛ klaate ma kpata nyɛ hɛ mi ngɛ nyɛ nitsɛmɛ nyɛ zugba nɔ,

Ezekiel 39:23

Je ma amɛ hu maa le kaa imi lɛ i ha Israel bi ɔmɛ ya hi ma se kaa nyɔguɛhi, ejakaa a pee yayami kɛ si mi. I kua mɛ, i ha a he nyɛli ba ye a nɔ ngɛ ta mi, nɛ a gbe mɛ.