Ezra 9:2 - BAIBLO ALOO NGMAMI KLƆUKLƆU Ɔ

² Yuda nyumuhi kɛ a binyumuhi tsuo ya ngɔ zugba a nɔ yihi; nɛ Mawu ma klɔuklɔu ɔ kɛ nɔ́ nɛ ɔ ble a he. Ma tsɔli kɛ ma ní tsuli titli ji nihi nɛ yeɔ fɔ ngɛ kikɛmɛ a nɔ́ nɛ ɔ mi.”

Ezra 9:2 ပူးပေါင်းရင်းမြစ်များ

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Matsɛmɛ I, 11:1

Matsɛ Salomo su ma se yihi babauu. Ngɛ Egipt matsɛ ɔ biyo ɔ se ɔ, e ngɔ Hit yihi, Moab yihi, Amon yihi, Edom yihi, kɛ Sidon yihi.

Ezra 10:2

Kɛkɛ nɛ Elam we puɔ nya no ko nɛ a tsɛɛ lɛ Yehiel ɔ bi Shekania de Ezra ke, “Niinɛ, wa ya ngɔ ma se yihi, nɛ wa yi wa Mawu ɔ anɔkuale, se kɛ̃, hɛ nɔ kami ngɛ ha Israel.

Ezra 9:12

Lɔ ɔ he ɔ, wa kó ha wa biyi ɔmɛ ya gba ma je li ɔmɛ a binyumu ɔmɛ, nɛ wa kó ngɔ a biyi ɔmɛ kɛ ha wa binyumu ɔmɛ. Wa ko ha mɛ tue mi jɔmi, nɛ wa ko ngmɛ mɛ blɔ nɛ a plɔke kɔkɔɔkɔ. Kɛkɛ wa ma na he wami; wa maa ye zugba a nɔ niba ní, nɛ wa ma si ha wa nina kɛ maa ya neneene.

Ezra 9:14

Anɛ wa ma gbo tue ekohu nɛ waa kɛ nihi nɛ peeɔ musu bɔmi ní nɛ ɔmɛ nɛ sɛ gba si himi mi lo? Anɛ o mi mi be la woe wawɛɛ kɛ yaa si o ma kpata wɔ tsuo wa hɛ mi pɛsɛpɛsɛ nɛ nɔ kake po be piɛe lo?

Nehemia 13:17

I ka Yuda ma nimeli ɔmɛ a hɛ mi, nɛ i de mɛ ke, “Nɔ́ yayami nyɛ ngɛ pee nɛ ɔ nɛ! Nyɛ ngɛ Hejɔɔmi ligbi ɔ blee.

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Mose II, 19:6

Se nyɛɛ lɛɛ nyɛ maa pee ye ma klɔuklɔu, nɛ nyɛ ma sɔmɔ mi kaa osɔfohi. Sɛ gbi nɛ ɔ, mo de Israel bi ɔmɛ.”

Mose II, 22:31

“Ye ni klɔuklɔuhi ji nyɛ; lɔ ɔ he ɔ, lohwe ko nɛ nga mi lohwehi tsɔtslɔɔ mi ɔ, nyɛ ko ye; nyɛ sake ngɔ fɔ he ha gbehi.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Mose III, 21:15

Ke pi ja a, e bimɛ nɛ sa kaa a peeɔ klɔuklɔu ɔ, a he be tsɔe. Imi ji Yawɛ; imi nɛ i hla lɛ ngɔ to kaa osɔfo nɔkɔtɔma a nɛ.”

Malaki 2:11

Si nɛ Yuda bi ɔmɛ wo Mawu ɔ, a yi nɔ; mohu ɔ, a tsu musu ní ngɛ Yerusalem, kɛ zugba a tsuo nɔ. A ble Yawɛ we ɔ nɛ e suɔ saminya a. Nyumu ɔmɛ ngɔ yihi nɛ jaa ma se mawuhi.

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

1 Korintobi 7:14

Ejakaa nyumu nɛ li Kristo ɔ, e yo ɔ he ɔ, a tsukɔ e he ngɔ ha Mawu. Yo nɛ li Kristo ɔ, lɛ hu e huno ɔ he ɔ, a tsukɔ e he ngɔ ha Mawu. Ke pi jã a, jinɛ a bimɛ ɔmɛ a he tsɔ we. Se amlɔ nɛ ɔ, a ba pee bimɛ nɛ a tsukɔ a he ha Mawu.

2 Korintobi 6:14

Nyɛɛ kɛ ni nɛmɛ nɛ he we yi ɔ kó bɔ. Dami sane yemi kɛ mlaa tɔmi ɔ, mɛni kake peemi ngɛ a kpɛti? Aloo mɛni bɔmi lɛ ngɛ la kɛ diblii a kpɛti?

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Mose V, 7:6

Nyɛɛ pee ja, ejakaa Yawɛ, nyɛ Mawu ɔ hla nyɛ kɛ je nihi tsuo nɛ ngɛ je ɔ mi ɔ a kpɛti, bɔ nɛ pee nɛ nyɛɛ pee lɛ nitsɛ e ma pɔtɛɛ.

Yoshua 22:15

A ba Gilead nɛ a ba na Ruben wɛtso ɔ, Gad wɛtso ɔ, kɛ Manase wɛtso fa a.

Yoshua 23:12

Ke nyɛ kpale ngɛ e se, nɛ nyɛɛ kɛ je ma amɛ nɛ piɛ ngɛ nyɛ kpɛti ɔ ya bɔ, nɛ nyɛ ha nyɛ yi ɔmɛ gba mɛ, nɛ nyɛ hu nyɛ ngɔ a yi ɔmɛ ɔ,