Ezra 9:15 - BAIBLO ALOO NGMAMI KLƆUKLƆU Ɔ

¹⁵ Yawɛ, Israel Mawu, moo lɛɛ dalɔ ji mo, se kɛ̃, o ha wa yi na wami kɛ ba si mwɔnɛ ɔ. Wa ngɛ jajee ngɛ o hɛ mi kaa wa yeɔ fɔ, nɛ e sɛ́ kulaa kaa waa ba o hɛ mi.”

Ezra 9:15 ပူးပေါင်းရင်းမြစ်များ

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.

Yohane 8:24

Enɛ ɔ he nɛ i de nyɛ ke nyɛ ma gbo kɛ nyɛ he yayami ɔ nɛ. Niinɛ, nyɛ ma gbo kɛ nyɛ he yayami ɔmɛ ke nyɛ he we yi kaa imi ji nɔ nɛ i ji ɔ.”

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Yohane 8:21

Yesu kpale de ni ɔmɛ ke, “Imi lɛɛ i yaa! Nyɛ ma hla mi, se nyɛ ma gbo kɛ nyɛ he yayami. He nɛ i yaa a, nyɛ be nyɛe maa ba.”

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

Daniel 9:14

Mo Yawɛ, wa Mawu, o to o yi mi kaa o maa gbla wa tue, nɛ ja ji bɔ nɛ o pee nɛ ɔ nɛ; ejakaa moo lɛɛ nɔ́ nɛ da lɛ o peeɔ. Se wa bui mo tue.

Ezekiel 33:10

Yawɛ kɛ mi tu munyu. E ke, “Nɔmlɔ adesa, bɔ nɛ Israel ma a ngɛ dee ji, ‘Wa tɔmi ɔmɛ, kɛ wa he yayami ɔmɛ pee tlomi ngɛ wa nɔ, nɛ e ha wa ngɛ he lo tae. Kɛ wa maa pee kɛ hi je mi kɛɛ?’

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

1 Korintobi 15:17

Ke Mawu tle we Kristo si ɔ, lɛɛ nyɛ hemi kɛ yemi ɔ pee yaka, nɛ nyɛ ngɛ yayami he wami ɔ sisi kɛ mwɔɔ.

Ezra 9:6

I fa kue ke, “Ye Mawu lee, ye hɛ mi pue si; e ngɛ mi zo pee kaa ma wo ye yi nɔ nɛ ma hyɛ mo. Wa he yayami pee kaa tlomi nɛ a to glegleegle kɛ be wa yi he kɛ ya su hiɔwe lokoo.

La 76:7

Niinɛ, o he ngɛ gbeye! Ke o mi mi fu ɔ, mɛnɔ ma nyɛ o hɛ mi maa da?

La 116:5

Dloolɔ, kɛ dalɔ ji Yawɛ; ee, wa Mawu ɔ, mɔbɔ nalɔ ji lɛ.

La 119:137

Yawɛ, dalɔ ji mo, nɛ o mlaa amɛ hu da pɛpɛɛpɛ!

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

Mose III, 26:40

“Se nyɛ nina maa jaje a he yayami ɔmɛ, kɛ a nɛmɛ a he yayami kaa a pee yi wu tso níhi kɛ si mi, nɛ jehanɛ a ya nɔ tsɔ ye hɛ mi atuã;

Mose III, 26:41

nɛ lɔ ɔ he nɛ imi hu i je a se, nɛ i ngmɛɛ a he kɛ ha a he nyɛli, nɛ a kɛ mɛ ho ma se ya a nɛ. Se ke jehanɛ lɛɛ nyɛ nina tsake a tsui, nɛ a ba a he si, nɛ a kpa yayami peemi ɔ,

Yoshua 22:15

A ba Gilead nɛ a ba na Ruben wɛtso ɔ, Gad wɛtso ɔ, kɛ Manase wɛtso fa a.

Ezra 1:4

Mawu ma mi bi ɔmɛ nɛ a nuu kɛ ho ma se ya a, he tsuaa he nɛ a ngɛ ɔ, nihi nɛ kɛ mɛ ngɛ lejɛ ɔ nɛ a ha mɛ yemi kɛ buami nɛ a ngɛ hlae. A ha mɛ sika hiɔ, sika tsu, tlomi, lohwe, kɛ jehanɛ níhi nɛ a je tsui mi faa ba ke kɛ ha Mawu we ɔ ngɛ Yerusalem.”

Nehemia 9:8

O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.