Ezra 9:12 - BAIBLO ALOO NGMAMI KLƆUKLƆU Ɔ

¹² Lɔ ɔ he ɔ, wa kó ha wa biyi ɔmɛ ya gba ma je li ɔmɛ a binyumu ɔmɛ, nɛ wa kó ngɔ a biyi ɔmɛ kɛ ha wa binyumu ɔmɛ. Wa ko ha mɛ tue mi jɔmi, nɛ wa ko ngmɛ mɛ blɔ nɛ a plɔke kɔkɔɔkɔ. Kɛkɛ wa ma na he wami; wa maa ye zugba a nɔ niba ní, nɛ wa ma si ha wa nina kɛ maa ya neneene.

Ezra 9:12 ပူးပေါင်းရင်းမြစ်များ

Mose V, 7:3

Nyɛ ko ngɔ nyɛ biyi ɔmɛ ngɔ ha a binyumu ɔmɛ gba; nɛ nyɛ ko ha nyɛ binyumu ɔmɛ hu ya ngɔ a biyi ɔmɛ.

Mose V, 23:6

Lɔ ɔ he ɔ, ligbi abɔ nɛ o ngɛ je mi nɛ ɔ, koo piɛ a he kɛ tsu nɔ́ ko nɔ́ ko nɛ ma ha nɛ a ma na a he, loo a ma plɔke.

Abɛ Womi 13:22

Nɔmlɔ kpakpa siɔ gbosi ní kɛ haa e bibimɛ. Se yayami peeli a ní ɔ, dali lɛ a bua nya ha.

Yesaya 1:19

Ke nyɛ maa bu mi tue ɔ, lɛɛ nyɛ maa ye zugba a mi niba ní kpakpa.

Abɛ Womi 20:7

Bimɛ nɛ a tsɛ yeɔ anɔkuale, nɛ e peeɔ nɔ́ nɛ da a, a gbaa mɛ.

Ezra 9:2

Yuda nyumuhi kɛ a binyumuhi tsuo ya ngɔ zugba a nɔ yihi; nɛ Mawu ma klɔuklɔu ɔ kɛ nɔ́ nɛ ɔ ble a he. Ma tsɔli kɛ ma ní tsuli titli ji nihi nɛ yeɔ fɔ ngɛ kikɛmɛ a nɔ́ nɛ ɔ mi.”

Mose II, 23:32

O kɛ mɛ, loo a mawu ɔmɛ ko so somi ko.

Kronika II, 19:2

Gbalɔ Yehu, Hanani binyumu ɔ ba kpee matsɛ ɔ, nɛ e de lɛ ke, “Anɛ e da ha mo kaa o ya piɛ yiwutsotsɛmɛ a he, nɛ o kɛ ni nɛmɛ nɛ a sume Yawɛ nɛ bɔ lo? Nɔ́ nɛ o pee nɛ ɔ ha nɛ Yawɛ mi mi fu mo.

Mose V, 23:7

“Koo hie Edom no; ejakaa o nyɛmi ji lɛ. Koo hie Egipt no; ejakaa o ya hi e zugba a nɔ hyɛ.

Kronika I, 28:8

“Lɔ ɔ he ɔ, ye nyɛmimɛ, ngɛ wa Mawu ɔ, kɛ Israel ma kpekpemi nɛ ɔ nɛ ji Yawɛ ma a hɛ mi ɔ, i ngɛ nyɛ dee ke nyɛɛ ye mlaa amɛ nɛ Yawɛ, wa Mawu ɔ wo wɔ ɔ a nɔ fitsofitso. Ke nyɛ pee ja a, zugba kpakpa nɛ ɔ maa pee nyɛ nɔ daa, nɛ nyɛ ma si kɛ ha nyɛ bimɛ nɛ maa ba ngɛ nyɛ se ɔ kaa gbosi ní kɛ maa ya neneene.”