Ezra 9:11 - BAIBLO ALOO NGMAMI KLƆUKLƆU Ɔ

¹¹ O de wɔ kɛ gu gbali nɛ ji o tsɔli ɔmɛ a nɔ ke zugba a nɛ wa yaa ngɔ kɛ pee wa nɔ́ ɔ, a ble zugba a. Bɔ nɛ e ba ji kaa nihi nɛ hi zugba a nɔ ɔ, yayami sɔuu a peeɔ. A pee níhi nɛ a hiee babauu ngɛ zugba a nɔ tsuo, kɛ je zugba a nyagbe he kake kɛ ya si e nyagbe he kake.

Ezra 9:11 ပူးပေါင်းရင်းမြစ်များ

Ezra 6:21

Nihi nɛ ye ní nɛ ɔ ji Israel bi tsuo nɛ kpale kɛ je ma se kɛ ba a, kɛ nihi tsuo nɛ kpa wɔ jami, kɛ lejɛ ɔ zugba a mi bi ɔmɛ a kusumi yayami ɔmɛ, nɛ́ ba, konɛ a ba ja Yawɛ, Israel Mawu ɔ.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Ezra 9:1

Ní nɛ ɔmɛ tsuo a se ɔ, ma nimeli ɔmɛ a ti ni komɛ ba ye ngɔ nɛ a ba de mi ke, “Israel ma a, osɔfo ɔmɛ, kɛ Levi bi ɔmɛ tsɔ we a he kɛ ji nihi nɛ ngɛ zugba a nɔ ɔ a he. Ní hiemi níhi nɛ a ngɛ peeɔ, a kɛ mɛ lɛ peeɔ. Kikɛmɛ a zugba amɛ, kɛ ma amɛ ji Kanaan, Hit, Periz, Yebus, Amon, Moab, Egipt, kɛ Amor.

Kronika II, 33:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Mose V, 18:12

Yawɛ, o Mawu ɔ sume nihi nɛ tsuɔ níhi nɛ a hiɔ nɛ ɔ; lɔ ɔ he nɛ e ngɛ je ma amɛ fiee kɛ je zugba a nɔ ngɛ o blɔ nɔ ɔ nɛ.

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Matsɛmɛ II, 21:16

Ngɛ yayamihi nɛ Manase ha nɛ Yuda pee kɛ si Yawɛ ɔ se ɔ, e pue nihi babauu nitsɛ nɛ pee we nɔ́ ko a muɔ si; nɛ Yerusalem he tsuaa he hyi kɛ muɔ.

Ezra 9:10

“Mawu, jehanɛ lɛɛ ní nɛ ɔmɛ tsuo a se ɔ, mɛni ma kpale de? Mlaahi nɛ o wo wɔ ɔ, wa tɔ̃ lɛ tsuo.

Yeremia 26:5

I de nyɛ ke ye tsɔli gbali ɔmɛ nɛ i tsɔɔ kɛ baa nyɛ ngɔ be tsuaa be ɔ, nyɛɛ bu a munyu ɔmɛ tue. Se nyɛ bui mɛ tue fɛɛ.