Ezra 8:35 - BAIBLO ALOO NGMAMI KLƆUKLƆU Ɔ

³⁵ Jamɛ a be ɔ, nihi tsuo nɛ a nuu mɛ nyɔguɛ kɛ ho ma se ya nɛ kpale kɛ ba a ba sã sami bɔ ha Israel Mawu ɔ. A sã na ku nyɔngma kɛ enyɔ ngɛ Israel ma a tsuo nane mi, nɛ a sã agbosu nyingmi nɛɛ kɛ ekpa, kɛ jijɔ nyingmi kpaago kɛ kpaago hulɔ. Lɔ ɔ se ɔ, a sã akpakpo nyɔngma kɛ enyɔ kɛ kpa mɛ nitsɛmɛ a he yayamihi a he pɛɛ.

Ezra 8:35 ပူးပေါင်းရင်းမြစ်များ

Ezra 6:17

Benɛ a ngɛ Mawu we ɔ nya blie ɔ, Israel ma a ngɔ na ku lafa, agbosu lafa enyɔ, kɛ jijɔ lafa eywiɛ kɛ ba sã bɔ ha Mawu. A ngɔ akpakpo nyɔngma kɛ enyɔ hu kɛ ba sã yayami pami bɔ ngɛ Israel wɛtso nyɔngma kɛ enyɔ ɔmɛ a nya.

Ezra 2:1

Nihi nɛ a nuu kɛ ho ma se ya a babauu kpale kɛ je Babilon kɛ ba Yerusalem kɛ Yuda; nɔ tsuaa nɔ ho lɛ nitsɛ e ma mi ya. A weku li lɛɛ kɛ je be nɛ Matsɛ Nebukadnezer ba nuu mɛ kɛ ho Babilonia ya a, a tlɔ lejɛ ɔ.

Ezra 8:34

A kane ní ɔmɛ tsuo nɛ a ngmɛ, nɛ a ngma kɛ fɔ si.