Ezra 8:33 - BAIBLO ALOO NGMAMI KLƆUKLƆU Ɔ

³³ Ligbi eywiɛne ɔ, wa ya Mawu we ɔ, nɛ wa ya ngmɛ sika tsu ɔ, sika hiɔ ɔ, kɛ ní kpa amɛ; nɛ wa tu mɛ kɛ wo osɔfo Meremot, Uria bi ɔ dɛ. Nihi nɛ piɛ e he ji Finehas bi Eleazar, kɛ Levi bi enyɔ, Yozabad, Yeshua bi ɔ, kɛ Noadia, Binui bi ɔ.

Ezra 8:33 ပူးပေါင်းရင်းမြစ်များ

Nehemia 3:4

Hakoz binyumu Uria binyumu Meremot ɔ fia gbogbo ɔ kɛ tsa nɔ. Nɔ nɛ fia kɛ tsa nɔ ji Meshezabel binyumu Berekia e binyumu Meshulam. Baana binyumu Zadok ji nɔ nɛ fia kɛ tsa nɔ.

Nehemia 3:21

Uria binyumu Meremot, Hakoz bibi ɔ fia gbogbo ɔ he nɛ tsa nɔ ɔ kɛ ya su osɔfo nɔkɔtɔma pe kulaa Eliashib we ɔ nyagbe he ɔ tɔɔ.

Ezra 8:30

Kɛkɛ nɛ osɔfo ɔmɛ, kɛ Levi bi ɔmɛ muɔ sika tsu, sika hiɔ, kɛ ní ɔmɛ tsuo nɛ a ngɔ wo wa dɛ mi ɔ, konɛ a hyɛ nɔ kɛ ya su Mawu we ɔ ngɛ Yerusalem.

Nehemia 8:7

Jehanɛ, a te da si ngɛ he nɛ a ngɛ ɔ, nɛ Levi bi nɛ ɔmɛ tsɔɔ mɛ mlaa a sisi fitsofitso. Mɛ ji Yeshua, Bani, Sherebia, Yamin, Akub, Shabetai, Hodia, Maaseya, Kelita, Azaria, Yozabad, Hanan, kɛ Peleya.

Nehemia 3:24

Henadad binyumu Binui fia he nɛ tsa nɔ ɔ, kɛ je Azaria we ɔ nya kɛ ya su gbogbo ɔ kɔ nya.

Ezra 8:26

Níhi nɛ i ngɔ ha mɛ ɔ ji: sika hiɔ nɛ jiimi ji tɔn 22 sika hiɔ kplu lafa nɛ jiimi ji kilo 70 sika tsu nɛ jiimi ji kilo 3,400 sika tsu kã nyingmi enyɔ nɛ jiimi ji kilo 8.4 kã enyɔ nɛ a kɛ akɔblee kpakpa pee, se a he jua wa kaa nɔ́ nɛ sika tsu a kɛ pee.

Ezra 8:25

Kɛkɛ nɛ i ngmɛ sika tsu ɔ, sika hiɔ ɔ, kɛ ní ɔmɛ nɛ matsɛ ɔ, kɛ e ga woli ɔmɛ, e tsɔli ɔmɛ, kɛ Israel ma a tsuo ngɔ kɛ ba ke ɔ; lɔ ɔ se ɔ, i ngɔ ní ɔmɛ tsuo ngɔ wo osɔfo ɔmɛ a dɛ, konɛ a kɛ tsu ní ngɛ Mawu we ɔ.

Ezra 8:29

Nyɛɛ hyɛ ní ɔmɛ a nɔ saminya kɛ ya su Mawu we ɔ ngɛ Yerusalem. Ke nyɛ su lejɛ ɔ, nyɛɛ ngmɛ ní ɔmɛ ngɛ osɔfo ɔmɛ a tsu ɔ mi ngɛ osɔfo nikɔtɔma amɛ, Levi bi ɔmɛ, kɛ Israel ma nimeli ɔmɛ a hɛ mi, konɛ nyɛɛ tu ngɔ wo a dɛ.”

Ezra 8:34

A kane ní ɔmɛ tsuo nɛ a ngmɛ, nɛ a ngma kɛ fɔ si.

Ezra 2:40

Levi bi: Yeshua kɛ Kadmiel a nina (Hodavia bimɛ ɔmɛ) 74 Mawu we ɔ lali (Asaf bimɛ ɔmɛ) 128 Mawu we ɔ he buli (Shalum, Ater, Talmon, Akub, Hatita, kɛ Shobai a bimɛ ɔmɛ) 139