Ezra 8:30 - BAIBLO ALOO NGMAMI KLƆUKLƆU Ɔ

³⁰ Kɛkɛ nɛ osɔfo ɔmɛ, kɛ Levi bi ɔmɛ muɔ sika tsu, sika hiɔ, kɛ ní ɔmɛ tsuo nɛ a ngɔ wo wa dɛ mi ɔ, konɛ a hyɛ nɔ kɛ ya su Mawu we ɔ ngɛ Yerusalem.

Ezra 8:30 ပူးပေါင်းရင်းမြစ်များ

Yesaya 60:13

“A maa poo Lebanon tso kpakpa nɛ ɔmɛ kɛ ba ma Yerusalem ekohu: sɛsɛo, odum kɛ tsohi nɛ da tlɔmɔɔ ɔ tsuo. Enɛ ɔ ma ha nɛ ye we klɔuklɔu ɔ maa pee fɛu, nɛ ye ma a hɛ mi maa ba nyami.

La 122:9

Yawɛ wa Mawu ɔ we ɔ he je ɔ, ma hla o nɔ yami.

Ezra 8:22

Kaa pe i ya bi matsɛ ɔ ke e ha wɔ ta buli nɛ hi okpɔngɔhi a nɔ nɛ a bu wa he kɛ je he nyɛli a dɛ mi ngɛ blɔ ɔ nɔ ɔ, jinɛ e ko pee mi zo; ejakaa i ha nɛ e nu sisi momo kaa nɔ tsuaa nɔ nɛ ngɔɔ e hɛ ngɔ fɔɔ wa Mawu ɔ nɔ ɔ, e gbaa lɛ; se nɔ tsuaa nɔ nɛ kuaa lɛ wa Mawu ɔ, lɛ hu e bua jɔɛ jamɛatsɛ he; e gblaa nɔ ɔ tue wawɛɛ mohu.

Ezra 1:9

Ní ɔmɛ ji: Sika tsu kãhi nɛ a kɛ sãã bɔ 30 Sika hiɔ kãhi nɛ a kɛ sãã bɔ 1,000 Kã kpahi 29 Sika tsu kã tsɔwihi 30 Sika hiɔ kã tsɔwihi 410 Kã kɛ kplu kpa komɛ 1,000

Ezra 8:33

Ligbi eywiɛne ɔ, wa ya Mawu we ɔ, nɛ wa ya ngmɛ sika tsu ɔ, sika hiɔ ɔ, kɛ ní kpa amɛ; nɛ wa tu mɛ kɛ wo osɔfo Meremot, Uria bi ɔ dɛ. Nihi nɛ piɛ e he ji Finehas bi Eleazar, kɛ Levi bi enyɔ, Yozabad, Yeshua bi ɔ, kɛ Noadia, Binui bi ɔ.