Ezra 8:21 - BAIBLO ALOO NGMAMI KLƆUKLƆU Ɔ

²¹ Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

Ezra 8:21 ပူးပေါင်းရင်းမြစ်များ

Kronika II, 20:3

Yehoshafat tsui po, nɛ e fa kue ha Yawɛ, nɛ e bi lɛ ga womi. Yehoshafat ha nɛ a fiɛ ke nɔ tsuaa nɔ nɛ ha hwɔ ngɛ Yuda zugba a nɔ tsuo.

Yoel 1:14

Nyɛɛ wo mlaa nɛ ma a tsuo nɛ ha hwɔ; nɛ a ba bua a he nya. Nyɛ bua Yuda ma nimeli ɔmɛ, kɛ ma a tsuo a nya ngɛ Yawɛ, nyɛ Mawu ɔ we ɔ nɛ nyɛɛ fa kue ha lɛ.

Yesaya 30:21

Ke nyɛ ngɛ nyɛɛe, nɛ nyɛ gba kɛ je blɔ ɔ nɔ kɛ ya hiɔ nɔ, loo muɔ nɔ ɔ, nyɛ maa nu e gbi ngɛ nyɛ se nɛ ngɛ dee ke, “Blɔ ɔ ji nɛ oo! Nyɛɛ nyɛɛ blɔ ɔ nɔ.”

Samuel I, 7:6

Lɔ ɔ he ɔ, ma a tsuo ba bua a he nya ngɛ Mizpa. A yɛ nyu kɛ pue si ngɛ Yawɛ hɛ mi, nɛ a ha hwɔ jamɛ a ligbi ɔ tsuo, nɛ a de ke, “Wa pee yayami kɛ si Yawɛ.” Mizpa ji he nɛ Samuel hyɛɛ Israel bi ɔmɛ a kpɛti sanehi a mi haa mɛ ngɛ.

Yona 3:5

Nineve bi ɔmɛ he Mawu sɛ gbi ɔ ye, nɛ a ha hwɔ. Nɔ tsuaa nɔ bu kpekpe ya bo, kɛ je nɔmlɔ ngua nɔ kɛ ya si nɔmlɔ wayo nɔ, nɛ a kɛ tsɔɔ kaa a tsake a tsui.

Mose III, 16:29

Enɛ ɔ maa pee mlaa nɛ fɔɔ si kɛ yaa neneene. Nyɔhiɔ kpaagone ɔ we ligbi nɛ ji nyɔngma a, Israel fɔfɔɛ, kɛ nibwɔhi nɛ ngɛ a kpɛti tsuo maa ha hwɔ, nɛ a be nɔ́ ko nɔ́ ko tsue.

Mose III, 23:29

Nɔ nɛ be hwɔ hae ngɛ ligbi nɛ ɔ nɔ ɔ, a je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

La 5:8

Yawɛ ye he nyɛli ɔmɛ a he je ɔ, piɛ ye he, konɛ ma pee nɔ nɛ da. Tsɔɔ mi o blɔ ɔ saminya nɛ ma nyɛɛ nɔ.

Ezra 8:15

I bua ni ɔmɛ tsuo a nya kɛ ho pa nɛ bee kɛ yaa Ahava ma a mi ɔ nya ya. Wa hi lejɛ ɔ ligbi etɛ. I na osɔfohi ngɛ lejɛ ɔ, se Levi bi ɔmɛ lɛɛ a ti nɔ ko nɔ ko be a kpɛti.

Yeremia 10:23

Yawɛ, i le kaa nɔmlɔ adesa ko be he wami ngɛ lɛ nitsɛ e wami nɔ. Pi nɔmlɔ adesa nitsɛ he wami nya ji kaa e maa pee kikɛ nɛ ɔ, loo kikɛ nɛ ɔ.

Yesaya 58:5

Anɛ hwɔ hami kaa kikɛ nɛ ɔ i ngɛ hlae lo? Anɛ nɔ nitsɛ e he pimi kaa kikɛ nɛ ɔ i suɔ lo? Ke nɔ ko ma e yi si kudɔɔ kaa ngɔwu, nɛ e ngmɛ kpekpe ngɛ la zu mi nɛ e hwɔ nɔ ɔ, enɛ ɔ nyɛ tsɛɔ hwɔ hami ɔ? Enɛ ɔ maa sa ye hɛ mi lo?

Yesaya 58:3

Ye ma mi bi ɔmɛ ngɛ bie ke, “Mɛni he je ke wa ha hwɔ nɛ Yawɛ nɛ ɔ? Mɛni he je ke wa wa wa he yi mi nɛ e li ɔ?” Yawɛ ngɛ mɛ dee ke, “Anɔkuale ɔ ji kaa be mi nɛ nyɛ ngɛ hwɔ hae ɔ, jamɛ a be ɔ mi nɔuu nyɛ tsuɔ ní kɛ hlaa nyɛ nitsɛmɛ nyɛ se nami, nɛ nyɛ waa nyɛ ní tsuli tsuo yi mi.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

Manyadali 20:26

Kɛkɛ nɛ Israel tabo ɔ, kɛ ma a tsuo pue nɔ kɛ ho Betel ya, nɛ a ya wo yana. A ya hi si ngɛ Yawɛ hɛ mi, nɛ a ha hwɔ jamɛ a ligbi ɔ kɛ ya si gbɔkuɛ. A sã sami bɔhi, kɛ tue mi jɔmi bɔhi ngɛ Yawɛ hɛ mi;

Mose III, 16:31

Jamɛ a ligbi ɔ maa pee Hejɔɔmi ligbi nɛ a be nɔ́ ko nɔ́ ko tsue; nɔ tsuaa nɔ maa ha hwɔ. Mlaa nɛ ɔmɛ fɔɔ si ha mɛ kɛ yaa neneene.

Yesaya 35:8

A maa je gbɛjegbɛ ko ngɛ lejɛ ɔ, nɛ a ma tsɛ lɛ ke “Blɔ klɔuklɔu.” Yayami peelɔ ko yayami peelɔ ko be nyɛe ngɛ jamɛ a blɔ ɔ nɔ gblegbleegble; nɛ blɔ hialɔ kuasia ko be tlae kɛ ba blɔ nɛ ɔ nɔ.

La 8:2

O haa jokuɛwi, kɛ bimwɔwi he wami nɛ a laa kɛ jeɔ o yi. O he nyɛli ɔmɛ maa a nya, nɛ a nyɛ we nɛ a peeɔ nɔ́ ko.

Ezra 8:31

Kekleekle nyɔhiɔ ɔ we ligbi nyɔngma kɛ enyɔ ɔ, wa je Ahava pa a nya, nɛ wa pue nɔ kɛ yaa Yerusalem. Wa Mawu ɔ piɛ wa he, nɛ he nyɛli, kɛ nihi nɛ wo wɔ ká tsuo nyɛ we nɛ a pee wɔ nɔ́ ko.

Mose IV, 14:31

Nyɛ bi tsɔwitsɔwi ɔmɛ nɛ nyɛ de ke a maa ngɔ mɛ nyɔguɛ ɔ, i kɛ mɛ maa su zugba a nɛ nyɛ kua a nɔ, nɛ e maa pee a nɔ.

Mose IV, 14:3

Mɛni he je Yawɛ kpaka wɔ kɛ yaa zugba nɛ ɔ nɔ, nɛ wa ya gbo ngɛ klaate nya, nɛ a ngɔ wa yihi, kɛ wa bimɛ nyɔguɛ ɔ? Anɛ e be hie mohu kaa waa kpale wa se kɛ ho Egipt ya lo?”

Yona 3:7

E tsɔ kɛ sɛ pɔtɛɛ ko ke a ya de Nineve bi ɔmɛ ke, “Imi Nineve matsɛ, kɛ ye nikɔtɔma amɛ wa ngɛ mlaa woe ke, nɔ ko nɔ ko nɛ ko sa e nya nɔ́ ko, loo e nu nyu po; nɔmlɔ jio, na jio, to jio.

Kronika II, 20:4

Nihi je Yuda ma amɛ tsuo a mi kɛ ba Yerusalem, konɛ a ba bi Yawɛ ga womi.

Nehemia 9:1

Jamɛ a nyɔhiɔ ɔ ligbi nyingmi enyɔ kɛ eywiɛne ɔ nɔ ɔ, Israel bi ɔmɛ ba kpe konɛ a ha hwɔ, nɛ a pia a he ngɛ a yayami ɔmɛ a he. Jamɛ a be ɔ mi ɔ, Israel bi ɔmɛ tsɔ a he kɛ je nibwɔ ɔmɛ tsuo a he momo. Israel bi ɔmɛ bu kpekpe ya bo, nɛ a ngɔ bunyuku ngɔ pue a yi mi kɛ ye kɔmɔ. Jehanɛ, a da si nɛ a bɔni mɛ nitsɛmɛ, kɛ a nɛmɛ ɔmɛ a he yayamihi nɛ a pee ɔ jajemi.

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

La 5:9

Ejakaa ye he nyɛli ɔmɛ tu we anɔkuale; yayami hyi a tsui mi tɔ. A tuɔ munyu dɔkɔdɔkɔ, se lɛ tsuo kɛ gbenɔ ba a.

La 137:1

Babilon pa amɛ a tue wa hi si ngɛ nɛ wa wo yana, benɛ wa kai Zion ɔ.

Yeremia 42:3

Kpa Yawɛ, wa Mawu ɔ pɛɛ konɛ e tsɔɔ wɔ blɔ nɛ wa maa nyɛɛ nɔ, kɛ nɔ́ nɛ sa wɔ peemi.”

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.