Ezra 8:17 - BAIBLO ALOO NGMAMI KLƆUKLƆU Ɔ

¹⁷ I tsɔ mɛ Yuda bi ɔmɛ a nyatsɛ Ido ngɔ ngɛ Kasifia ma a mi. Sɛ gbi nɛ i ha mɛ kɛ ho ji kaa a ya de lɛ, Ido ɔ, kɛ e nyɛmimɛ ɔmɛ nɛ tsuɔ ní ngɛ Mawu we ɔ ke a ha wɔ sɔmɔli nɛ a ba tsu ní ngɛ Mawu we ɔ ngɛ Yerusalem.

Ezra 8:17 ပူးပေါင်းရင်းမြစ်များ

Ezra 2:43

Mawu we ɔ ní tsuli: Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Shamlai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Asna, Meunim, Nefisim, Bakbuk, Hakufa, Hahur, Bazlut, Mehida, Hasha, Bakos, Sisera, Tema, Nezia kɛ Hatifa.

Tito 1:5

I si mo ngɛ Kreta, konɛ níhi nɛ piɛ ɔ, o to blɔ nɔ pɛpɛɛpɛ, nɛ o wo asafo nya dali ngɛ ma tsuaa ma mi. Mo kai níhi nɛ i de mo ɔ.

Yeremia 15:19

Yawɛ he nɔ ke, “Ke o kpale kɛ ba a, i kɛ o blɔ he ɔ ma ha mo, nɛ o ma ba pee ye tsɔlɔ ekohu. Ke o maa fiɛ fiɛmi kpakpa, nɛ o be munyu gu tue ɔ, lɛɛ o maa pee ye gbalɔ ekohu. Ma a maa kpale kɛ ba o ngɔ, nɛ e be hiae kaa moo o ya a ngɔ.

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Ezra 2:58

Mawu we ɔ ní tsuli a nina, kɛ Salomo tsɔli ɔmɛ tsuo nɛ kpale kɛ je ma se kɛ ba a, a yibɔ ji 392.

Samuel II, 14:19

Matsɛ ɔ bi lɛ ke, “Anɛ Yoab le ní nɛ ɔmɛ tsuo a he nɔ́ ko lo?” Yo ɔ he nɔ ke, “I na nɛnɛ, kaa nɔ ko nɔ ko be nyɛe maa je nɔ́ nɛ o de nɛ ɔ he nɔ́. O tsɔlɔ Yoab tutuutu ji nɔ nɛ tsɔ mi; nɛ lɛ nɔuu nɛ e tsɔɔ mi nɔ́ nɛ ma ba de mo ɔ nɛ.

Samuel II, 14:3

Lɔ ɔ se ɔ, yaa matsɛ ɔ ngɔ nɛ o ya de lɛ nɔ́ nɛ ma de mo nɛ ɔ.” Kɛkɛ nɛ Yoab de yo ɔ nɔ́ nɛ e ya de matsɛ ɔ.

Mose V, 18:18

Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.

Mose IV, 18:6

Imi nitsɛ lɛ i hla nyɛ nyɛmimɛ Levi bi ɔmɛ kɛ je Israel bi ɔmɛ a kpɛti, nɛ i ngɔ mɛ kɛ ha nyɛ kaa nike ní. A hla mɛ ngɔ to ha mi, konɛ a nyɛ nɛ a tsu ní ngɛ kpe he bo tsu ɔ mi.

Mose II, 4:15

O kɛ lɛ nɛ tu munyu, nɛ́ o tsɔɔ lɛ nɔ́ nɛ e de. Ma piɛ o kɛ lɛ tsuo nyɛ he, nɛ ma tsɔɔ nyɛ nɔ́ nɛ nyɛɛ pee.

Kronika I, 9:2

Kekleekle nihi nɛ kpale kɛ ba mɛ nitsɛmɛ a zugba nɔ, kɛ a ma amɛ a mi ji nɛ ɔmɛ: Israel bi komɛ nɛ pi osɔfohi ji mɛ, osɔfo ɔmɛ, Levi bi ɔmɛ, kɛ Yawɛ we ɔ ní tsuli.

Ezra 8:16

Lɔ ɔ he ɔ, i tsɔ nɛ a ya tsɛ ma nimeli nɛ ɔmɛ kɛ ba: Eliezer, Ariel, Shemaya, Elnatan, Yarib, Elnatan, Natan, Zakaria, kɛ Meshulam. Yoyarib kɛ Elnatan nɛ a juɛmi mi kuɔ saminya a hu piɛ a he.